ساميه: عندك حق ي حج..ربنا يسترها
وفي سرها قالت: هات العواقب سليمه يارب
احمد: انا كمان هقوم انام لانى مش قادر يلا تصبحى ع خير
ساميه بابتسامة: وانت من اهله♥
"""""""""""""""""""""""""""
عدى اليوم ع باقى ابطالنا بسلام...
و فى صباح يوم جديد ملئ بالاحداث المختلفه.. استيقظت سيلين الساعه 7 صباحاً..نهضت وادت فرضها..وبدأت ف الاتصال ع صديقتها...
سيلين:ي صباح الخير
تمارا:ايدا مهزءتنيش مش معقول
سيلين: هههههه انا غلطانه قولت اصبح عليكى الاول
تمارا: طب يستى صباح النور
سيلين: انتى كنتى صاحيه ولا اى
تمارا: اه صحيت من شويه قومت صليت وبعمل شويه حاجات ع اللاب كدا..و اهو هقوم اجهز والبس
سيلين: طب اى هتقولى لى اختك انك مسافره ولا هتعملى اى
تمارا بتنهيده: ما انتى عارفه ي سيلين ان سميه مش ف دماغها حاجه غير الخروجات وصحبها فا مش هتفرق معاها كتير
سيلين: بس برده لازم تقوللها اهى تكون عارفه برده
تمارا: حاضر هبقى اعرفها وانا نازله
سيلين: تمام يلا روحى البسى وانا كمان هجهز
تمارا: خلصانه مع السلامه يحب
سيلين: سلام♥
وبدأت كل واحده تجهز ليوم جديد ومغامرة جديده
"""""""""""""""""""""""""""
عند زين...
قام من النوم و فضل مكانه بيفكر ف اللى هيحصل ف اللى جاى
مسك علبه السجاير وسحب سيجاره وبدأ انه يشربها
باب اوضته خبط وهوا اذن بالدخول
سعاد: صباح الخير ي حبيبى
زين: صباح الخير ي ست الكل
سعاد: سجاير ع الريق برده ي زين حرام عليك صحتك يبنى
زين: متخافيش انا زى الفل اهو..المهم كنت عاوزه اقولك انى مسافر ف مهمه كدا هعد فيها حوالى اسبوع
سعاد بقلق ام ع ابنها:ربنا يستر طريقك يبنى وترجعلنا بالسلامه
زين قام باس راسها: الله يسلمك ي غاليه ادعيلى انتى بس
سعاد بحنان: بدعيلك دايما والله
زين بابتسامة: تسلميلى ي ماما.. يلا بقى عقبال مجهز اعمليلي فطار من ايدك الحلوه دى
سعاد: بس كدا من عينيا احلى فطار ليك
وسابته ونزلت تجهز الفطار ...
مسك زين تليفونه ورن ع محمود
زين: الو اى صحيت
محمود: اه صاحى من بدرى انا
زين: طب كويس رن ع عدى وانا هرن ع اسامه عشان نجهز الساعه خلاص داخله ع 8
محمود: خلاص ماشى سلام
زين قفل مع محمود ورن ع اسامه اللى هوا كمان كان صاحى
محمود: الو
عدى: بجهز اهوو اقسم بالله
محمود: ههههه تمام ع السريع بقى
عدى: حاضر سلام...صحاب تجيب الغم
"""""""""""""""""""""""
عند تمارا
خرجت تمارا من اوضتها و ودخلت اوضه اختها لاقتها نايمه وبدأت ف انها تصحيها
تمارا بدأت تهز فيها: سميه ي سميه
سميه بهمهمه: امممم
تمارا : قومى عاوزه اقولك حاجه
سميه: لا رد
تمارا بعصبيه: ي بنتى قومى بقى هقولك ع حاجه وبعد كدا نامى تانى زى ما انتى عاوزه الله
سميه بدأت تفوق وقامت اعدت : ها عاوزه اى ادينى اتنيلت قومت
تمارا بسخرية: لا كتر خيرك والله
سميه بنفاذ صبر: عاوزه اى ي تمارا انجزي
تمارا بتنهيده: انا مسافره واحتمال اعد اسبوعين كدا
سميه بعدم اكتراث: طب ما تسافرى ي تمارا هوا انا هقولك لا ولا همنعك يالا يالا اطلعى واقفلي النور عاوزه انام
تمارا خرجت وقالت وهى طالعه: كنت متوقعه منك الرد دا
عادت تمارا مره اخرى الى غرفتها وبدأت ف تجهيز اشيئها
"""""""""""""""""""""""""
نرجع تانى لى سيلين
جهزت سيلين وحضرت شنطتها وخرجت من اوضتها لاقت مامتها وبابها اعدين ف الصاله اتجهت ليهم...
