لعبه القدر

15

للكاتبه :فاطمه العساف

......................................
وجهك مدينتي المليئه با لسلام و وجهك عالمي الذي يليق بي 💜💙

.....................................
سيف . خابر عليه اخويه كال عمي مات كتله شوكة مات

فراس. الصبح مات وهمه هسا بطريق خلي نتلكاهم بمقبره

سيف. منو منهم الي مات

فراس . عمي رياض

سيف . خرب عمك وهو بعدهة لحد هسا عايش واليوم يا الله مات ولك شنو عمر تفكه

فراس . ياطايح الحظ اكو واحد يحجي هيج على عمه المهم اني سابقك وانت تعال وراي كون نوصل قبل لا يوصلون

سيف. إن شاء الله.

اني عمامي ب ديوانيه بس أهلي بنجف اني وأهلي علاقتنه ضعيفه كلش ويا عمامي من بعد وفاة ابوي او ب احرى مقطوعه نلتقي ب بمناسبات وهم مرات مانلتقي يعني ولد عمامي مو كلهم اعرفهم ولا كلهم شايفهم رحت لبيت بدلت لبست بنطلون اسود وقميص اسود ورحت للمقبره لكيت اخواني كدامي اثنينهم اني ازغر واحد ب اخواني فراس وماجد اكبر مني

فراس. زين والله من وصلت من وقت عبالي تجي من نخلص دفن وتروح الناس

سيف. لا اليوم اجيت من وقت حبيت اصدمكم اشلوني 😁

ماجد . ولك ليش ما لابس دشداشة جاني مبنطر بنص الدفنه

سيف . اشلون عيني اشلون وهو اني شوكت لابس الدشداشة بحياتي. اصلا ولا مره مخليها على جسمي.

ماجد . من باجر تبدي تلبس

سيف.. ماجد اخوي الجبير وكلامه مسموع مااكدر اعترض على كلامه كتله تدلل اجت الجنازه واني واخواني استقبلناهم الناس كلها ملثمه خلصت الدفنه ولد عمي رياض كطعو رواحتهم بنعاوي واحو واحو وخاصه احمد ابن عمي الجبير رياض

احمد . يا بويه يا يابه بعد ماراح نشوفك ولانسمع حسك جبنه التابوت متروس وهسه راح نرجعه فارغ

سيف. من سمعت حجيه كلة بصوت ناصي عبالي محد يمي لاعيني هسة منا اترسلك التابوت دهينه وعلج مر واخذ التابوت متروس مااحس الا ضربه على راسي درت وجهي لكيت ماجد وراي

ماجد . أنجب واحترام نفسك لاوالله ادفنك ويه عمك

سيف . سكتت سكتت. من خلصت الدفنه راحو لديوانيه حتى ينصبون الفاتحه والجادر واني واخواني وحنه لبيت وباجر من الصبح نروح وراهم اول ماوصلت لبيت هستوني اريد ادخل لباب وصاح ماجد

ماجد . قبل لاتدخل وقبل لاتوصل لبيت روح اشتري دشداشة

سيف. بس خلي أبدل واكل شي لانو جوعان وتعبان

ماجد . ابد عبالك مااعرف سوالفك بس ترتاح وتاكل شي كبل راح تنام وتغلس وما تشتري يا الله كدامي روح اشتري