ياريت تعملوا شير لي لينك الروايه ضرورى مش الاسم💛
وقبل ما ابدا الروايه ياريت تصلوا ع النبى♥♥
صباح يوم جديد واحداث جديده ع ابطالنا
ف غرفه سيلين...
بدأت سيلين تستيقظ ع اثر هذه الاشعه الذهبيه التى تداعبها
وبالفعل استيقظت سيلين ونهضت وأدت فرضها وقرأت وردها اليومى
خرجت سيلين من غرفتها وذهبت اللى والدتها
سيلين:صباح الخير ي ماما
سعاد:صباح الخير ي بنتى
وعمّ الصمت ولكن لم يدوم طويلا وقطعته سعاد بقولها :
مالك ي حببتى من امبارح وانتى سرحانه ومش معانا خالص
سيلين: ابدا والله ي ماما شويه مشاكل ف الشغل ادعيلى تتحل النهارده واخلص واوعدك اول ما ارجع من الشغل هحكيلك كل حاجه
سعاد: ماشى ي حببتي ربنا معاكى ويكرمك ويقف معاك ف اى محنه... اى مش هتدخلى تصحى صاصا ولا اى وضحكت
مصطفى من الخلف: صاصا صاحى من بدرى ي حاجه
و ف سره: صاصا مانمش اساسا وابتسم
ثم قال بصوت واضح: و بعدين ي سوسو طلعتى انتى اللى بتخليها تعمل كدا ي قلبك الجامد ي سوووسوووو وبدأ انه يزغزغها
و سيلين واقفه مبتسمه ع اللى بيحصل وبتفكر ف ان لو مكنش عندها عيله زى كدا بتحبها كانت هتعمل اى فاقت من سرحنها ع صوت الحاج احمد
احمد: اى اللى بيحصل هنا دا
سعاد وهي مش قادره تاخد نفسها من كتر الضحك : هه هه هه ابدا ي حاج دا مصطفى بيهزر...بس الاول صباح الخير
احمد: صباح النور والجمال والهنا والسعاده ع عيونك ي جميل
وقد بدأت سيلين انها تعود ع طبيعتها الى حد ما
سيلين: جرا اى ي حااااج راعى ان معاك سناجل ف البيت
احمد: حببتى اللى غيران مننا يقلدنا هه
مصطفى: ايواااا يابو حميد ي جااااامد
وبدأو يضحكوا كلهم مع بعض
سعاد: خلاص كافيه كدا مش قادره... يالا ي واد ي مصطفى ادخل اتوضى وصلى الصبح وتعالى نكون كملنا الفطار انا واختك وتروح ع الكليه
مصطفى: يعنى والحاج اى عنده واسطه ولا حاجه وغمزلها
سعاد: ولا واسطه ولا حاجه ابوك بيصلى الفجر حاضر ربنا يكرمه ويوفقه
مصطفى: ماشية معاك زى السكينه ف الحلاوه ي حاااج وضحك
احمد: امشى يالا اطلع برا امشى
احمد وهوا بيوجهه كلامه لسعاد: مش قادره تجيبى بنتين كدا بدا الرزل اللى بره دا
مصطفى من بره:سامعك ي حاااج
احمد: ااااه لا مش قادر خلاص انا هروح اقرأ شويه ف المصحف عقبال متخلصوا تحضير الفطار ومشى
سعاد وسيلين اعدين عمَّالين بيضحكوا
سعاد:ربنا مايحرمنى منكم
وبصت ع سيلين اللى لسه مبتسمه و قالت وهما بيحضروا الاكل:بصى يابنتى هي نصيحه من ام لبنتها
سيلين: قولى ي حببتى
سعاد: متخليش مشاكل الشغل او الحياه عموما تأثر عليكى ولا على فرحتك واللى انتى عاوزاه عافرى عشان تجبيه ي حبيبتى مفيش انسان بيوصل لحاجه هوا عاوزها الا لما يتعب عشان يوصلها
سيلين وهي بتفكر ف كلام مامتها واقتنعت بيه: عندك حق ي ماما ان شاء الله هحاول اعمل بالنصيحة القمر در وباستها وقالت: ربنا مايحرمنى منك ابدا ياست الكل مش عارفه من غيرك كنت هعمل اى والله
سعاد: ولا ي حرمنى منك ي حببتي انتى وابوكي واخوكى الاهبل دا وضحك
مصطفى من الخلف: ي حول الله يارب امووووت واعرف انا بعملكوا اى غير انى مغلبكم بس
سعاد وهى بتضحك: بعد الشر عليك ياولاا دا انت قلبى(طنط سعاد قلبت ع فدوى قوى مش عارفه لى😂😂)
جاء الحج احمد وهوا يقول: هااا الفطار جهز عشان الحق الشغل يام سيلين
