قصة : { #كسرتني_قوتك } 🤫💔
الحلقة الأولى { ١ } 🌹
*( شهر 9 )*
( جوة جامعة خاصة ، بنات رايحة وولاد جاية ، واقفين شلة بنات مع بعض )
سلمى : لسة مجاش ؟
جودى : لا لسة .. دايماً متأخر 🤷🏻♀️
*( ملحوظة .. جودي بنت جميلة ، بشرتها بيضة ، عيونها بني ، شعرها اسود قصير ، عندها ٢٠ سنة ، ظروفها المادية بسيطة وداخلة الكلية ب منحة عشان متفوقة ف دراستها ، والدها متوفي وولدتها كمان بس بتعتبر جارتهم زي امها ، وليها اخت اصغر منها )*
كريمة : لسة مقلتلهوش ولا ايه ؟
جودي ب توتر : لا لسة .. انا محروجة وخايفة اوي بجد 😕
سلمى : م انتي لازم تبدأي ب الخطوة دي ولا مستنية تيجي بنت وتخطفه منك وهو كل البنات هتموت عليه اصلاً 🤷🏻♀️
جودى : مهو عشان كدة عاوزة اقوله قبل م حد تاني يقوله
منة : يبقا لما ييجي تقوليله ع طول
جودى ب شجاعة : خلاص اوك 😐
( ف طريق ، جوة عربية موديل السنة سقفها مفتوح ، قاعد شاب ومشغل اغاني اجنبي ، يقف ف اشارة ، يبص ف مراية العربية ويقلع نضارة الشمس بتاعته ويظبط شعره ، يلاقي العربية الي جنبه البنت بتبصله ، يبصلها ويبتسم ، تبتسمله ، يبص قدامه ويلبس نضارته ، تتفتح الأشارة ، يطير ب العربية ، يوصل قدام الكلية ، شاب لسة هيركن ، يركن هو بسرعة وينزل م العربية )
حسام : انت دايماً سابقني كدة 🤷🏻♂
سليمان : انت الي بطيئ 🙄
*( ملحوظة .. سليمان شاب وسيم ، جسمه رياضي ، طويل وكتافه عريضة ، بشرته بيضة ، عيونه رمادي ، شعره اسود لون سواد الليل وتقيل ، عنده ٢١ سنة ، من عيلة غنية جداً ومعروفة ، والدته متوفية وبباه رجل اعمال كبير عنده شركات وفنادق ، حسام يبقا ابن عمته )*
حسام : المرة الجاية همسك ف خناقك ☝️
سليمان وهو بيحط ايده ع كتف حسام : لا متقدرش 😉
( يدخلوا الكلية )
سلمى وهي بتبص ناحية سليمان : اهو جه جه 😃
( تبص جودي ، سليمان يقف مع صحابه )
منة : هتروحي ولا ايه ؟
جودى ب توتر : ايوة اه 😬
كريمة : طب يلاااا
جودى ب خوف : ماشي متوترونيش بس ✋
( جودي تاخد نفس طويل وتمشي ناحية سليمان ، تقرب عليه )
جودى : سليمان
( لسة هيبصلها ، تخبط فيها بنت تتزق جودي ع سليمان يخبط ف حسام الي كان ماسك بيبسي يدلق ع قميصه )
جودى ب خضة : احيه انا اسفة 😳
( سليمان ع اخره )
جودى : معلش بجد 🙎🏻♀
سليمان وهو بيبصلها ب غضب مكتوم : يعني هو خلاص الدنيا ضاقت بيكي وجاية تتخبطي فيا انا 😐
جودى : والله م قصدت !
سلمان : مش عارف اقولك ايه صراحة 🤷🏻♂
جودى : انا اسفة 😕
سليمان : نشفت انا كدة يعني ؟
جودى : حقك عليا معلش 😟
( يمشي سليمان )
حسام : ي بني رايح فين ؟!
سليمان : هجيب قميص البسه هقعد مبقع كدة 🤷🏻♂
شيكو ب ضحك : ي عم تعالى اهي تبقا موضة جديدة 😂
الكل : هههههههه 😂
( يقرب سليمان ياخد البيبسي من ايد حسام ويقرب بيه ع شيكو )
شيكو ب خضة : لا بهزر بهزر وربنا 😮✋
سليمان : ليه مهي موضة 🤷🏻♂️
شيكو : بهزر ي عم خلااااص 🤦
( يكرمش الكانز ب ايده ويرميها ويمشي ، تروح جودي وراه )
جودى : سليمان 🚶🏻♀️
( ميردش ، تمشي جنبه )
جودى : سليماااان !
سليمان ب نفاذ صبر : ي نعم 😑
جودى : كنت عوزاك ف موضوع كدة
سليمان : خييير ؟
جودى : طب ممكن تقف بس عشان الموضوع مهم 😬
( سليمان ع اخره ، يقف )
سليمان : أأمريني ؟
جودى : انا يعني عرفاك وكدة .. شوفتك كذة مرة
سليمان : ايوة وانا شوفتك ٣٠ مرة قبل كدة م احنا ف كلية واحدة في ايه بقا ؟؟
جودى ب توتر : لا مافيش .. انا بس كنت عاوزة اقولك اني .. بصراحة معجبة بيك وكدة 😅
سليمان ب استغراب : معجبة بيا انا !!
جودى : اه
سليمان : انتي ؟!
جودي : ايوة ي سليمان
سليمان : دة من امتى الكلام دة ؟!
جودى : من فترة طويلة وانا بصراحة كنت مترددة اني اقولك قلت يمكن تيجي منك انت الاول 🤷
سليمان : لا والله 🤔
جودى : اه بس لما انت متكلمتش قلت اتكلم انا .. انا بحبك كمان 😍❤
سليمان ب اندهاش : ي حلاااااااوة 😃
جودى ب كسوف : ف انا اخيراً اعترفت بقا 🤭
سليمان : طب عن اذنك عشان انا بدأت ابرد 😐
( يمشي سليمان )
جودى وهي بتمشي جنبه : طب مقلتليش ردك طيب 🏃🏻♀️
( ميردش عليها ، يقرب يفتح عربيته )
جودى : طب هترجع تاني ؟
( يركب العربية )
جودى : سليماااان
سليمان ب زهق : اييييه بقا 🙄
جودى : راجع تاني ؟
سليمان ب انفعال : اومال مسافر م أكيد راجع يعني 🤷🏻♂️
جودى : تمام اوك هستناك 😁
( يمشي سليمان )
جودى ب ارتياح : اخيراً طلعت الي ف قلبي يارب 🥰
( يعدي اليوم ، ف بيت چودي ، ف شقة صغيرة عفشها بسيط ، قاعدة جودي مع اختها )
ريناد : هبطتي لما قولتيله بقا ؟
