قصة : { #كسرتني_قوتك } 🤫💔
الحلقة التاسعة { ٩ } 🌹
( تبصله چودي ب كسوف ، يدخل سليمان مرة واحده )
سليمان : اوووه معلش اسف قاطعتكم .. بس مفيش داعي تفرج الأنسة چودي ع البيت هي حفظاه كويس 👌
( يدخل الباقي )
عابد : چودي حكيالي
سليمان : لا اسألها كام مرة جت هنا ومحدش كان عازمها اصلاً .. بس كل دة عشان تلفت انتباهي ليها .. او ب الأصح توقعني .. بس معرفتش 😐
حسام : سليمان خلصنا !
ريناد : يلا بينا ي جودي
سليمان : ايوة يلا مع السلامة انا تعبت من كتر م عمال ازيح قرف عن البيت دة ومع ذلك بيجي بلاوي معرفش منين 🤷🏻♂
عابد : سليمااان !!
سليمان : اتفضلوا وياريت متورونيش وشكوا هنا تاني
عابد ب زعيق : سليماااااااان 😠
( يسكت سليمان )
عابد : انت دايماً قليل الأدب كدة ومعندكش زوق .. چودي وريناد ضيوفي ☝
سليمان : ميهمنيش ضيوف مين المهم مشوفش خلقهم هنا
عابد : بس انا عاوزهم دة بيتي وانا حر فيه ادخل الي ع مزاجي لو مش عاجبك اتفضل انت مع السلامة
( يزقه )
سليمان ب انفعال : بعد كل الي قلتهولك دة ولسة بتدافع عنها .. دي مش ملاك زي م انت شايف وانا عمري م هرحب بيها هنا ابداً .. الي زي دي انا حتى محبهاش تكون خدامتي 😠☝
عابد : انت حيوان ومتربتشي !!
سليمان : اهي تربيتك 😒
عابد ب زعيق : م انا معرفتش اربي فعلاً 😡
جودى ب ضيق : عابد لو سمحت مفيش داعي تتخانقوا عشاني .. انا ماشية 😔
سليمان ب تريقة : لحظه اتأثرت فعلاً ملاك واقف .. بتخليني قرفان من نفسي والله شابووه ليكي بجد 👏
( تمشي چودي )
عابد : استني ي چودي !!
( تعدي من جنب سليمان ، يمسكها من دراعها )
سليمان ب تهديد : لو قربتي م البيت دة تاني متلومنيش ع الي هيحصلك ماشي 🙂
( يزق دراعها ، تمشي چودي ووراها ريناد )
عابد ب غيظ : انت اتماديت فيها اوي ع فكرة 😠
( ميردش سليمان ويبتسم ، يمشي بباه والكل يروحوا ورا البنات )
عابد : چودي .. ريناد استنوا
( يقفوا البنات )
عابد : هوصلكوا البيت
جودى : لا مافيش داعي احنا عارفين السكة 😔
عابد : انتي كدة هتخليه فرحان انه عرف ينكد علينا 🤷🏻♂️
( تسكت چودي ، ريناد تلمح سليمان واقف ف الشباك فوق وباصصلهم )
عابد : عشان خاطري خليني اوصلكوا بس 😕
( يمدلها ايده )
ريناد وهو بتهمس ل چودي ف ودنها : سليمان واقف ف الشباك 😐
( چودي تحط ايدها ف ايد عابد ، ريناد تبص ل سليمان وتبتسم ابتسامة مستفزة تغيظه اكتر ، يعدي الوقت ، ف بيت چودي ، ريناد واقفة ف البلكونة مع ابو سليمان )
عابد : انا عارف إن چودي كانت بتحب سليمان .. بس بردوا عارف ابني اد ايه انسان معندوش احساس .. اختك انسانة طيبة وتستاهل حد يسعدها وانا نفسي اكون الشخص دة
ريناد ب ابتسامة : وانا عارفة ان حضرتك تقدر 🙂
( يبتسم عابد ب ارتياح ، تعدي الايام ، تقريباً كل يومين عابد خارج مع چودي ف مكان جديد وجايبلها هدايا وتصوير م الصحفيين ، سليمان قاعد مع فاتن )
فاتن : سليمان بباك متصور مع مزة جاااامده 😃
سليمان ب استغراب : وريني !
( ياخد الفون يلاقيها چودي ، يتعصب ويقوم يمشي )
فاتن ب خضة : سليمان رايح فين 😮
( ميردش عليها ، يعدي الوقت ، ف چيم ، سليمان مع حسام )
سليمان : بص كويس للصورة الهانم عاملة فيها بنت ناس والله الفلوس بتنضف بردوا 😏
حسام وهو ماسك المجلة : ي بني عادي فيها ايه خرجوا سوا متبالغش 🤷🏻♂
سليمان ب غيظ : انا مش ببالغ يخربيت امك انا حذرتها وقلتها تبعد عن ابويا وهي اتعمدت تغيظني اكتر وتقرب منه اكتر بس ماشي .. هي الي جابته ل نفسها .. تستلقي وعدها بقاااا 😠
( بعد يومين ، عابد مع چودي ف مطعم قاعدين ، يطلع عابد علبة من جيبه ، يفتحها فيها خاتم ، تتفاجئ چودي )
عابد : چودي انتي انسانة طيبة اوي .. وانا بحترمك جداً وبحبك .. تتجوزيني ؟
جودى ب توتر : بس .. انت مستعجلتش كدة ي عابد 😕
عابد : انا مش هعيش كتير .. الي راح مش اد الي جاي عشان افكر مرتين .. وانا بحبك .. دة سبب كافي إني اطلب اتجوزك ومترددش ف القرار دة 💁🏻♂
جودى : اه !