سيلين: ي صباح الجمال
ساميه: صباح النور ي حبيبتى
سيلين: عاملنا اى ع الفطار ي سوسو انا جعاانه
ساميه: ههههه لحظه وهجيب الفطار
سيلين: طب استنى اقوم معاكى
ساميه : لا خليكى انا خلصت اصلا وكنت مستنياكم تصحوا لحظه احطه ف البلكونه وانتى صحى مصطفى
سيلين: حااضر
وجهت كلامها لبابها
سيلين: اى ي حج مالك كدا
احمد: مليش بس قلقان شويه
سيلين بابتسامة بشوشه: ولا تقلق ولا حاجه بنتك جامده اوى ولا انت مش عارف قدرات بنتك ولا اى
احمد: ازاى بقى وهوا انا لو مش عارف كنت هخليكي تسافرى كدا
سيلين: هههههه طيب...يووه نستنى اروح اصحى صاصا اه صح انت قولت لماما
احمد: اه قولتلها بس قوللها تانى انتى برده
سيلين: حاضر.. هروح اصحى الواد اللى جوا دا
احمد: بس بهدوء هه
سيلين بضحك: ههههههههههههه عيب عليك ي حج دا انت حتى غلبانه خالص😌😂
راحت سيلين اوضه مصطفى وبدأت ف انها تصحيه
سيلين بهدوء: مصطفى
مصطفى : امممممم
سيلين باستغراب: اممممم! انت صاحى ولا اى
مصطفى اتعدل ف قعدته: اه ي ستى صاحى
سيلين: اومال ماقومتش لى
مصطفى: كنت مستنى اعرف هتعملى اى عشان انفخك فيها
سيلين ببراءة: شوف انت كدا دايما ظالمنى ي صاصا
مصطفى بقرف: فعلا عندك حق قومى يبت غورى من هنا
سيلين: هههههههه لالا بجد والله... احم كنت عاوزه اقولك انى مسافره اسبوعين كدا انا والبت تمارا
مصطفى: مسافره..؟ دا لى دا ان شاء الله
سيلين بتوتر قدرت انها تخفيه بصعوبة: شغل ي صاصا شغلل اى هتقف ف طريقة المهنى ولا اى
مصطفى: لا يختى مش هقف ف طريقك يمكن تفلحى ولا حاجه
سيلين: انت بتستهزء بيا ولا اى
مصطفى: مين..؟ انا؟ لا طبعا ازاى هوا انا اقدر
سيلين بتكبر: اه بحسب.. احى نستنى انا كنت جايه لى قوم قوم يالا ماما حطت الفطار وكانت قيلالى اجى اندهك انجز
مصطفى:طييب براحه الله
سيلين:ماشى ي خويا انجز انا طالعه اهو
خرجت سيلين من الاوضه وراحت البلكونة
ساميه: اى ي سيلين كل دا بتصحي اخوكى ثم اكملت بخبث: دا حتى مش بياخد وقت معاكى
سيلين: هههههههه لا ما انا المره دى صحيته بالهداوه
مصطفى من وراهم: اااااه يعنى انتى اللى بتخليها تعمل فيا كدا ي سوسوو
ساميه: انت تعرف عنى كدا
مصطفى: اومال
احمد: هههههه يالا اعد افطر عشان كليتك
سيلين: احم ماما انا كنت عاوزه اقولك..
