جنه السيف

الحلقه الثانيه

الحلقه الثانيه ((جنه السيف))

دلفت الي الشركه ثم الي مكتب جنه ودلفت دون استأذان

نظرت لها بغيظ
_ ملك...هو انا مش قولت ١٠٠ مره تخبطي الاول

حلست ع المقعد امامها وقالت بلامبالاه
_ خلقي خلقك استرتش كدا ي جنه..انا غلطانه يعني اني جيت اونسك

نظرت الي الاوراق امامها ثم نظرت لها بسخرية
_ لا متخفيش..معايا اللي منونسني...مش كنتي تيجي تشتغلي معايا كدا

نظرت لها باستخفاف
_ لا ي اختشي يفتح الله..انا واحده كسوله ولا اقدر احضر اجتماعات ولا اقدر ع المرار الطافح بتاعك ده

تنهدت بضيق
_ هعمل ايي..منه لله اللي كان السبب..انا ولا كنت عايزه ادخل كليه هندسه ولا حاجه..كان زماني ف حقوق ومحققه حلمي

_ سيبك..المهم انا كنت جايه اسلم ع عمو يحي وسيف..دول وحشوني اويي...الا هما فيين

جزت ع اسنانها وتحدثت بنبره غيره
_ عايزه ايي من سيف

ابتسمت بمشاكسه
_ هو ف ايي ي جنه..بقول هسلم عليه..هو فين بقالي كتير مشوفتوش

تحدثت بهدوء رغم غيرتها الحارقه
_ ف مكتب عمو يحيى..ف الحسابات

هزت رأسها وذهبت من امامها ودلفت الي الي مكتب الحسابات ولكن من كثره الاماكن لم تعرف اين هي ... نظرت الي موظفه

_ هيي..انتي ي أموره

نظرت لها وقالت باحترام
_ ايوه ي ملك هانم

_ الاقي فيين عم يحي

وصفت لها المكتب ودلفت اليهم بمرح
_ عمووو يحيي

نظر لها وارتدي نظرته الطبيه وهو يحاول التعرف عليها ف هي غائبه عنه منذ سنين
_ مينن

جلست امامه
_ بقا كدا ي عم يحيي مش فاكرني..انا ملك..ميكي

نظرت الي سيف
_ م تقول لابوكي حاجه ي عم

ابتسم ونظر لهم
_ اهلا ي ملك هانم..دي ملك ي بابا

هب واقفا من مكانه ومن ثم احضتنها بلهفه
_ ملك...ونبي بقيتي قمر..كبرتي خالص..ولسه زي م انتي ..متغيرتيش

ابتسمت بود
_ اللي زيي مبيتغيرش ي عم يحي..المهم انت عامل ايي

جلس
_ الحمدلله ي بنتي...ماشاءلله بقيتي آيه ف الجمال زي جنه..ولسه زي م انتو ..مفييش بينكو ايي شبهه خاالص واللي يشوفكوا ميقولش اخوات حتي

ابتسمت بغرور مصطنع
_ عيب عليك ي عم يحيي ..لازم انا وهي كدا نبقا مختلفين..بنات عيله المالكي مينفعش يتكرروا

_ طب قوليلي عامله اي ف حياتك

عبست بوجهها الملائكي ك اسمها
_ اهو ي عم يحي..هتخطب قريب