تخطى مرحله الحب

البارت الحادى عشر

اللهم صلي وسلم ع سيدنا محمد..♥

سورى جدااااا ي شباب ع التأخير والله بس فعلا انا الفتره دى مش فاضيه خالص وهحاول اكتب البارت دا بس موعدكوش ان هيبقى ف بارت جديد غير ان شاء الله الاسبوع الجاى..♥

صباح يوم جديد ع ابطلنا..
فاقت سيلين من النوم واعدت تفكر ف مكنها
سيلين ف نفسها:تفتكرى ممكن يكون وافق يدى اللواء محمد الكاميرا...اكيد هيديهالوا يعنى.. بس اكيد هيكون لو وافق هيكون بيخطط ينتقم منى.. لالالا هوا ميقدرش يعمل حاجه اصلا....اااا
قاطعت تفكيرها مامتها
سعاد: اى ي سيلين مانتى صاحيه اهوو.. قومى يالا عشان تصحى اخوكى وتشوفوا مصالحكم يالا ي ماما
سيلين: اه معلش ي سوسو كنت سرحانه شويه بس
سعاد: طيب يالا قومى صحى ابوكى واخوكى
سيلين وهي قايمه:اوك
وفعلا قامت سيلين وادت فرضها و اتجهت لى مهمتها ف انها تصحى مصطفى😂
ف اوضه مصطفى
سيلين بهدوء: صاصا
لا رد
سيلين وهى بتهزه: ي صااااصاااااا
مصطفى:اممممم
سيلين: اى امممم دى اعمل بيها اى قوم عوزاك ف حاجه مهمه جدا جدا
مصطفى بنعاس وصوت مش مفهوم: بقولك.اى.انا عاوز. انام. اطلعى بره همم
سيلين بخبث: طيب براحتك بس انا كنت عاوزه اقولك ان كان ف بنت بعتت رساله ع الواتس وانا كلمتها وقولتلها متكلمكش تانى عشان انت خاطبنى بس خلاص انت نايم بقى اما اقوم اصحى ماى داد وبصوت عالى قالت:ي مااااى داااااد😂😂😂
مصطفى من تحت المخده وهوا مبرق عينه وبيستوعب لسه اللى بيتقال ومره واحده قام اتنطر من ع السرير ومسك سيلين من دراعها قبل ما تطلع
مصطفى بهدوء ما قبل العاصفه: الكلام دا حصل فعلا
سيلين ف نفسها: اوباااااا يعنى التمثليه طلعت حقيقيه ايوه بقا💃💃😂
مصطفى بدا يهز كتلها جامد وبيقول: هااااا..؟
سيلين انتبهت ليه: ايوه صح انا هكدب عليك يعنى
مصطفى: سيلين انا مابهزرش
سيلين باستفزاز: امممممم يعنى الكلام طلع صح
مصطفى بارتياح : يعنى انتى طلعتى بتهزري مش كدا..؟
سيلين: اااه بس لو محكتليش كل حاجه من الالف للياء هروح اقول لى ماى داد ي ماى داد ابنك بيكلم بنات(مش عارفه قلبت لى ع البنت اللى كانت بتكلم الصخره ع التيك توك لو عرفنها😂😂 )
مصطفى وهوا بيجز ع سنانه: ماااشى بس مش دلوقتى
سيلين: نو نو نو
مصطفى باستغراب: هوا اى اللى نو بس عشان ابقى فاهم.؟
سيلين : يعنى انت اخرك معايا بليل بعد مانرجع من بره ان شاء الله نعد اعده من بتاعت زمان وتحكيلي ي عمررررى مش هتاكل بعقلى حلاوه يالا ههههههه
مصطفى ف سره: جتك نيله الواحد ميعرفش يزوغ منك ابدا
سيلين: هاااا قولت اى ولا اقولك انا هعمل اى وغمزتله.؟
مصطفى مسكها من قفاها وطلعها بره وقال: ماشى ي بوز الاخص انتى
سيلين: حبيبى تسلم والله
سعاد من وراهم: اى دا انتى كل دا بتصحي ف مصطفى
سيلين وهى تتدعى البكاء: شوفتى ي سوسو ابنك ضربني وهزأنى وبهدلنى ع الاخر اهئ اهئ
سعاد: يالا ي سيلين يالا ي حببتي ربنا يهديكى روحى حطى الفطار عشان نفطر