ساميه بابتسامة:من غير ماتكملى ابوكى قالى...انا كمان مقدرش اقف قدام حاجه انتى بتحبيها ي سيلين..روحى وربنا يرجعك لينا بالف سلامه ي حبيبتى
سيلين: ربنا يخليكى ليا ي ست الكل وميحرمنيش منك ابدا وو
مصطفى بزهق: مخلاص هنقلبها فيلم عندى ولا اى نولينى كدا الجبنايه دى ي سيلا
سيلين بقرف: غور يلا ي عديم الاحساس والمشاعر
احمد: اى هتتحركى امتى.؟
سيلين: شوفلى كدا الساعه كام
احمد: داخله ع 8وربع اهى
سيلين بخضه: اوباا ي جدع دا انا المفروض اتحرك يالا سلام سلام وراحت عند باب الشقه ولسه هتنزل سمعت صوت اخوها وهو بيقول: نسيتى الشنطه ي هبلله
سيلين ضربت جيبنها: اووبس نسيت ادينى شمت فيا الاعداء
قام مصطفى وجابلها الشنطه ووقف قدمها وقالها: خدى بالك من نفسك ي سيلين
حضنته سيلين جامد وقالته: حاضر
احمد من وراهم: هوا دا الفيلم الهندى بعينه ههههههه
خرجت سيلين من حضن اخوها وحضنت ابوها وامها وسلمت عليهم ومشيت
سيلين: اى ي تمارا انتى فين انا نزلت
تمارا: زانا كمان اهو نزلت
سيلين: تمام نتقابل بقى عند مركز التدريب سلام
تمارا: اوك سلام
""""""""""""""""""""""""""""""
عند زين
خلصوا فطار وزين كان جهز شنطته
اللواء محمد: اى هتبدأو من النهارده ولا اى
زين: اه ي بابا هنبدأ تدريب ونفذ اول الاسبوع الجاى كدا ان شاء الله
محمد: ربنا معاكم ي حبيبى وترجعلنا بالسلامه
زين: الله يسلمك ي بابا♥
سما بحزن: هتسافر النهاردة ..و هتطول ف العمليه دى...؟💔
زين: اه هسافر النهارده بس مش هتأخر عليكى متقلقيش وانهى حديثه بغمزه
سما: ع فكره مكنش قصدى اللى ف دماغك انا كنت بسأل عادى
زين بخبث: وهوا ان قولت قصدك حاجه
سما بتذمر: انا غلطانه انى بتكلم معاك انا راحه الكلية سلام هه
زين بضحك: طب خدى طب سلمي عليا الله
سمي جريت عليه وحضنته جامد: هتوحشني اووى والله
زين: وانتى كمان.. هحاول مطولش
سما: ترجعلنا بالسلامه
سلم زين ع والدته...
سعاد: خلى بالك من نفسك يبنى
زين: حاضر ي ست الكل
محمد: انا واثق فيك
زين بابتسامة: متقلقش ي بابا.. يلا سلام بقى عشان متأخرش
سعاد: لا اله الا الله
زين : محمد رسول الله
""""""""""""""""""""""""""""
اجتمعوا كلهم الساعه 9 عند مركز التدريب زى ما اتفقوا واتجهوا للمطار
وبدأو رحلتهم وكل واحد بيفكر ف اللى هيحصل....
تمارا بتعب: هوا فاضل قد اى انا تعبت من القعده دى.. ااه ي ضهرى
عدى بضحك: حطى ضهرك ع ضهرى وتعالى نبعهم ونعمل استبدال بفلوسهم
تمارا: ههههههه والله مايعملوا 100 جنيه حتى😂
عدى: عندك حق والله...الله يسامح اللى كان السبب ف تكسيحى كدا
زين: اخرس ي عدى
عدى: ادينى اهو هسكت
زين وهوا بيوجهه كلامه لتمارا: خلاص فاضل نص ساعه ونوصل ان شاء الله
اسامه وهوا بيهمس لى سيلين: انا مش عارف يختى والله العيال الخيخه دى جايه تعمل اى
سيلين بنفس الهمس: والله ي خويا مانى عارفه
محمود: بتقوله اى هه
اسامه بقرف: ف اى حد يقاطع حد كدا
محمود: زهقت لاقتكم بتتكلموا قولت انا اجى اتكلم انا كمان
سيلين باستفسار: بما انكم شله فرفور وكدا اى اللى جاب ابو لهب دا ف وسطيكم
انهت كلامها وهى بتشاور ع زين
اسامه بضحك: ههههههه اهو اديكى قولتيها ابو لهب يعنى منقدرش نعترض
زين بصوت عالى وهوا مغمض عينه : كل واحد يخليه ف حاله... ولم الدور ي اسامه عشان مزعلكش هه
سيلين: اااحى دا سمعنى
اسامه : ااااحى دا هيشلوحنى
عدى: ههههههههههه الحمدلله مش هتشلوح لوحدى ههههههه
اسامه: اخرس يالا
عدى : يوووووه هوا كل شويه واحد يقولى اخرس هوا انااا
قاطعوه كلهم ف صوت واحد و قالوا: اااخرررس
عدى وهوا بيحط ايده ع بوقه: اااهوووو
زين: خلاص وصلنا ي شباب
تمارا: اخيراااا دا انا حاسه ضهرى اتجبس من القعده والله😂
محمود: حمدلله ع السلامه
كلهم: الله ي سلمك
وهبطت الطائره الى المكان المنشود......
معلش ي شباب ع التأخير البارت مفيهوش احداث كتير وكدا بس ان شاء الله البارت اللى جاى هيعجبكم 💋
عاوزه اعرف رأيكم ف كومنت كدا ع السريع ومتنسوش تعملوا فوت للروايه اخواتى ف الله♥💋