سعاد: خمس دقايق ويكون جاهز
وبالفعل مر الخمس دقايق وكانت العائله تبدأ ف تناول الطعام
احمد: الحمدلله
سعاد: كمل اكلك ي حج
احمد: لا الحمدلله دا انا اتاخرت جامد ع الشغل(ملحوظة: عيله سيلين مش فقيره حالهم المادى متوسط عادى والحج احمد شغال يعتبر هوا اللى بيشرف ع العمال ف المقاوله بحكم سنه وخبرته_ملحوظة كمان: سيلين عندها سر محدش يعرفه غير والدها وعشان كدا زى ماقولت ف شخصيتها انها متعلمه جميع فنون القتاليه.. نكمل بقى)
سيلين:وانا كمان اتاخرت جدا ع الشغل
مصطفى:انا كمان هقوم البس عشان متاخرش وابتسم
سيلين فهمت اللى ف دماغه وغمزتله وقالت: ايوا انت المفروض تنزل عشان تلحق المحاضره وضحكت
مصطفى: امشى يابت من هنا انتى مش اتاخرتي روحى شغلك
سيلين:طب ي اخويا متزوقش كدا سلام
وفعلا كل واحد راح يقابل مصيره
وف فيلا اللواء محمد الرفاعى
صحيت سما من نومها وهي مبتسمه وعندها energy كدا 😂
وقامت اتوضت وصلت الصبح ولبست ونزلت تحت لمامتها
سما: صباح الخير ع ست الكل
ساميه وهيه مستغربه ان سما صاحيت لوحدها: صباح النور عليكى ي حببتى..بس مش معقول انك صاحيه لوحدك كدا
سما وكانت نفسها تقولها انها منامتش من كتر التفكير اصلا بس طبعا مقالتش كدا وقالت: عادى بس ورا محاضره بدرى النهارده ومش عاوزه اتأخر عشان الدكتور بتاع الماده دى شديد اوى
ساميه: امممم ماشى ي حببتى هتعملى اى دلوقتى هتفطرى الاول..؟
سما: لا ي ماما مش هلحق عشان متاخرش هبقى اشترى اى حاجه كدا وانا ف الكليه
ساميه: ماشى ي حببتى خلى بالك من نفسك
سما وهي ف طريقها للباب وبصوت عالى: اوك ي ماما
وبعد فتره طلعت ساميه بنفسها عشان تصحى زين عشان مش عاوزه اللى حصل من فتره يتكرر تانى
ساميه وهي بتفتح شباك الاوضه وبتقول:قوم يالا ي زين عشان متتاخرش ع الشغل ي حبيبى
زين وهوا بيطمطع:اى ي ماما ف اى
ساميه:ف ان باباك نزل راح الشغل من بدرى وانت لسه مروحتش وانت عارف محمد مش بيحب حد يتاخر ع الشغل
زين:خلاص ي ماما انا اهو هقوم اخد دوش و اروح
ساميه: ماشى ي حبيبى احضرلك الفطار عقبال ما تجهز.؟
زين: لا ي ست الكل انا هبقى افطر ف الشغل
ساميه: ربنا معاك ي حبيبي
ونزلت ساميه تشرف ع الخدم كان نوع من انواع التسليه
اما زين فا لبس هدوم وهوا عباره عن قميص اسود وفاتح اول زورارين وعضلاته بارزه من القميص ولبس بنطلون چينز اسود ولبس الشوذ كمان اسود ولبس الساعه وسرح شعره الاسود وحط البرفن بتاعه( من الاخر يعنى كان مزز😂)
ونزل واتجهه هوا كمان لى مصيره
ف الجريده
سيلين دخلت المكتب ع صحبها لقتهم بيفطرو
هند: صباح الخير ي قمر تعالى افطرى احنا عاملين حسابك( هي قالت انها عاملين حسبها عشان متتكسفش لانهم متعودين انها تيجى متاخر عن كدا)
سيدرا: اى الكدب دا احنا مش عاملين حسابك ع فكره
سيلين:اتنيلي ياختى مش عاوزه حاجه من وشك انا فطرت ف بيتى ي حببتي هه وبصت بسخريه بعد كدا ضحكت وكلهم ضحكوا
وخلصوا البنات فطارهم وطبعا مع اضحك وهزار وبدأو شغلهم
وهما مندمجين اوى ف الشغل سكرتيره المدير قاطعتهم بى كلامهاا وهي بتقول:انسه سيلين استاذ اشرف مستنيكي ف المكتب بعد اذنك ومشيت من غير متسمع الرد
سيلين: يييى انا زهقت بقا
تمارا: قوليلوا امبارح كنت راحه بس حصلت مشاكل وانك هتروحى النهارده
سيلين: طيب.. سلام
ف مكتب اشرف