سيلين: احم هوا كان بيان انى بمثل اى الاحرااج دة
مصطفى من وراها: ايوه جدا وتمثيلك بااااايخ اووى
سيلين: طب مبلاش انا لحسن تندم
مصطفى : هه اندم امشى العبى بعيد ي ماما قال اندم قال
سيلين: طييييييب.... ي باااااباااااا باااااباااااا
مصطفى وهوا بيحط ايده ع بوقها: اخرسي الله ي خربيتك هتودينى ف داهيه
سيلين: اممم امممم
احمد: اى اللى بيحصل دا
مصطفى بارتباك: ابدا ي حج دى سيلين بتهزر بس..اااا صباح الخير
احمد بشك: امممم صباح النور يالا عشان نفطر
مصطفى : اه اه يالا ولا اى ي سيلين
سيلين: يااالا ي خويا وبصوت واطى مسمعهوش غير مصطفى : اخر فرصه ليك هااا خد بالك بقى
مصطفى بنفس الهمس: خلاص انتى هتزلينى
سيلين:اااا
احمد: انتوا بتتوشوشوا ف اى عاوز اعرف
مصطفى بسرعه: لا لا ولاحاجه ي بابا دى سيلين بس كانت عاوزاني اجبلها حاجات وانا جاى
احمد: طيب يالا
وفعلا خلصوا فطار بس طبعا تحت نظرات سيلين المهدده لمصطفى
سيلين: بابا انا ان شاء الله رايحه القسم النهارده عشان اجيب الكاميرا
احمد: يبنتى بلاش
سيلين: بلاش اى بس ي بابا دا شغلى ومجهودى مينفعش اتنازل
احمد: ربنا معاكى ي حببتي
سيلين قامت وباست ايد باباها وقالت: ربنا يخليك ليا ي غالى
وبصوت عالى : انا نازله ي ماما سلااام
سعاد من المطبخ: سلام خلى بالك من نفسك
سيلين: حاضر بااااى
ومشيت سيلين
مصطفى: انا كمان نازل الكليه
احمد: طيب
مصطفى: اى مفيش دعوه كدا ولا كدا ولاقوة ل سيلين بس
احمد بضحك: امشى يالا انا مش بعمل حاجه اصلا غير انى بدعى ليك انت واختك
مصطفى: حبيباااى ربنا يدك طولت العمر والصحه انت والغاليه اللى جوا ههههه سلام
ومشى مصطفى واحمد وكل واحد راح يشوف مصيره
نرجع شويه بالزمن لورا ونروح عند فيلا اللواء محمد
صحى زين من نومه واخد دوش ولبس هدومه وكانت عباره عن بنطلون قماش اسود وقميص اسود وشوذ سوده وساعه كمان سودا(عشاق الاسود☺😂♥)
وقرر انه هيروح شغله ويفطر مع صحابه هناك وقابل اخته سما سما: ي صباح القمر والجمال والشياكه عليك
زين بهزار: انا عاوزك كل ماتشوفينى تقوليلى كدا عشان اتغر في نفسى اكتر ههههه ومحدش هيعرف يوصلى وانتى هتكونى السبب خدى بالك هههه
سما: لا والله مش بهزر ابقى اجوزك واحده من الكليه وغمزتله
زين جهه في باله سيلين بس قال: يعنى اخرى اتجوزت واحده اد اختى امشى يابت من هنا انا غلطان انى وقفت اكلمك اساسا سما: انا غلطانه ان مش عوزاك تعنس
زين بصدمه: اعنسس..؟يبنتى دا انا البنات بتجري وريا اد كدا وانا اللى بتقل😉😂.. وبعدين انتى من امتى بتتكلمى كدا
سما: عادى يعنى.. المهم يالا ننزل نفطر
زين: لا انا هفطر مع صحابى سلام
نزل ولسه بيفتح الباب سمع صوت باباه من ورا
اللواء محمد: زين
زين لف وشه وقال: نعم ي بابا..؟
اللواء محمد: سيلين جيالك النهارده مش عاوزها تشتكى
زين بيجز ع سنانه: حااااضر.. بس سؤال هي تعرفك منين
اللواء محمد: ميخصكش كلامى يتنفز وبس
زين بهدوء: حاضر ي بابا حاجه تانيه..؟
