قصة : { #كسرتني_قوتك } 🤫💔
الحلقة الخامسة { ٥ } 🌹
( سليمان مستغرب طريقة كلامها ووجودها هنا )
ريناد : عاوز تغير الورد هتغيره ب وجود الضيوف .. ودة طبعاً مش هيحصل .. بعد اذنكوا 🚶🏻♀️
( تمشي ريناد ، سليمان ع اخره يبص ل مرات ابوه وحسام الي هينفجروا من كتر م حابسين ضحكتهم ، يروح ورا ريناد )
سليمان : ريناد .. ريناد اقفي 🚶🏻♂️
( يقرب يشدها من دراعها يوقفها )
ريناد ب عصبية : ايييه !!
سليمان ب استغراب : في ايه انتي بتتكلمي معايا كدة ليه وايه الي جابك هنا اصلاً ؟!
ريناد : الي زيك مينفعش معاه غير كدة 😐
سليمان : ايه الي انتي بتقوليه دة !
ريناد : اختي تبقا جودي .. فاكر جودي .. الي انت كسرت قلبها وهينتها قدام ضيوفك من ٣ سنين ف حفلة تخرجك .. فاكرها .. ي سليمان باشا ؟
سليمان ب تذكير : ااااه .. يعني هي معرفتش توقعني زمان ف كانت مسلطة بقا حضرتك عليا دلوقتي مش كدة 💁🏻♂
( تبصله ب استغراب )
سليمان وهو بيسقف : لا براڤو عليكوا بجد 👏🏻
ريناد ب غيظ : انت حيوان فعلاً زي م هي قالت 😐
( تسيبه وتمشي )
سليمان وهو بيشدها من دراعها ب عنف : لا لا لأ مش زي م هي قالت ☝ انا انيل م الي هي قالته وبكتير كمان 🙂
( تشيل دراعها منه وتمشي ، يبصلها ب غيظ ، ف كافيه ، قاعدة جودي سرحانة ، يقرب شاب يقعد معاها )
جاد : حبيبي
( تبتسم جودي ، يديها وردة 🌹 )
جودي وهي بتشمها ب حب : جميلة اوي 😍
جاد : انتي اجمل ❤
جودى : تسلملي
( تضير وشها وتسرح تاني )
جاد : جودي !
جودى ب انتباه : نعم ؟
جاد ب قلق : مالك .. حاسك مضايقة 😕
جودى : لا لأ .. بس الفرح قرب خلاص وفي حاجات كتير لسة مجبنهاش ف تفكير بس 😅
جاد وهو بيمسك ايدها : كل حاجة هتتحل إن شاء الله متقلقيش ♥️
جودي : إن شاء الله 🙂
( سليمان سايق عربيته بيفتكر اليوم الي قضاه مع ريناد وإن اد ايه كان شايفها ملاك )
سليمان ب غل : بقا انتي تلعبي عليا انتي واختك .. وربي ل اخلي حياتكم جحيم قريب 😡
( ييجي الليل ، ف بيت سليمان ، واقف مع بباه )
عابد : ليه تكلم رغدة بالأسلوب دة .. انت عارف هي تعبت اد ايه عشان تعملك الحفلة دي !!
سليمان ب برود : والله من واجبها إن انا اطلب وهي تنفذ 🙄
عابد : لاحظ ان دي مرات ابوك مش خدامتك ي بيه 🤷🏻♂️
سليمان : وانا ابنك .. وقريب همسك الشركة وهي تعتبر شغالة عندي خليها تتعود بقا ع اسلوبي ولو مش عاجبها تتفضل مع السلامة الباب يفوت جمال مش جمل 😏
( يمشي سليمان ، يروح وراه ابوه )
عابد ب زعيق : سليمان 😠
( يقف قدامه يوقفه )
عابد : انت ليه اناني كدة ومبتفكرش غير ف نفسك .. عمرك ف مرة فكرت ف مشاعر الناس عمرك فكرت نتيحة افعالك دي هتحسسهم ب ايه .. انا عاوز اعرف حاجة واحدة بس الي زيك عندهم قلب زينا كدة ولا هنا فاضي ولا ايه 🤷🏻♂️
سليمان ب قهرة : وانت لما رميتني ف مدرسة داخليه ف اكتر سن كنت محتاج ل اهلي فيه كان قلبك دة فين وقتها ؟ ي شيخ دة انا لما كنت بتعب كنت مبتيجيش حتى تشوفني !!
( ميردش بباه )
سليمان : ولما اتكسر دراعي جيت تطمن عليا ؟ فكرت ترجعنى البيت لحد م اخف حتى ؟ ولما سافرت ٣ سنين فكرت ولو مرة تيجي تشوفني ؟ دة انت كنت بتنزل ف نفس البلد ل شغل ولا بتعبرني .. لو كنت انا معنديش قلب ف قلبك انت للناس مش ليا انا ☝💔
عابد ب انفعال : بص ل تصرفاتك الأول .. دى تصرفات حد يطاق .. مسألتش نفسك ليه انا ابوك ومش عارف احبك .. مع الكل كويس إلا انا ✋
( تطلع رغدة ع الصوت )
عابد : مفاتش ع رجوعك اسبوع وخاربلي الدنيا .. منين م رجلك بتخطي بتجبلي المصايب معاك .. انا عمري م افتخرت بيك ك ابن ابداً 😠
سليمان ب زعيق : وانت فاكر ان انا فخور بيك ك اب .. للاسف معنديش اختيار تاتي .. انت الي خلفتني وانت الي مجبر تتحمل مسؤليتي .. ولو كنا بقا مش هنقدر نعيش مع بعض بالحب .. يبقا نتأقلم ع الكره دة 💁🏻♂️
( يمشي سليمان )
عابد : سليمان .. تعالى هنااا 😡
( ميردش سليمان )
عابد ب تعب : سليمان ااااه 😑
( عابد يمسك قلبه هيقع ، تجري رغده تسنده )
رغدة ب خضة : عابد 😦
( يطلع سليمان يركب عربيته ويمشي )
رغدة : انت كويس ؟!