اشرف دخل ف سيلين شمال ع طول من غير ما يسمعها حتى: انسه سيلين انتى مبقتيش بتعملى شغلك بضمير لو هتنشغلى عن الشغل فا اتفضلي سيبى منصبك دا لحد جدير بيه اما كدا مينفعش يتقدنى استقالتك ي تأدى شغل بجديه شويه
سيلين وهي ماسكه اعصبها بالعافيه عشان هي فعلا بتحب شغلها وطبعا هي مش بتحب الكدب نهائى فقالت:سورى استاذ اشرف بس امبارح انا فعلا اخدت نص يوم وروحت القسم وكمان قابلت حضره الظابط بس هوا مدانيش فرصه اقول انا عاوزه اى وكنت هروح النهارده تانى بس حضرتك طبعا بعت ليا وجيت لحضرتك
اشرف: ماشى ي انسه سيلين اتفضلي شوفى شغلك وبعد المقابله دى انا عاوزك ف موضوع مهم جدا
سيلين:ان شاء الله بعد اذنك ومشيت
عادت سيلين لصحبها وطبعا حكت ليهم ككلل اللى حصل
تمارا: تفتكروا ها يعوز منها اى
سيدرا وهي بتفكر:مش عارفه تفتكرى هيتقدملها
هند وهي بتضربها ع راسها بالورق اللى قدمها وبتقول: لا يبت يتقدملها اى اكيد ف حاجه تانيه
سيدرا بصتلهم كلهم مره واحده: طب هتشوفوا وهتقولوا البت سيدرا قالت كدا هه
سيلين: بس بس اخلص المقابله دى وبعد كدا يبقى يحلها ربنا سلام انا عشان الحق المصيبه اللى قدامى ومشيت
ضحكوا عليها وقالوا : سلاام
نوقف الاحداث هنه شويه ونروح عند مصطفى وسما
ف كليه هندسه
وبالتحديد اثناء المحاضره
الدكتور: وكدا تكون محاضره النهارده خلصت واتمنى تكونوا استفدتوا منها ولو اى حد واقف معاه حاجه انا موجود ف مكتبى سلام عليكم
وبدا الطلاب ف انهم يخرجوا من القاعه
سما وهيه بتفكر ف انها تعتذر من مصطفى ع طريقه كلامها بس مكسوفه لكن هي خلاص اخدت قررها ف انها تمشى ورا قلبها
شافت مصطفى كان واقف بيعد ماسك الفون بيكلم حد
مشيت ف اتجاهه راح مصطفى قفل ع طول الفون من غير مايقول سلام
وصلت سما لعده وقالت: احم سلام عليكم
مصطفى وهوا مش مصدق اللى بيحصل: وعليكم السلام
سما وهي مكسوفه جداا:انا حبيت بس اعتذر عن طريقه كلامى امبارح بس انا مش متعوده انى اكلم حد معرفوش
مصطفى وهوا طاير من الفرحه: لا عادى ولا يهمك انا مقدر طبعا حاجه زى كدا وشكلك يعنى محترمه مش زى مثلا باقى البنات اللى ف الجامعه
سما: مرسى جدا ليك
مصطفى وهوا عاوز يفتح معاها اى مجال للكلام:طب اى رايك نروح نشرب حاجه ف الكفاتريه عقبال معاد المحاضره التانيه
سما بعد وقت من التفكير لانها اول مره تتحط ف موقف زى دا فقالت:تمام موسى مفيش مشكله
وفعلا راحوا ومصطفى جاب حاجه يشربوها وقال: اتمنى انك تعتبرينا صحاب
سما وقد سعدت وبشدة لكن حاولت عدم اظهار ذلك بقدر المستطاع فقالت:اكيد طبعا وابتسمت
مصطفى وهوا مش عارف يقول اى وشايف ان سما مكسوفه فبدأ يعرف نفسه عليها: انا يستى اسمى مصطفى احمد ف كليه هندسه زى ما انتى شايفه كدا وضحك.. عندى اخت اسمها سيلين صحفيه كبيره يعنى هههههه اللى جت معايا امبارح.. مش مرتبط خالص وضحك تاانى(اى ي صاصا هدى اللعب شويه البت هتولع من كتر الكسوف😂😂)والدى شغال اللى هوا يعنى بيشرف ع العمال ف المقاوله ووالدتى ربت منزل بس ست اكلها بصى جاااامد هههه بس ي ستى وانتى
سما هى شبه انها نسيت كسوفها وبدأت تندمج معاه وحبت طريقه كلامه جداا وقالت: وانا ي سيدى اسمى سما محمد الرفاعى.. برده ف كليه هندسه ههههه(وقد سرح مصطفى ف هذه الضحكه)* اخويا ظابط كبير ف القوات الخاصه اسمه زين برده اللى جهه معايا امبارح ههههه(ما كفايه ي سما انتى كمان ضحك الواد هيجيله ساكته قلبيه يعين امه😂)بابايا اسمه محمد شغال لواء ف الداخليه ومامتى برده ربت منزل
