الدونجوان

مهم جدا👌

معلش يا بنات

انا هتكلم معاكوا اعتبروها دردشه عاديه انا هقول راي و انتوا قولوا رايكوا اتفقنا

انا بقيت بشوف بنات اليومين دول او بمعني اصح من سنين مقصومين نوعين و دول سنهم من اول      13  بيكونوا نوعين

النوع الاول

نوع البنت بتكون شايفه نفسها بدات تكبر شويه و تفكر فايه بقا

انا بفرق ايه عن البنت ام 25 سنه عشان احب و اتحب و اصاحب و عيش حياتي الحب مش حرام

و تقول مثلا انا جارتي اتجوزت حب طفولتها طب ما اعمل زيها يمكن اتجوز حب طفولتي انا كمان

و هي بتكون متحمسه اوي فتقرب من اي ولد معاها في مدرسه او مكان تاني

لكن الولاد في السن ده بيكون تفكيره و همه الأول و الأخير أنه يطلع رجولته علي اي بنت و يثبت لصاحبه انه يقدر يحب و يعلق بنات بيه و طبعا الضحية الكبيره في الموضوع ده الام و الاب

و طبعا البنت تحب اقصد تهبل عشان مينفعش اظلم حب في الوضع ده

بعد ما تهبل مره و ميمنعش تجرب تاني و تقول ايه بقا اصل الحب الاول ده مش علي طول ناجح انا لسه بجرب و كويس ان انا لسه سني صغير عشان اجرب و تفضل تجرب و الله اعلم ودوها لسكه ايه

ممكن الولد يكلمها مثلا و يقولها

ما نتكلم فيديو كول

البنت..طب ثانيه هقوم البس طرحه و نتكلم

الولد...طرحه ايه بس يا بنتي انت مراتي هو انت عمرك شوفتي واحده بتقعد قدام جوزها بطرحه
و اه متلبسيش شورت او كت قدام ابوكي او اخوكي عشان بغير عليكي

البنت طبعا تفرح عشان هو ذكرها بصفه انها مراته و بيغير عليكي و تتطمن ليه و توافق و الله اعلم هو بيعمل ريكورد ولا بيصور الله اعلم بس الاكيد انه عمره ما هيفكر فيكي لان ببساطة انت خونتي ربنا و خونتي ثقه اهلك هو هيستئمنك ازاي علي نفسه و بيته هو مش عبيط عشان يتجوزك

النوع الثاني

و هو البنت اللي تشوف البنات كلها بتحب و تصاحب في سن المراهقه و تقول ما اجرب انا كمان هيجري ايه يعني و دي يا عيني غلبانه تحب اي حد زميلها فى المدرسة أو الدرس او النادي او اي راجل ربنا خلقه قريبها بقا او جارها مش مهم المهم انها تحب و تجرب زي بقيت البنات و ممكن من رحمه ربنا عليها ميخليهاش تكمل عشان هي للاسف مش بتشوف العيوب اللي بقت في النوع الاول بتشوف بس صور علي الانستا او بوست علي الفيس بوك او اي مكان فعايزه تجرب

فعشان كده يا بنات متستعجلوش علي الحب خليكي غاليه و نادره عشان الكل يتصارع عليكي و تختاري اللي تحبيه و متهدريش مشاعرك دلوقتي عشان بتكون في الفتره دي عنيفه اوي و بتطلع من غير سيطرة فعشان كده خدي بالك من نفسك و عززيها

و اه يا جماعه انا عمري علي بعضه 17 سنه و شوفت النماذج دي فياريت تخافوا علي نفسكوا حابسه البيت او تحكم الاهل ارحم بكتير من انك تبيعي نفسك لكلاب تاكل فيكي