جهاد كياني

بارت 5

قصة : جهاد كياني 💜

بقلم : كاليسي سونا

بارت 5

أصبحنا و أصبح الملك لله....فاقت تسنيم من نومها ... دوشات ... و لبسات ملابسها...سروال تجين ... مع تيشورت أبيض ...خاشياه فيه... و سبرديلة بيضاء... خلات شعرها على راحتو... و دارت لوجهها فقط... كريم واقي من الشمس ... رشات عطرها ... و هزات حقيبتها... و هبطات ... فطرات ... و خرجات متوجهة للكلية...
دقائق قليلة ...و كانت وصلات... دخلات ...كتمختر فمشيتها.... حتى لمحات عينيها... لؤي... واقف ... داير ليديه الجبيرة... و مدورينو صحابو من كل مكان... كيستفسرو ...ابتاسمات باستهزاء... و كملات طريقها... دخلات للونفي... و كلسات فمكانها... و بدات الحصة...
رن الجرس ... و خرجات... لقات السائق .. كيتسناها ... كيفما العادة... طلعات ... و توجهات السيارة لأقرب مطعم... بعد ما تغدات ... ضارت شوية... فأرجااء المدينة ... و رجعات للفيلا....
بدلات ملابسها... و هبطات ... كلسات كتفرج فالتلفاز... حتى دخلو أرسلان و جوهرة... سلمو عليها ... و طلعو ... دوشو ... و لبسو حوايجهوم.... و هبطو .. تجمعو على مائدة... الأكل... دارو كسكروط ... و كل واحد طلع لغرفتو... مخليين الخدم... كيجمعو...

على هاد الروتين ...داز الأسبوع... من الدار للكلية... و من الكلية للدار.... مرة مرة ... كتلاقا حيدر... و كيخرجو بجوج... يضورو...
و اليوم ...هو اليوم الموعود... كانو فالمطار ... كيتسناو موعد رحلتهم ... دازو من الاجرائات الأمنية الروتينية... و كلسو فغرفة الانتظار...

تسنيم : ( بضجر ) أووف ملييت

حيدر : ( جرها عندو معنقها ) أجي أجي نتفرجو شوية

تسنيم : اوكاي

جبد حيدر ... هاتفو ... دخل لنيتفليكس... و شعل فيلم five feet apart ... المفضل عندهم ...( قصتو رائعة... كتحدث على .. " ستيلا جرانت "...فتاة في السابعة عشر من عمرها... تلازم المستشفى طوال الوقت ...بسبب إصابتها بمرض التليف الكيسي... مما كيجعل حياتها مليئة بالقيود والروتين... وفي يوم من الأيام ... غتلتقي ب "ويل نيومان " ..المصاب هو اﻷخر بالتليف الكيسي... ورغم الانجداب ديالهوم لبعضهم البعض ...و وقوعهما في حب بعضهما... خصهوم ابقاو ...على مسافة آمنة)...و قال ...

حيدر : ( و عينيه على الهاتف ) فخبارك و حنا دبا كنتفرجو كاينين صحاب الحسنات كيصورو فينا

تسنيم : أو من بعد ياكما كنقتلو شي حد ، خليهوم يعومو فبحرهوم

حيدر : فخبارك حنا الكوبل لي فالصادرة ، و المشكل هو أن هدشي مامنو والو

تسنيم : وايييه الله يهديهوم و صافي

رجعو كيتفرجو ... غير مهتمين بلي طاري حداهوم...
وصل الموعد... و طلعو لطيارتهوم... شدو بلايصهوم ... في الدرجة الأولى ... و حلقات الطائرة ...في السماء... و الوجهة فرنسا...