اللهم صلي وسلم وبارك على سيدنا محمد...♥
وها قد وصلنا اللى اليوم المنتظر(البارت هه*😉😂)
صحيت سيلين من نومها والقلق مالى قلبها
سيلين وهي بتكلم نفسها بصوت عالى الى حد ما: اهدى اهدى مفيش حاجه هتحصل ان شاء الله ولو ف حاجه حصلت فا انتى هتعرفى تدفعى عن نفسك صح
دخلت سعاد عليها مره واحده من غير ما تخبط ولقتها بتكلم نفسها
سعاد: اى ي بنتى انتى كمان اتجننتى؟
سيلين وهي بتشد امها عشان تعد جمبها وتتكلم بصوت واطى لانها خايفه طبعا لاحسن بابها يعرف
سيلين: اى ي ماما وطى صوتك.. انا بس قلقانه من اللى هيحصل النهارده خايفه لاحسن اكون مش قد المسؤليه ي ماما
سعاد وهي تحتضن سيلين وتمسد ع شعرها: متقلقيش ي حبيبتى كل حاجه هتمشى زى ما انتى عاوزه ويمكن احسن كمان قولى انتى بس يارب
سيلين بكل امل ف قلبها قالت: ياااارب
سعاد: قومى يالا بلاش كسل عشان تفطرى وتشوفى هتعملى اى وطمنيني عليكى كل خمس دقايق انتى فاهمه
سيلين : حاضر ي ماما
بعد كدا سالتها: ماما هوا انتى جبتى سيره لبابا
سعاد بشويه توتر بس قدرت تسيطر ع نفسها : لا ي حببتي متقلقيش
سيلين : كويس انا هبقى احكيله بعد ما ارجع
سعاد وهى سرحانه: طبعا ي حبيبتى طبعا
سيلين: اه صح هي الساعه كام
سعاد:9 لى
سيلين اتنطرت من ع السرير وبتقول: يالهوى ي ماما وسيبانى اعده برغى معاكى
وراحت الحمام تاخد دوش بسرعه قبل ماتواجهه مصيرها(ايوه لازم تواجهه وهي نضيفه برده 😂😂)
سعاد وهي سرحانه ف اللى حصل من يومين
فلاش باك:...
قامت سعاد بعد ما خلصت كلام مع سيلين ودخلت اوضتها وكانت متوقعه ان جوزها نام بس اتضح العكس وانه كان صاحى مستنيها
احمد: انتى مفكره انى هبقى نايم صح
سعاد: لا عادى
احمد : من غير ماتخبى عليا حاجه عايز اعرف سيلين مالها من امبارح مش عجبانى واكيد حكتلك
سعاد ماكنتش عارفه تعمل اى بس قررت انها متخبيش حاجه عن جوزها اللى هوا ف الاساس ابو عيلها وبالفعل حكت لى كل حاجه سيلين قالتلها وقال:
والله ي حج انا مش عارفه اعمل اى وخايفه عليها جدا بس انا طمنتها
احمد بثقه: بنتك عاقله ي سعاد وانا واثق فيها وهى وعارفه بتعمل اى بالظبط وانا مش قلقان عليها
سعاد: ازاى بس ي حج
احمد بتفكير: بس الفكره هي محكتليش لى
سعاد: اكيد خافت لا تمنعها من انها تعمل المقابله مع اللى مايتسمى
احمد: بس ي سعاد احنا مش عاوزين ناخد ذنوب ع المسا
سعاد: ادينى سكت اهو
احمد:انا مش عاوزك تقولى لى سيلين انك حكتيلى حاجه
سعاد: حاضر مش هاقولها متقلقش نام انت بس عشان شغلك الصبح
احمد: طيب تصبحى على خير
سعاد: وانت من اهله
وراحوا ف ثبات عمييق
عوده من الفلاش باك
عادت سيلين غرفتها وهي عجله من امرها(مش عجله الى احنا بنركبها ي شباب لاحسن تفهموا غلط😂♥)
سيلين بسربعه: اى ي ماما انتى لسه اعده
فاقت سعاد من سرحنها وهى بتقول: معلش يابنتى سرحت ف موضوع كدا
سيلين وهي مش منتبها وبتعمل حاجتها بسرعه: طيب طيب ي ماما
وقالت سعاد عشان تحضر الفطار
جهزت سيلين ولبست حاجه مريحه لليوم الشاق دا (لبست سولبت چينز واسع وتحته شيميز ابيض ولبس طرحتها اللى كان لونها افوايت وفيها ورد صغنن كدا)
طلعت سيلين من اوضتي وهيه ماسكه الشنطه وبتحط فيها حاجتها بسرعه وشافت عيلتها اعده بتفطر
سيلين وهيه بتلبس الكوتشى بابها قالها: اى ي بنتى مالك متسربعه كدا لى تعالى افطر حتى قبل ما تنزلى
سيلين وهي بنتكلم بسرعه: لا ي بابا انا متاخره جداا هبقى اكل اى حاجه من بره
احمد بحنان ابوى:طيب ي بنتى خلى بالك من نفسك
سيلين: حاضر ي بابا سلااام
ومشيت سيلين عشان تقابل وتعرف قدرها محضرلها اى
مصطفى بعد ما خلص اكل قال: الحمدلله هقوم انا عشان ورايا محاضره مهمه ولبس الشوذ ونزل ع طول
احمد: الواد اتهبل
سعاد: انت اول مره تعرف ولا اى
احمد: طيب انا كمان بقى اقوم احضر نفسى عشان اروح الشغل
سعاد: تمام وانا هقوم الم الاكل دا
وفعلا حصل اللى قالوا عليه وراح احمد الشغل لكن قلبه كان بيدعى لعياله اللى هوا ميقدرش يعيش ثانيه من غيرهم