اللواء محمد : اه.. لما توصل حضر نفسك انت وحضرت الظباط اللى معاك ف نفس القسم عشان ف اجتماع
زين: اوك.. انا ماشى سلام
اللواء محمد: سلام
ساميه وهى طالعه من المطبخ: اى ي محمد كنت تخليه يفطر بدل ما يطلع ع لخم بطنه كدا
سما من وراها: متقلقيش ي ماما هوا قالى هيفطر مع صحابه
ساميه: طيب لو كدا تمام
وراحت سما ع كليتها واللواء محمد ع شغله
نرجع تانى بقى لى سيلين
سيلين وهى ماشيه كانت بتفكر تروح ع القسم ولا ع شغلها الاول
و ف النهايه قررت انها تروح ع الشغل
ف الجريده وبالتحديد ف مكتب سيلين وصحبها
سيلين: صبح صبح اعم الحج..اموووووت واعرف بتيجوا بدرى ازاى دا انا بعد ساعه عقبال ما اتحرك من ع السرير
سيدرا: عشان احنا ناس نشيطه ي ماما هه
تمارا: يختى اتنيلي دا انا خلصت رصيدى عليكى
سيدرا: اى ي تيمو اى ي حببتي بلاش فضايح ابوس ايدك
تمارا: ابدا بفكرك لاحسن تنسى
سيدرا بتهكم: لا ي ختى فاكره نقطينى بى سكاتك بقى
هند و هى بتهمس لى سيدرا: عشان بعد كدا ما تترسميش ههههه
سيدرا: حتى انتى خلصانه ع غدر الصحاب
سيلين: هههههههه.. المهم انا هروح القسم دلوقتى
هند: اومال جيتى هنا لى ي عنى هتروحى وترجعي تانى ف الحر دا بتهزري
تمارا : تلاقيها معاها قرشين زياده عاوزه تصرفهم
سيدرا : طب لو كدا ادى اختك الغلبانه اللى هى انا يعنى تطفح الله يحرقك
سيلين: اى اى كل دا مش كدا والله بس انا خايفه اروح لوحدى
تمارا : لى يختى هيكلوكى هناك ولا اى
سيلين: بس ي بت.. هند بقولك اى ي حب...
سيدرا: فهمتك عاوزه اى من الغلبانه دى
هند: اممممم..؟
سيلين ببراءه: ممكن تيجى معايا وهنرجع بسرعه والله
هند بتفكير: اممممم بس بشرط
سيلين: اشرطى ي ختى جت عليكى هااا..؟؟
هند: انا هبقى زى الصنم يعنى مش هتكلم
سيلين: ي ستى وانا موافقه يالا بس
هند: طيب ثوانى
سيدرا : بقولك اى ي بت ي سيلا
سيلين: سيلا..؟ يبقى عاوزه مصلحه ارغى
سيدرا: ولا مصلحه ولا حاجه انا كنت هاقولك هاتى فطار ناكل كدا مع بعضيشنا
سيلين: واضح فعلا انها مش مصلحه.. بس اشطا ماشى مافيش مشكله يالا ي هند
وفعلا اتجهوا للقسم
راحت سيلين اوضه اللواء محمد وغبطت وهوا اذن انها تدخل
سيلين: صباح الخير ي سياده اللواء
اللواء محمد: ي صباح النور اتفضلي ي سيلين.. مين الانسه
وبيشاور ع هند
سيلين: دى صحبتى
هند بابتسامة:سلام عليكم
اللواء بنفس الابتسامه : وعليكم السلام
سيلين: احم انا الحقيقة كنت جايه بخصوص الكاميرا
اللواء محمد: ايوا ايوا.. بصى روحى ع مكتب حضره الظابط زين محمد وهوا هيدهالك بنفسه
سيلين بتوتر: بس انا مش هعتذر ي سياده اللواء
اللواء محمد بتفهم: طبعا
قامت سيلين وقالت: تمام يدوب اروح اخدها عشان ورانا شغل كتير عن اذنك
اللواء محمد: اتفضلى
قدام مكتب زين
سيلين بصوت عالى : اهدى اهدى هوا مش هيقدر يعمل حاجع انا تمام مش متوتره لا اا
هند: اى بس بنتى انتى لو رايحه تحررى فلسطين مش هتعملر كدا اهدى
سيلين:مش عارفه حاسه انى خايفه
