وجودك جنة حياة

part 22

الحُب ؛ ليسٓ سطوراً بلٓ شَعور ، لا يُدركهٓ سِوىٓ مِن خافٓ الله أولاً ثم خافٓ علىٓ مِن يُحبٓ ❤❤

طلع فهد على المنصة وبدا يتكلم ..

(الكلام برضو بالانجليزي بس حأكتبو عربي على طول )

تجمعنا هنا اليوم لغرض منها ابتكار عمل جديد يؤدي عدة وظائف منها المادي والجمالي، أي أن عملية التصميم تعدّ عملا مبتكرا يحقق غرضه بإضافة شيء جديد...

وكلام كتير ومنها بدأ العرض ... بدو ال Models يمشو ويجو وهم بعرضو الفساتين الكانت من تصميمي ،،، وانتاج شركة فهد .. كانت في دقة في الفساتين والتفاصيل الجميلة ...و ال Photographers بيصورو فيهم..

كان فهد بعاين وهو مبسوط انو المشكلة اتحلت ،،، عاين في وجوه الضيوف ،،، كانت علامات الاعجاب واضحة في عيونهم ،،، لغاية ما جا دور الفستان الاساسي و اكترهم جمال ودقة ...

كانت الناس متشوقة تشوف الفستان،،، الصالة انوارها انطفت وبقا في نور واحد بس والي هو في الوسط البيمشو فيهو ال Models ،،كل الموجودين انظارهم بقت هناك وهم متشوقين وفهد اولهم ،،بقا يعاين وهو منتظر ،،، مرت دقيقتين  ولسة مافي شي ،،،الضيوف بدو يتكلمو مع بعض وفي نظراتهم في تساؤلات عن التأخير ،،، فهد اتوتر وعروق جبينو ظهرت ،،،، لغاية ما جات عاين في الاتجاه البعاينو فيهو الناس نظرات اعجاب ،،، انصدم وشوية شوية ابتسم ،،،، كنت انا اللابسة الفستان ،،،اطريت البسو ما كان في حل غير كدة🤷‍♀️،،، بقيت امشي وانا في شوية توتر بس بعدها راح بقيت ابتسمت وبقيت امشي بخطوات واثقة ،،،، مشيت وبعدها جيت راجعة مرتين ،،مشيت وجيت مشيت وجيت وبعدها نزلت من صالة العرض ودخلت الغرفة ،،، قعدت وانا ما مصدقة اني عملت كدة ،،،ابتسمت وبقيت قاعدة بس ،،،،جوني فارس وفهد ،،،دة الكنت خايفة منو اكيد حيشاكلوني 

فهد :دة شنو العملتي دة 

عاينت ليهو بدون ما اقول حاجة

ضحكو الاتنين وبعدها حضنو بعض ،،،

فارس :كنت روعة ،،، عارفة !! الفستان طلع فيك احلى من الموديل الكانت حتلبسو 

ابتسمت ليهو ،،، جا واحد من الموظفين ونده على فارس 

فارس :يلا انا ماشي 

فهد :تمام 

بعد فارس مشا قمت و وقفت

قال لي :وين الموديل  الكانت حتلبسو  ؟؟

قلت ليهو : ما عارفة ما لقيتها 

نزل راسو وابتسم وبعدها قرب وحضني ،،

بقيت مصدومة وما قادرة اتحرك ،،،همس لي وقال :شكرا ،،وبَعّد مني وطلع 

قعدت في الكرسي تاني وانا مصدومة ،،بقيت اتبسم ،،غطيت وشي بيدي وانا بضحك،،،

،،،،،،،،،،،،،،،،،،،،،،،،،،،،،،،،،،،،،،،،،،،،،

بعد اليوم دة خلص ورجعنا الفندق ،،،،رقدت في السرير بتعب ،،،،اخخخخخخخخخ يوم متعب وربي 

انا لي مبسوطة ؟؟؟!! اممممم يمكن عشان عرفت انو القتل اهلي ما فهد ،،، ولا عشان لما ح....

لالا اكيد ما عشان كدة ،،اها ويعني افرح لي انو حضني ،مفروض كان ابعدو مني اساسا ،،،، طيب هسة السؤال :القتل اهلي منو ودة منو الكان بيتكلم بالتلفون ،،،، طيب انا لو ما كان سمعت المكالمة دي ،،كان هسة ظلمت فهد وخربت شركتو ،،،،الحمدالله يارب ..

:::::::::::::::::::::::::::::::::::::::::::::::::::::::::::::::::::::::::::::

قعدنا تاني في فرنسا يومين وبعدها رجعنا ايطاليا ،،، كنت مشتااااقة لي ايفا شديييد،،، اول ما وصلنا المطار رجعنا للبيت ،،، لقيناهم كلهم منتظرننا ،،، مشيت وسلمت عليهم كلهم وبعدها قعدت ايفا وتولين في حضني ،،، الفترة المضت دي كنت بعتبر تولين بتي وما كنت بفرق بينها وبين ايفا❤❤ ،،،يعني اعوضها عن حنان الام الفقدتو ولو شوية ،،،، بعد اخدنا شاور وارتحنا شوية ،،، نزلنا كلنا وبقينا نتغدا ،،، 

اليوم البعدو كنت عايزة ارجع انا وايفا البيت خلاص بس خالتو هيلدا وفهد اصرو كتيير اني اقعد معاهم ،فإطريت اني اقعد معاهم،،، مرت الاايام وانا لسة بالي مشغول عن المكالمة السمعتها ..والحمدالله فهد تاني ما سألني عن ال Models شكلو نسى 😹😹

::::::::::::::::::::::::::::::::::::::::::::::::::::::::::::::::::::::::::

في يوم كنت في شركة فهد ،،،، فهد كان تحت في الرسبشن وبيتكلم  بالتلفون ،،،، طلعت فوق عشان اجيب شنطتي من مكتب فهد ،،، قبل ما ادخل سمعت حد بيتكلم ..

لا لسة ما مشت اتخيل ،،،قول لي اعمل شنو بعد كدة ،،،، مفروض اخطفها هي عشان تمشي وارتاح ،،، والله الوقت كلو بكون خايف ومتوتر ..لا لا م .....

وقبل ما يتم كلامو جيت ودخلت .. ووقفت وانا مصدومة 

معقووووووول💔

يتبع..