ملاك :عمة اريد اسئل هالسؤال بس جنت اخاف محد يحجي وجدة من اجيبلها الموضوع تغيرة اريد تحجيلي عن امي ليش تركتني
سناء :حبيبتي امج جانت هواي زينه بس بسبب المشاكل وية ابوج متفاهمو وتطلقو بس هيه بقت كل هالمدة علمودج جانت تتحمل ومن تطلقو ابوج جان رايدج لان انتي بنته والمحكمه حكمة لامج لصغر سنج بس اهل امج اخذوج وجابوج وهمه راجعين من المحكمه وصلوج لهنا ما اريدج تنقهرين بس ما اريد تنخدعين الام مهما يكون تحب اطفالها وخصوصا انتي اول وحده الج معزة خاصة صدكيني وبعدين تزوجت وما ادري بالباقي
ملاك انقهرت بس ما بينت :شكرا عمة انج جاوبتيني
سناء :لا يكلبي هاي الحقيقة وتذكري الا عقوق الوالدين ديري بالج وصدكيني راح يجي يوم الي تفرحين بي وتنسين معاناتج يعمري
ملاك :ان شا الله
سناء :يلا حبيبتي اخذي راحتج راح اروح اشوف وسيم
ملاك :الله وياج
نزلت سناء راحت يم الزلم كعدت يم عباس
سناء بهمس:عباس اريد اطلع ملاك تفرح شوي خطية شكلت
عباس:ما عندي مانع يخيتي
سناء :اريد نروح لاربيل تنسى شوي
عباس :اخذيها وخلي خالد يروح وياكم
سناء :ماشي
سناء كالت لملاك وخالد ووسيم يروح وياهم
وسيم تضايق ما راح يشوف مريم بس احساس بداخلة فرحان انو ملاك راح تروح متعجب من هالمشاعر الي معرفها طول الطريق يفكر شنو هالمشاعر الغريبة باوع من المراية شافها نايمة شحلاتها ابتسم فجأة خالد وصوت طواطه (تزمير ) فر الستيرن وشحطت السيارة نجو من الحادث جان راحو بيها كعدت ملاك وسناء :وسيم وليدي بيك شي خالد بيكم شي
وسيم:لا الحمد لله عدت سلامات
خالد :لا الحمد لله نتبهت على اخر لحظه الحمد لله يربي
سناء تنهدت بارتياح :الف الحمد لله يربي
ملاك :الحمد لله على السلامة
وسيم يبوي على الصوت ابتسم :الله يسلمج
خالد :الحمد لله على سلامتج هم انتي
ابتسمت
ورجعت غفت
وصلوا بالسلامة الطريق من الانبار لاربيل ٨ ساعات تقريبا عن طريق البيجي
اجرو فندق هيلتون اجرو سويت ٢ وحده لسناء وملاك ووحده لخالد ووسيم حطو غراضهم ونامو وثاني يوم راحو للقلعة اربيل
شافو النافورات
ملاك ابتسمت حست بارتياح شحلات الهواء ونقاط خفيفة من النافورات تجي عليها شمت هوا شحلات الجو اجا خالد يمها :اوكفي خل اصورج ابتسمي ابتسمت وصورها
سناء :الاجواء ترد الروح وسيم تعال اخذلي صورة واخذلها تعاي ملوكة صوري اريد اغور البنات مثل ما جانو يغوروني من اجو شهر عسل ابتسمت ملاك ودحكت على وسيم سرحت بي وسيم صورهم ورجع اخذ صورة لملاك وحدها
بهاللحظه دكت مريم رفضها :امي شوي واجيكم ومشى شوي بعيد عنهم خابرها
:الو
مريم :الو ها وينك ليش مترد اكيد تخوني وية وحده ومتريدني اعرف انت الك فترة متغير مو وسيم الي اعرفة
وسيم انزعج :اول شي ما جا اخونج ثانيا اني بأربيل اليوم اجيت اضطريت امي رادت تجي واجيت وياها
مريم :اي واني اخر من يعلم
وسيم ضاج منها :حبيبتي امي تصيحني بعدين نحجي باي وسدة بوجهها بدون ميسمع ردها
أنت تقرأ
حياة البؤساء
Romanceطفلة تحب والدها لكن لا تعرف تركتها منذ ان كانت بعمر السادسة من عمرها ماذا سوف يحدث للطفلة التي كبرت ؟ رواية مكتملة
