جنه السيف

الحلقه الثانيه عشر

الحلقه الثانيه عشر (( جنه السيف))

ربت علي ظهرها..لا يعلم سبب بكائها..ولكنه قلق بشده..نظر لوالديه بتساؤل..ولكنهم اخفضوا راؤسهم بحزن..

اخرجها من احضانه بحنان
- ف اي..حد يتكلم..قلقتوني

تمارا ببكاء
- ف واحد اشتري العماره..وبيقول اننا كلنا هنخرج منها..

سيف بصدمه
- ازاي يعني..فهموني

يحي
- طب اقعد يابني ونا هشرحلك

جلس امامه..يريد تفسير
قال يحي
- احنا قومنا لقينا جوابات من صاحب العماره بتقول انه باع العماره لرجل اعمال كبير..وانه كده ملهوش دعوه بكل السكان..واي تعامل بعد كده هيكون مع الراجل ده او سكرتيره..

سيف بدهشه
- ازاي..وهما بقا ناوين يعملوا فينا اي

صفاء بحزن
- بيقولوا انو الراجل ده هيهد العماره وهيعمل مكانها مشروع الله اعلم اي هو..واكيد هيخرجنا منها..

تمارا ببكاء.
- هيهد ذكرياتنا..واحنا بقا المفروض نروح مكان تاني

سيف بهدوء
- طب اهدوا..كل حاجه وليها حل..انا هروح اتكلم مع السكان وافهم منهم اكتر برضو

خرج سيف بينما الباقي يجلس علي اعصابه..يدعون الله ان يجدوا حلا لهذه الكارثه..

*****

ربتت ملك علي ظهر شقيقتها بحنان وحزن وهي تبكي داخل احضانها..فهي الان قصت عليها كل شئ بخصوص قصه حبها..لم تقل لها ملك انها كانت تعلم وانها السبب في اعترافهم..

عمر كان محق..ف الامر اصبح اكثر تعقيدا مما كانت تتخيله..ظنت بأنهم هكذا سيعيشون حياتهم طبيعيه بدون الاام..ولكن حدث عكس ما توقعت تماما..

مسحت جنه دموعها وهي تقول بحزن
- عارفه انك زعلانه عشان خبيت عليكي..بس والله مكنتش قادره اعرف حد..قلبي مكنش مطاوعني حد يعرف قبله..واهو عرف..وطلع هو كمان بيحبني..كنت مفكره انو لو ده حصل هكون اسعد واحده ف الدنيا..بس حصل عكس كل حاجه توقعتها...

اكملت ببكاء اكثر
- ليه ي ملك كده..ليه الحاجه الوحيده اللي اتمنتها تحصل محصلتش..ليه الحلم الوحيد الل كنت عايشه ع امل انو يتحقق اتحطم ف ليله وضوحاها..ليييه..انا متنمنتش حاجه قده والله..كنت مستعده اضحي بأي حاجه مقابل انو يكون معاياا..

وقفت ملك سريعا تغلق باب الغرفه حتي لا يسمع احد بكاء شقيقتها..ثم جلست تحضتنها مره اخري
- اهدي يحبيبتي..انا والله متفائله..مش يمكن بعد كل ده يحصل حاجه حلوه..اقصد يعني انوو ربنا بيخلينا نتعب عشان لما نوصل نحس بقيمه الحاجه الل معانا..اكيد ربنا لي حكمه ف كل حاجه..

ابتسمت بسخريه ممزوجه بحزن
- لا نا خلاص صدقت سيف..اصلا هتعب اي اكتر من كده..صدقيني مفيش تعب قد الل حاسه بيه دلوقت..سيف معاه حق