لعبه القدر

10

الكاتبة :فاطمه العساف
...................................

أحببتك حتي انني ،
جعلتك شي استمد منه الفرح
واجدد به طاقتي
من سواد الحياه ولو با قليل
من محادثتك ،
أحببتك بغرابه

...............................
شهلاء . بقيت كاعده رجع دزلي رساله

سيف . البسي شي على قميصج وارحمي روحج احسلج

شهلاء . شبي قميصي شنو بي شي حتي البس شي فوكه شنو موحلو

سيف. لاحلو لدرجه الخيوط البيض مال ذاك مبينات جنه قميص ك__ب

شهلاء. سيف شنو هل حجي

سيف. وعزه جلاله الله اذا مالبسي شي هسا اكوم أشك القميص عليج حتى بعد هو عرض عرض ليش مخليه صدرج شكل مبهم ومواضح حتى مره وحده يشوفونه على شكل اوضع

شهلاء.سيف انت شكاعد تحجي شبيك

سيف. انعال على رأسج وراس سيف لاتخليني هسا ابوج انزله كومي البسي صخام بوجهج

شهلاء . ماجايبه قمصله والجاكيت ولا ستره وياي شلبس متكلي

سيف. انتي جبتيها لروحج بس اصبريلي، من اجت شهلاء باوعت عليها لابسه قميص ابيض باوعت على بارق لكيته يباوع عليها بنظره اني ماعحبتني ويتفحص كل جزء بيها بعيونه ويبتسم يباوع على جسمها بطريقه شهوه لانو هو اصلا واحد أخلاقه سز دزيت رساله لشهلاء حتى تلبس اي شي فوك قميصها بس طلعت الا فنديه ماجايبه شي ومحمد اجيت اخنكها احس روحي راح انجلص من الحركه والعصبيه كمت رحت ل كافتريا اشتريت عصير ورجعت يمهم سويت روحي مامنتبهه وجفيت العصير على قميص شهلاء

شهلاء. كاعده مااحس الا انكلب عصير فوك قميصي اني كبل وكفت بقيت امسح بقميصي

سيف. اسف مجان قصدي اسوي هيج تقربت منها وحجيت يم اذانها روحي للحمامات دبريلج صخام البسي ورجعت كعدت يم بارق نزل عيونك لا اشلعن الك واخليهن بيدك

شهلاء. رحت للحمامات بس محد تنطي قمصلتها مسحت قميصي بمي بس بقه بي لون رجعت يمهم

سيف. رجعت شهلاء بدون قمصله واصخام الوجه جسمها مبين أكثر لانو القميص مبلل بعدها جاي تمشي دزيتلها رسالة لج حيوانه اني شنو كتلج

شهلاء. شسوي محد تنطيني قمصلتها وصلت يمهم بعدني واكفه مااحس الا سيف.

سيف. من وصلت يمنة رادت تكعد قبل لاتكعد طفرت اني الدنيا بارده واكيد هسا تاخذين برد اسف وحقج عليه هاي سترتي البسيها احجي واني اريد انفجر من العصبيه كوه لازم اعصابي.

شهلاء. اباوع علي اشلون يحجي يخوف ويخزر بيه وعيونه طالعات من وجها بس مسوي روحة طبيعي وجاي يعتذر مني على الي سوا كام نزع سترته وخلاها على جتفي بس كرصني كرصه بخاصرتي حسيت روحي راحت بيها ولحم جسمي انشلع بيده