جنه السيف

الحلقه الرابعه عشر

الحلقه الرابعه عشر (( جنه السيف))

بالمناسبه محدش عرف يتوقع حاجه صح..هفاجئكوا

ما ان صفعها حتي توقف..كانت زوجته وجنه ينظرون له بصدمه بينما جنه تبكي في احضان والدتها..في حين ضرب هو يديه في الحائط كأنه يعاقبها علي ضربها لابنته..لاول مره يضربها..ولكن هي من اخطأت..نعم الوقوع في الحب اصبح خطأ الان..نعم في قانون عائله المالكي هو خطأ..

دينا بغضب وهي تربت علي ظهر ابنتها
- اي اللي انت عملته ده ي عبدالله..بتمد ايدك ع البنت..

تابعت بصدمه كأنها الان فهمت ما تفوهه به
- ثواني بس..سيف مين ده اللي بتكلموا عنه

التفت لها عبدالله بغضب
- اسألي الهانم..اسألي الهانم رايحه تحبلي مين..بنتك بتقف ف وشي وتعارضني عشان سيف اللي شغال عندنا..بنتك ي هانم بتحب واحد شغال عندنا..

قالت بين شهقاتها وني تضع يديها علي وجنتها
- وفيها اي..هو الحب جريمه ولا عقاب..وبعد..وبعدين هو يعني بيشتغل حاجه عيب ولا حرام..هو الشغل بقا عيب دلوقت ي ناس

نظرت له دينا ببكاء
- صحيح ي عبدالله..ده يوم الهنا لما بنتك تحب واحد زي سيف..ده جمال واخلاق ما شاء لله

ارتفع جانب شفتيه يابتسامه ساخره
- جمال واخلاق..وفين المال مشوفتهاش يعني..طب روحي قولي للناس كده..قوليلهم نا بنتي هتجوز واحد شغال عندها..قوليلهم بنتي رفضت ابن عمها المليونير عشان سكرتير عندها..اصل اي هي بتحبه
تابع بغضب
- ده ع جثتي فاهمه..ع جثتي..قال سيف قال..الواد ده من بكره مرفوض من الشغل

صعقت جنه ونظرت له وعيناها تترجاه
- اي اللي انت بتقوله ده بس ي بابا..هو ملوش ذنب..صدقني هو حتي ميعرفش اني قولتلك حاجه..ولا هيعرف

صمت ثواني وهو يلهث من شده غضبه ثم رمقها بهدوء مخيف
- قوليلي يعرف انك بتحبيه ولا لا

ابتلعت ريقها بتوتر..
- اه..اها..يعرف

اغمض عيناه بقوه وضغط علي يديه
- عشان كده..وانا اقول الواد ده شايف نفسه علينا ليه..وازاي رجع الشغل تاني..صحيح م اهو لقي فرصه من دهب..اكبر سيده اعمال ف الشرق الاوسط واقعه ف غرامه..هيحتاج اي اكتر من كده..لازم يلف ويدور حواليها لحد م يوقعها هي وفلوسها ف شباكه

جنه بدهشه
- انت بتقول اي بس..سيف..سيف مستحيل يفكر كده..سيف اشرف من كده..وكرامته متسمحلوش بكده

- لا والله..كرامه اي بقا م كل حاجه بانت..طلع عامل فيها الواد اللي مفيش منه اتنين عشان لما الهانم تعوز تتجوزه انا اوافق ع طول...بس ده ع جثتي ي جنه فاهمه..مش خطوبه ملك خلال شهرين انا هقربها واخليها الاسبوع الجاي مع خطوبتك انتي وماجد بالمره..

حدقوا به بصدمه بينما تفوهت دينا
- انت بتقول اي..عايز تجبر بنتك ع ماجد..انت اكيد مش طبيعي ي عبدالله..كل ده ليه يعني