عابد : مترديش عليا دلوقتي خدي وقتك وفكري
( تشاورله ب اه ، بعد شوية ، يدخل المطعم سليمان وفاتن )
فاتن وهي بتبص ل عابد : مش دة ابوك ؟!
( يبص سليمان يلاقي ابوه وچودي ماشيين ، يقفوا قصاد بعض )
فاتن : ازيك ي عمو ☺
( ميردش عابد ويمشي ، چودي فستانها طويل ، تعدي من جنب سليمان يدوسلها ع ديل الفستان تتكعبل وتقع ع وشها ف الأرض )
جودى ب خضة : ااااه 😨
عابد ب خضة وهو بيقرب عليها : جودي 😦
سليمان ب تريقة : معلش ي حلوة .. ابقي اتمرني الأول ع لبس الفساتين والكعب وبعدين البسيهم .. ولا انتي صحيح مكنتيش تعرفي الحاجات دي 😏
( يقومها عابد ، تنزل دموعها )
عابد ب انفعال وهو بيقرب ع سليمان : ايه الي انت بتعمله دة ؟!
سليمان : بلاش نتخانق قدام الناس .. كفاية كسفتنا وانت مع واحدة زي دي .. روحها بيتها .. دة انسب مكان ليها 😒
( يدخل سليمان جوة ، تجري چودي ع برة بتعيط م الأحراج والأهانة ، يجري وراها عابد )
عابد : جودي .. جودي استني 🏃🏻♂️
( يوقفها )
جودى : ممكن تسيبني اروح 😔
عابد : استني طيب هوصلك
جودى ودموعها بتنزل : لا عاوزة اروح لوحدي .. عن اذنك 😥
( تمشي چودي تقعد ع سلم المطعم ، تفتكر كل كلام سليمان عنها ب بشاعة وقسوة ، تطلع من شنطتها الخاتم الي قدمهولها عابد )
جودى : انت الي ابتديت ي سليمان .. اتحمل بقا الي جاي 💍
( تلبس الخاتم ، تعدي الايام ، ف بيت سليمان )
سليمان ب صدمة : نعم لأ طبعاً تتجوز مين 😳
الاب : انا بقولك عشان تعمل حسابك عشان هتيجي هي واختها يعيشوا معانا
سليمان ب خضة : كمااااان 😮
الاب : ايوة
سليمان : لا براڤو عرفت توقعك مطلعتش سهله ابداً 👏🏻
الاب : انا مش عاوز مشاكل فاهم ☝
سليمان ب غيظ : فاهم 😡
( ييجي الليل ، توصل چودي واختها البيت عند عابد ، تدخل ريناد وليلى معاها زي بيت صغير جنب البيت الكبير ومعاهم شنط )
ليلى ب استغراب : ايه الكركبة دي كلها !
ريناد : ساعديني نفضي المكان هنا !
( لسة هيشيلوا الحاجة يدخل سليمان )
سليمان وهو بيحط ايده ف جيبه : دي حاجاتي
ريناد وهي بتبصله : واحنا نقعد فين وسط حاجاتك بقا ؟!
سليمان : اظن انتوا كنتوا عايشين ف اوضة بتدخلوا فيها الحمام ف مش هتفرق معاكوا شوية الحاجات دي انكوا تعيشوا وسطيها دة بالنسبالكم قصر .. ولو مش عاجبكم اتفضلوا مع السلامة 💁🏻♂️
( يقرب ع الشنط ويمسك شنطة منهم يحدفها ع برة ، تتخض ريناد وتقرب عليه )
ريناد ب انفعال : انت ذودتها اويييي 😡
سليمان ب ابتسامة : انتي لسة مشوفتيش حاجة .. طلاما هتقعدوا هنا هتشوفي مني الي انيل من كدة 🙂
ريناد : طب اوك
( تمسك صندوق صغير تحدفه )
سليمان ب خضة : انت اتهبلتي عارفة الصندوق دة فيه ايه !
ريناد : هترميلي حاجاتي هرميلك حاجاتك 🤷
( يتغاظ سليمان ، يقرب ع باقي الشنط ويحدف فيها )
سليمان : طب اهو .. اهوووو 🏃🏻♂️🎒🛍️
( تقرب ريناد ع كتب وتحدفهم ف وشه ، سليمان يجيب اخره يقرب يزقها ع الكنبة ، تقف ما بينهم ليلى )
ليلى ب خضة : خلاص والنبي ي سليمان 😦✋
سليمان ب زعيق : وربي م هسيبك بتعاندينيييي 😡
