جنه السيف

الحلقه التاسعه

الحلقه التاسعه (( جنه السيف))

ارتشف القليل من قهوته..يحدق ف عمر الجالس امامه بعدم فهم

عز بحيره
- ايوه برضو مش فاهم نا المفروض اعمل اي

تنهد عمر بملل..فقد شرح له القصه كامله للمره العاشره..ولكن يبدو ان صديقه يمتلك غباء شديد
- يابني قولتلك..عايزينهم يعترفوا لبعض بمشاعرهم

- هو انت فاكرني خاطبه ي عمر

- لا بس عارف انك دنجوان وتفهم ف الحاجات دي..وبعدين قصص الحب اللي عشتها ف عيلتك كفيله تخليك ولا احسنها خاطبه

لوي شفتيه بملل
- يابني نا خلاص مبقتش اعمل الحاجات دي تاني..من ساعه م البت هديل رفضتني وانا اتعقدت..ودلوقت انا مبجمعش بين الناس..العكس صحيح

- يخربيتك...قصدك اي

- يعني الل انت فهمته..انا متعقد من قصص الحب الناجحه..عشان كده بقيت افرق بين الناس..تعرف امبارح كنت هموت من ابويا بسبب اني كنت هخلي امي تخلعه وانا واقف..اها والله..ف انت بقى متجليش ف الحاجات دي..انت تجيلي ف طلاق..خلع ماشي..محكمه اسره وبهدله اوكي..واحده عايزه تطفش عريس فل برضو ..انما بقا اجمع بين الاحبه والجو ده انا سيبته خلاص

لوي شفتيه بسخريه
- صدقتك نا كده..عايز تقولي انو عز دنجوان الجامعه والمدرسه ..

قاطعه بضيق
- اخرس..هو قرك ده اللي جابني الارض..المهم انجز عايز ايي نجمع راسين ف الحلال وكده

تنهد بحيره
- اهو موضوع راسين ف الحلال ده مش داخل دماغي..يعني ازاي جنه وسيف..مش راكبه

عقد حاجبيه باستغراب
- مش راكبين ليه

اتسعت حدقتيه ف دهشه
- انت اهبل يابني..بقولك ده شغال ف الشركه معاهم..موظف يعني

هز كتفيه بلامبالاه
- وفيها اي..هو عشان موظف ملوش حق يحب زي الناس

- مش كده..بس يعني انت مفكر انو لو حد ف عيله المالكي عرف انو جنه بتحب سيف..هيفرح وكده ويلا نجوزهم..الموضوع مش هيمشي كده خالص

- انت عمال تعقد ف الموضوع ليه مش فاهم

- انت هتعملي زي ملك..يابني الموضوع لوحده مش عادي..كان عادي لو بنت من طبقه متوسطه اتجوزت واحد غني كان ممكن يعدي الموضوع عادي..انما العكس..ههه محصلتش وشوفتها الصراحه..وخصوصا لو مع عيله المالكي..وخصوصا اكتر لو مع اونكل عبدالله..ده واحد طول عمره بيفكر ف الفلوس..الثروه..والاملاك وازاي يجمعهم..تفتكر هيوافق يجوز بنته لموظف عندهم..بص انا مش بعيب سيف ف حاجه..بالعكس نا اتعاملت معاه كام مره..وهو حد كويس اوي..بس هما بقا هيفكروا ف المظاهر..مش تربيته واخلاقه

- يابني لا اي اب ف الاخر هيبقا عايز بنته مبسوطه..انت لو تعرف عمو مالك بيعمل اي مع مسك وكارما..وولادهم كمان..عمو مالك ده عمل اي حاجه يقدر عليها عشان خاطر بناته..وضحي كتير عشانهم..و اكيد اونكل عبدالله زيه برضو..زي اي اب..ولما يعرف انو سعاده جنه مع سيف ده..مش هيعترض