مصطفى قام من مكانه وسلم عليها وقال: اتشرفت بمعرفتك ي انسه سما محمد😂♥
سما: انا اكتر ي استاذ مصطفى😂♥
مصطفى: طب نلحق المحاضره بقى بدل ما نطرد منها
وضحكوا وراحوا عشان يحضروا المحاضره
نوقف الاحداث هنا شويه ونروح لى زين باشا
نرجع بالزمن ساعه لورا كدا
وصل زين مكتبه و رن ع صحابه انهم يرحوله المكتب
وبعد فتره كانوا متجمعين عنده
زين: باقولكم اى انا مفطرتش وجعان حد ياكل معايا
كلهم ف صوت واحد : كلنا طبعا ي معلم
زين: بسم الله ف اى جايين من مجاعة
عدى: قُر علينا بقى انت المفروض تعد سنه تأكلنى اصلا بعد اللى عملته فيا امبارح اه ي ضهرى ياما
كلهم اعدوا يضحكوا عليه
زين: تستاهل ي حيلتها عشان اى حاجه تشوفها متجريش وتقولها
عدى: اى يعم انت جايبنا عشان ناكل ولا طقطم فيا بالكلام
زين: اااا
اسامه: خلاااااص ها هناكل اى بقى
زين: همكوا ع بطنكوا معرفش شوفوا انتوا
محمود: بس انت ي زين اللى هتدفع اااه
ضحكوا ع محمود فا قال زين:ي عم ماشى بس اى هنجيب اى
اسامه:تعالوا نطلب كشري نفسى ف اووى
زين وهوا بيبصله بقرف: كشرى حد يفطر كشرى
عدى: ي عم اه احنا انت ماالك
زين: مش انا اللة هدفع ي روح امك
محمود:هوا كشرى خلاص ع كدا خلص الكلام هههههه
زين: طيب
وفعلا طلبوا كشري وفطروا وكل واحد راح تانى ع مكتبه
ف الوقت دا وصل سيلين القسم وبتدعى ربها انه يقف معاها
وهى داخله عدى شافها وقال لمحمود واسامه انها نفس البت بتاعت امبارح
اسامه: لا الصراحه البت مزززه
محمود: عندك حق.. بس ياله ي خويا منك لي بدل منتشلوح من اللوا محمد ومشيوا
وصلت سيلين عند باب المكتب و ملقتش الشاويش فا غبطت ع الباب مرتين
زين من جوا: ادخل
دخلت سيلين وهي ماسكه اعصبها بالعافيه وقالت: سلام عليكم حضرت الظابط زين
زين من غير مايرفع عينه من ع الورق عرف يميز دا صوت مين وكان مصدوم بس برده مسك اعصابه و مبينش اى حاجه من اللى حس بيها رفع عينه و اتاكد انها نفس البت فا قال: خيييير
سيلين بكل هدوء: انا الصحفيه سيلين احمد جايه اعمل مع حضرتك مقابله بخصوص العمليه اللى جايه
زين: وانتى عرفتى منين ان ف عمليه جايه المفروض انها تتم
سيلين: والله دى معلومات وصلتلى ومعرفش اى مصادرها
زين:فعلا؟!.. طب بصى ي انسه سيلين وقالها بسخرية انا مش هعمل ماقابله مع حد واعلى ما ف خيلك اركبيه
سيلين: يعنى اى الكلام دا
زين: يعنى زى ما سمعتى انا مش فاضى انا لشغل الصحفيين دا وكله عشان الفلوس وبصلها بسخرية
سيلين: بص بقى ي حضرة الظابط اولا انا مش بعمل كدا عشان الفلوس انا بعمل كدا عشان انا بحب شغلى
ثانيا ودا الاهم ان انت هتعمل معايه المقابله دى غصب عنك و لو معملتهاش معايا فا انا هفضل ماشيه وراك لحد متعملوا العمليه وبرده هعمل معاك المقابله
زين اتعصب جدا وعنيه بقى لونها ازرق غااامق لان اول مره حد يكلمه كدا طبعا فا قال: اااااممممممشششششى اطلعي برررره حااالااا
سيلين مش هننكر انها م
اخافتش وفعلا مشيت......
اسفه ع تأخير النهارده يارب الروايه تكون عجبتكم ومتنسوش تتبعونى وتقوليلي رايكم ف الكومنتات اخواتى ف الله 😂♥♥