هند بتهكم : حاسه مش متأكده..؟
ووجهت هند نظرها ع الشاويش اللى واقف قدام باب المكتب وقالت: لو سمحت
الشاويش: ايوه ي استاذه..؟
هند: لو ينفع تبلغ حضره الظابط اننا عاوزين نقابله من طرف اللواء محمد
الشاويش: تمام ثانيه واحده
غبط الشاويش ودخل
زين: خير ف حاجه ولا اى
الشاويش: ابدا ي باشا بس ف بنتين بره عاوزين يشوفوا حضرتك من طرف سياده اللواء محمد
زين: طيب خمس دقايق ودخلهم
الشاويش: امرك ي فندم وادى التحيه وقالهم زين خمس دقايق ويدخلوا
زين: بنتين مي التانيه
عدى: العبب ومن طرف سياده اللواء كمان
اسامة: يبقى اكيد عشان تختاره واحده تتجوزها هههههههه
بصلهم زين بصه خرستهم
محمود: اهدى يعم انت وهوا دخلهم يعم نشوف مين يمكن النحس يتفك ع مكتبك ي زين ونتجوز ههههه
زين: اخرس انت كمان بدل ما ازعلك
محمود: خلاص ي عم انا مالى الله
ف اللحظه دى دخلت سيلين وهند
محمود اول ماشاف هند اكنه وقع عليه جردل مايه ساقعه من الصدمه وسكت
سيلين بثقه: الكاميرا..؟
زين بهدوء مزيف: بصى ي حلوه اوعى تكونى مفكره ان انا هديكى الكاميرا بسهوله كدا هقولك كلمه خليها حلقه ف ودانك الايام بينا كتييررر واللعبه لسه منتهتش
سيلين بسخريه: فعلا..؟طيب يالا ي شاطر عشان عندى شغللل
زين بعصبيه: هتندمى وحيااااه امى لا هتندمى وهتشوفى
عدى: ف اى ي جماعه صلو ع النبى كدا حصل خير يعنى
كلهم: عليه الصلاه والسلام
زين: اخرس ي عدى
عدى: احم الله يكرم اصلك
زين طلع الكاميرا من الدرج وحطها ع المكتب وقال: متقلقيش مع بيجى ف وقته افرحى كام يوم بشغلك قالها بتهكم
مالت سيلين واخدة الكاميرا وعندها جت ف عين سيلين وكانت كلتا اصرار وتحدى
سيلين بثقه : اكيد هفرح
واخدت الكاميرا وطلعت هي وهند... جرى محمود وراهم
اسامه: ودا ماله دا جرى كدا لى...؟
عدى: وانا اش عرفنى
نروح بره المكتب
محمود: ي انسه ي انسه
سيلين: خير ف حاجه..؟
محمود باحراج: ابدا انا كنت عاوزه اكلم الانسه مش اكتر
سيلين بصت لهند وقالت: تمام هسبق انا بره ي عند ماشى
هند مش عارفه تعمل اى بس قالت : ماشى
خرجت سيلين واستنت هند بره
محمود: ازيك ي انسه عامله اى
هند: تمام الحمدلله
محمود باستغراب: معقول مش فكرانى
هند باحراج: اه سورى فعلا مش فكراك واسفه انا مينفعش اقف مع واحد معرفوش بعد اذنك
محمود بسرعه: لا لا ثوانى بس
هند: افندم..؟
محمود: اما اللى انقذتك ساعت لما كنتى ماشيه لوحدك من الشباب اللى اا
هند قاطعته: اه اه افتكرتك
محمود بابتسامة: بس لما شوفتك هنا استغربت قولت اطمن عليكى يعنى
هند باستغراب: نعم..؟
محمود: لا لا متشغليش بالك ي انسه اا..؟
هند: هند اسمى هند وشكرا جدا ع مساعدتك ليا بعد اذنك
وسابته ومشيت من غير ما تسمعه وطلعت لى سيلين
سيلين: مين دا يبنتى..؟
هند: ايدا هوا انا محكتلكيش ولا اى
سيلين: لا يختى محكتيش
هند: طيب طيب لما نروح الشغل ابقى احكلكم
سيلين: طييب
نرجع تانى لمحمود ف السريع كدا
رجع محمود لصحابه ف مكتب زين