عابد : اه .. هاتيلي چاكيت البدلة والدوا من جوة 🤦
رغدة ب قلق : م بلاش نروح لو انت تعبان نأجل الحفلة دي مش مهم ي عابد 😕
عابد : لا انا كويس .. يلا عشان منتأخرش ع الضيوف
رغدة : حاضر
( تجيبله حاجاته وينزلوا يركبوا العربية ويمشوا ، جودي وجاد يخرجوا م الكافيه ، يركب جاد سكوتر وتركب جودي وراه )
جاد : ماسكة كويس ؟
جودى : اها 😊
( يمشوا ، ف الطريق ، عند عابد )
رغدة ب قلق : متأكد انك كويس م كنا مرحناش احنا 🤷
عابد : لو مرحتش سليمان هيخربلي الدنيا هناك وهيعمل مشاكل مع الناس
رغدة : ربنا يهديه 😒
عابد : يارب
( عند جاد ، جودي تحضنه اكتر ماسكه فيه ، يلف يبصلها ويبتسم )
جودى ب خضة : حاسب 😳
رغدة ب صريخ : عابد 😨
( تخبط العربية الأسكوتر ، تترمي جودي ع الرصيف ع دراعها وتنزل دماغ جاد ع الرصيف ، يعدي الوقت ، ريناد ف البيت ، يرن فونها )
ريناد : الو .. ايوة انا .. ايه مالها اختي 😧
( سليمان ف عربيته ، يرن فونه )
سليمان : الو .. حصل ايه .. حادثة .. طب هما كويسين ؟!
( ف المستشفى ، جودي ف العمليات ، برة واقفة ريناد ، تقرب جاسمين )
جاسمين : ايه طلعت ولا لسة ؟
ريناد ودموعها بتنزل : لا لسة جوة 😥
جاسمين : اختك دي ع طول متصابة كدة .. وجاد حصله حاجة ؟
ريناد ب حزن : جاد اتوفى 💔
جاسمين ب خضة : ي قلبي مات 😰
( ف نفس المستشفى بس ف مكان تاني افضل ، واقف ابو سليمان قدام العمليات ملفوف دراعه ودماغه ، يخرج الدكتور )
الدكتور : انا اسف جداً .. المدام اتوفت .. البقاء لله 😐
( يتصدم عابد وتنزل دموعه ، ف قاعة الفندق برة ، واقف سليمان وف ايده كاس 🍷 وحسام واقف معاه )
حسام ب استغراب : انت رجعت تشرب تاني ؟!
( ميردش )
حسام : انت ي بني مش زعلان ع الي حصل !!
سليمان : لا وازعل ليه .. دة مات دة عاش دي الحياه .. كلنا رايحين متأفورش ي حوس 😉
حسام : يخربيتك انت معندكش دم بجد 🤦
سليمان : لا معنديش 😊
نادر : دي كانت مرات ابوك مش حزين عليها ولو حبه بس ؟!
سليمان : ابويا كل شهر كان بيغير واحدة هقعد انا بقا احزن ع كل واحدة تموت وتعيش .. فكك ي عم 🙄
( تقرب بنت )
فاتن : حبيبي يلا
سليمان : يلا ي روحي
( يمشي سليمان )
حسام : انت ي بني تعالى هنا ع الأقل الغي الحفلة وبلغ الناس ب الي حصل 🤷🏻♂
سليمان : تؤ .. انهاردة يومي اوك .. ف ياريت متحاولش تفسد المود بتاعي ومتقلقش ابويا مش هيزعل كتير ع الي ماتت دي .. امي لما ماتت بعدها ب ٣ شهور اتجوز .. ٣ شهور .. ٣ شهور ي استاذ حسام .. والله م في حد حزين هنا غيرك .. يلا ي قلبي اتأخرنا 😏
( ف المستشفى ، ريناد وجاسمين قاعدين قدام اوضة العمليات ، يطلع الدكتور ، يجروا عليه )
ريناد ب قلق : جودي عاملة ايه ي دكتور طمنا ؟
الدكتور : عدت مرحلة الخطر ونقلناها اوضة عادية متقلقوش
( يمشي الدكتور )
جاسمين : انتي لحد دلوقتي معرفتيش مين الي خبطهم ؟
( ابو سليمان واقف عند الطوارئ الي فيها مراته والمحامي بتاعه واقف معاه )
عابد : قولهم إني هتكفل ب كل مصاريف المستشفى والعلاج .. ولو احتاجه ل اي حاجة يبلغوني ف وقتها
