للكاتبه :فاطمه العساف
....................................
اعزاز ياروحي النسوج
ومدري ليش
الينسي حيل يصير اغز ؟!
هم طفو شوكنه
وطشو رماد
وآنا لسه بشوگهم شو مستعز!.
...............................................
شهلاء. بعد الي صار بيه قررت انسى كلشي واركز بدراستي حتى انقذ ورحي ولو شويه من الي اني بي من الهم و من القهر
وفعلا كرست كل وقتي على دراستي ودراسه اخواني لانو ضرغام بفتره الي جان بيها بسجن غاب هواي عن المدرسه واجه ينفصل بس ابويه راح لمدرسه مالتة وحجى ويا المدير وحجاله الموضوع وكوه وبتواسيل يالله ضرغام رجع لدوام وهم فاتته هواي دروس رجعت اني ادرسه واقري الي فاته لانو المدرسين ميقبلون يرجعون يشرحون اله الدروس الي فاتت فإني كعدت اقري ضرغام وهم اشرح قمر لانو قمر دخلت فرع علمي وتحتاج واحد وياها لانو موادها صعبه واني هم وياهم اشغل نفسي واضيع وقتي صادفت بيومها جمعه منتبها على تصرفات ضرغام من رجع لبيت ليوم صاله تقريبا اسبوعين مو نفس قبل هادء بشكل ماينوصف وشنو يكلولة يكول اي جان هو يقرأ بصاله هو وقمر اجيت يمه كتله ضرغام شنو بيك ليش متغير
ضرغام.. ها. لا مابيه شي اني نفسي ماتغير
شهلاء . باوعت على قمر كتلها كومي اطلعي من الصاله وسدي الباب وراج
قمر. أي انتم كلما تردون تحجون تطردني وبكل نقاش اني مطروده على الأساس الي راح تحجونه كيفيه صناعه النووي
شهلاء . اسكتي وطلعي
قمر. تره اني عندي كيان وشخصية ومشاعر عيب تطرديني كولي ممكن تروحين لغرفه الثانية بدون زحمه هههههههه
شهلاء . شمرت عليها الكوشه مال التخم اطلعي بره انتب ومشاعرج واسحلي كيانج واطلعي بره ياالله
قمر . طالعه طالعه جرحتي مجاعري
شهلاء. من طلعت قمر رجعت كعدت يم ضرغام اي احجي هسا ليش هيج متغير و لابس ثوب الهدوء
ضرغام. متندم على الي سويته وضايج من نفسي على الي صار بيج
شهلاء . إذا فعلا متندم من الي سويته صير احسن من قبل ولا تعيد الخطأ نفسه مره ثانيه تمام
وبعدين اني شنو بيه. وشنو الي صار بيه
ضرغام.. راح تزوجت ولد ماتعرفين ولا تحبينه بسببي
شهلاء . بتسمت بوجهه وكتله صح عمر مااعرفة وصح راح اتزوجه بسببك بس احتمال الله قاسم تصير هيج صدفه وصير هيج حادث حتى اتزوج عمر لاتحمل نفسك مسؤليه شي الله قدره وراده _قدر الله وما شاء فعل _. تمام لتضوج ولتهتم وبعدين اني عمر قبل كم يوم شفته خوش والد وحباب واكيد راح احبه بعد الزواج امي تحب ابويه وهي قبل لا تزوجه ماجانت تعرفه ف اكيد اني راح احب عمر بعد الزواج
جنت اقنع ضرغام بهذا الحجي واجذب على نفسي وهسا حبيبي فهمت
أنت تقرأ
لعبه القدر
Romanceمن شده حبك لي ... حسدوني الناس فخسرتك ف هل استطيع ان اتلاحق نفسي.... واسترجعك ام فعلا خسرتك الا الابد.