عدى: اى يعم جريت لى كدا
محمود بسرحان: ابدا عادى
اسامه: هوا اى اللى عادى انت ماشوفتش شكلك
محمود: اصل البنت اللى كانت مع الصحفيه اللى جت اخدت من زين الكاميرا قابلتها من حوالى اسبوع وكانت................... حكلهم اللى حصل
عدى: ااااه يواد ي حمش انت
اسامه: روجله يعنى مش هزار هههههههه
محمود: بقولكم اى مش ناقصه ظيطه هي متقول حاجه ي زين
زين: بقولكم اى اطلعوا وسيبونى افكر هعمل اى
عدى : ي عم كبر دماغك بقى مخلاص
زين: يبنى هوا انت بتحب تكسف نفسك لى ولا انت بتحب كلمت اخرررررس
عدى: احم طب انا ورايا شغل عن اذنكم
زين: استنى ي بأف انت اللواء محمد عوزنا
اسامه: خير يارب
محمود: متعرفش لى..؟
زين: وانا اعرف منين يعنى .. يالا يالا نروح بدل مانتهزء
وفعلا راحوا
نسبهم بقى ونرجع للجريده عند مكتب البنات
سيدرا: ها ها عملتوا اى وجبتوا اكل اى هه
سيلين: ي بنتى اهدى بقى مش كدا هههه
تمارا: قوللنا بس اى اللى حصل اداكى الكاميرا
سيلين بتكبر: طبعا ي بنتى هوا انا اى حد ولا اى
تمارا: عااااااش ي وحش
سيلين: بس انا متأكده انه مش هيسكت كدا بالساهل
سيدرا: يسطا اعلى ما ف خيله يركبه دا احنا جامدين اوى 😂😂
سيلين: اخواتى اخواااتى 💃😂
تمارا: مالك ي هند البت دى اكلتك سد الحنك ولا اى ههه
سيلين: لا دى حكايتها حكاية دا حصل...... و......... وحكتلهم سيدرا : اوبااااااااا بتعرفى ولا من ورانا
تمارا بدراما: اه قلبى خيااااانه 😂😂
سيلين بضحك: لا لا اسكتوا بجد خلينا نعرف منها مين دا ها قول ي هند
هند: ابدا ي بنتى والله بس فاكره اليوم اللى كنا عندك ف لما مشيت انا ومصطفى و كدا بس انا قولت لمصطفى ساعتها..........و....... وحصل.......... وهوا عمل......... وحكتلهم اللى حصل
سيلين بعصبيه: انتى بتهزري ي هند انتى ازاى تعملى كدا افرضي هوا ملحقش الموقف كنتى عملتى اى
سيدرا: وازاى متحكيش عن شهامه ورجوله هذا الشاب هههههه
تمارا: جتك نيله هوا دا كل اللى همك
هند: خلاص ي جماعه بقى حصل خير
سيدرا: ع رايك حصل خير يالا بقى ناكل لاحسن انا واقعه
سيلين: ايوا يالا عشان عندى شغل كتير بقى 💃😂
ونسبهم ونروح كليه الهندسه عند مصطفى و سما
خلصت المحاضره وكالعادة مصطفى بيستنى سما بره المدرج بس المره در مختلفه
مصطفى: اهلا اهلا بالناس المختفيه
سما بكسوف: احم ولا مختفيه ولا حاجه عن اذنك
مصطفى بضحك:يبنتى استنى بس هوا انا هكلك ولا اى ههههههه
سما بارتباك: بقولك اى ي مصطفى احنا صحاب وبس اااه و و و مصطفى: ههههههه اهدى اهدى طب ليطقلك عرق انا اتكلمت
سما: سلام سلام عشان متأخرش وسابته ومشيت
مصطفى : هههههه طب والله هبله
واستنها لحد ماركبت اوبر وهوا اللى حاسب ومشيت وهوا كمان روح بيته....

ونقف بقى لحد هنا 😂😂
اقسم بالله انا مش عارفه البارت دا اتكتب ازاى بس حرفيا انا الكام يوم دول مش فاضيه...
يارب يكون البارت عجبكم ومتنسوش شير لى اسم الروايه وتبعونى وطبعا رايكم ف الكومنتات☺💖💖💖