لعبه القدر

8

الكاتبة :فاطمه العساف

....................

لاتترك هذا الصباح،
لاتركه يمر من غير ان تلقي نظره على قلبك،
فا الذين نسوا قلوبهم في الصباحات،
نسوا شمسهم التي لاتغيب.
........................
شهلاء. كعدت الصبح واني كلي حماس حتى ابدل واروح لدوام واشوف سيف احس روحي مشتاقتله هواي طول العطلة واني ماشايفته واني ابدل دك تلفوني لكيت رويحتي جاي يتصل الو صباح الخير

سيف. هلا بصباح الي يبدي بصوتج هلا بيوم الي يبدي بشوفتج

شهلاء. هلابيك اشلونه كليبي

سيف. كليبج منتظرج باب الكليه لاتاخرين على

شهلاء. لا ما اتاخر اني مكمله بس منتظره ابو الخط يجي عليه

سيف. ماشي

شهلاء. من سديت الاتصال ويه سيف كعدت قمر وراها مدرسه ورحت على ضرغام يالله كوم دوام رفعت الغطه من راسه كوم بساع

ضرغام. نايم نومه ماكو منها الجو شته والغرفة دافيه ومتغطي بطانيه ودفيان واني بعز نومتي واجهتني ألبومه من الصبح تكعدني لدوام مااداوم اليوم روحي من يمي

شهلاء. ليش بالله ماتداوم

ضرغام. أول يوم ماكو دوام ليش اتعب نفسي واروح على الفارغ بلاش

شهلاء. بس اليوم توزيع النتائج

ضرغام. والي من يمي اريد اكمل نومتي

شهلاء. تدلل اريد اشوف اشلون تكمل نومتك جريت البطانية منه وفتحت الشبابيج وشغلت البنكه

ضرغام. شهههلاء

شهلاء. وجع كوم والله اذا ما كمت ارش عليك مي بارد

ضرغام. استغفر الله والله بيت مال مخابيل والواحد المفروض يهج من زمان

شهلاء. لعد منو لازم ماتهج

ضرغام. اطلعي اريد ابدل

شهلاء. خاف تريد ترجع تنام

ضرغام. أريد ابددددل اطلعي 😤😤

شهلاء. جذاب تريد ترجع تنام. واكفه مااحس الانزع البجابه وبقه بشورت شكاعد تسوي البس ملابسك

ضرغام. كتلج اطلعي وانت مارضيتي شسويلج مثلا ابوس ايدج

شهلاء. يا حيوان. طلعت من الغرفه شويه واجه الخط عليه وصلت لكليه لكيت سيف منتظرني باب الجامعه اسمع البنات الي وياي بخط يحجن من نزلنه من السياره لج شوفي والله عدها حظ منتضرها ب باب حتي يشوفها والثانية ترد عليها تكلها لج اي شهلاء حظها كاعد لعد مثل حظي عفتهن يحجن ومشيت لسيف وصلت يمه كتله انت صدك البخت لك انت احلى حظ انت من ضمن احلى اشياء صارت بعمري

سيف. منتظر شهلاء توصل لأن ميت على شوفها مشتاقلة لدرجه كتلها انتي انتي كل العمر وانتي احلى فرحه بعمر