للكاتبه :فاطمه العساف
....................................
كون الليل عنده اللسان
جا گلك خطيه فلان
عذبته بتصاويرك وجا
گلك لگاله هواي
بس ماحب ابد غيرك💔🖐️
..................................
شهلاء . اني ب البيت ماالبس ذهب ذهبي كله جامعته و مخليته بعلبه وضامه العلبه بكنتور اني متأكده من هذا الشي كلبت الغرفه كلها ودورت بكل مكان نزلت كل إلا غراض الي بكنتور ورجعت صفطتهن من جديد خاف اني مغيره مكان العلبه و مخليتها بغير مكان و ناسيه بس ملكيتها
بعدني جاي ادور ودخل عمر لغرفه من شافها هوسه واني هم مخبوصه
عمر. شنو شبيج شدورين شكو كالبه الغرفه هيج
شهلاء. العلبه الي بيها ذهبي ماكو مااعرف وين مخليتها وناسيه ضيعت ذهبي مااعرف وين
عمر . لا انتي مامضيعتها اني اخذت الذهب وشمرت العلبه
شهلاء . اشلون شو يعيد اشلون وين أخذت ذهبي وين وديته
عمر بعته يعني وين وديته ب رئيج
شهلاء. شننننو يعني بعته وهيييييج تحجيها برود وكانو مسوي ف انجاز هو مالك وتبيعه ها مالك هو
مشتري الي بفلوسك ها فهمني كلي
عمر. ههههه اكيد بفلوسي غير ذهبج من فصل اخوي يعني بفلوسي وبعدين احمدي الله الكلاده الي بركبتج فضه مو ذهب ولو جانت ذهب جان هم بعتها
شهلاء. قسم بالله العضيم توصل يم هاي الكلاده الي بركبتي وشوف شنو اسوي بيك
عمر . شنو والج تهدديني
شهلاء. بده عمر يتقرب مني وخله ايده على ركبتي وخنكني كل قوته
حسيت نفسي متت خلص وبعد ماراح اعيش أكثر كمت مااكدر اتنفس ولايدخل النفس لروحي مااعرف منين جبت
هاي القوه ودفعته عني بكل قوه يمكن من حسيت روحي راح اموت استعزيت بحياه و نطيت ردت فعل
حتى اسحب روحي من الموت لك....
خلص انت شنو ناوي تسوي شنو تريد تموتني بيدك لو ناوي تجلطني بتصرفاتك
تره اني بشر عندي روح وحدة مو سبع رواح وانت كل يوم تحرك روحي وكل يوم تقهرني أكثر من الي قبله اني شنو مسويتلك لك بس فهمني اني شنو سويتلك اني وانت متحلف بيه الا تندمني على الساعه الي انولدت بيها بس كلي منو دزك عليا
عمر . حتى مره ثانيه ماتهدديني شوفي والج اني هاي الرعونيه واللسان الطويل مايفيدن وياي جري وياي عدل احسن مااشوفج الله اشلون يصير
شهلاء. كمل حجيه عافني وراح شكد مكروه
باوعت على نفسي ب المرايه ركبتي حمر ومطبوع عليها أصابع ايد عمر
اباوع على روحي وين جنت وين صرت شكلي جني كبرانه ميت سنه ليكدام حتى ملامحي متغيره وصايره جني وحده عمرها بتسمعين
بيه وجع بس الله يعرفه شكد روحي من كد ماتتحرك تبدي تحرك ملامحي وياها زواجي من عمر غلطه واكبر غلطه سويتها بحياتي اوف اوف غلطه ودفعت ثمنها احلى ايام العمر
رجعت باوع على ركبي شفت الكلاده الي انطانياها سيف بعيد ميلادي تذكرت من لبسنياها شكد جانت حلوه ايامنه بس اني إلي ضيعتهن بيدي
بعد شيفيد الندم بعد ما ضيعيت كلشي
كعدت بكاع شبعت بجي واخر شي كمت مسحت وجهي
الله موجود اكيد الله مراح يخليني مكسوره طول العمر لازم يجي يوم ويجبر بخاطري
رحت لحمام غسلت وجهي ورجعت اكمل تصفيط الغرفة من ترتبتهاوكملت طفيت الضوه ونمت
بهاي اللحظه صدك حسيت روحي طفله وتريد امها اي اريد امي ابجي بحضنها واشكيلها عن الي بيه
أنت تقرأ
لعبه القدر
Romanceمن شده حبك لي ... حسدوني الناس فخسرتك ف هل استطيع ان اتلاحق نفسي.... واسترجعك ام فعلا خسرتك الا الابد.
