حياة البؤساء

19 والاخيرة

وجوري متحمسة تعرف كعدت ميثم:ميثم حبيبي
ميثم كعد مخروع :شبيج يوجعج شي
جوري:لا اسم الله الحمد لله امشي نروح للمستشفى
ميثم:اوك بس ليش ما ارتاحيتي عدل
جوري :ما اريد اخلي املي وتخيب امالي بديت اخطط وارسم
ميثم حظن وجهها بجفوف ايده :لا اسم الله يلا نمشي
وراحو بس ميخليها تسرع بالمشي
وعلى كل شي يحاسبها
جوري:اوووف هاي وبعدنه ما متاكدين
ميثم:حتى ولو ترا انتي هم غالية وخايف عليج جوري خابرت لجين وكالتلها تحجز الها عند دكتورة نسائية ودكتورة قلب
وكالت لميثم انو حاجزين وراحو للمستشفى ودخلو يم الدكتورة وشافت بالسونار ابتسمت :الف مبروك انتي حامل
ميثم فرح :الحمد لله يارب وكمش ايد جوري يحسسها بالامان جوري:دكتورة شلون وضعه
د.:الحمد لله تمام بس لازم تنتبهين وانتي ضعيفة ومناعتج ضعيفة وبالحمل تضعف المناعه اكثر لازم تنتبهين على صحتج
ميثم:د. لازم نشوف وضعها يم ابوالقلب ونرجع الج تكتبين الها نظام صحي
د. :ان شا الله
وراحو يم ابو القلب :لا ما شا الله صحتج تمام واما عندج اي مشكلة اني كتلج اكو مشاكل ادري خوفتج بس مبين مهملة بصحتج وخفت تصير مشكلة كتلج اتبعي هالنظام بس الحمد لله كلشي تمام
جوري فرحانه الحمد لله تكدر تاكل اي شي تريدة :الف الحمد لله دكتور يعني مياثر على الحمل
الدكتور:لا ابد ما عندج مشكلة البقية يم الدكتورة مال نسائية ما اعرف بهاي السوالف ميثم فرح اكثر اللهم لك الحمد قبل الرضى ولك الحمد بعد الرضى ولك الحمد حتى ترضى
:شكرا دكتور
واخذ جوري راجعين للدكتورة النسائية تكتبلها نظام غذائي صحي
:جوري متتخيلين فرحتي اول شي انتي ما بيج شي جنت مقرر انطيج قلبي وعادي اموت
جوري ضربته ضربة خفيفة :اسم الله هاي شكبرك وراح يصير عدنه بيبي وتفاول على نفسك الله يحفظك النه حطت ايدها على بطنها
والله اني اسعد انسانه راح اصير ام وبنفس الوقت زوج يحبني ومفرحني الحمد لله الك يارب بعد طول الانتظار واخيرا فرحت يارب اديمها من افراح
ميثم:امين يارب جعلني ما انحرم منج
جوري ولا منك يا اعز من خلق ربي

ورجعو كالو لام لجين وطارت من الفرحه :الله يحفظكم كلكم وما يحرمني منكم الله يديم هالفرحه عليكم وجوري حبت تعرف امها وام لجين
هلا جوري شلونج
جوري :هلا ماما الحمد لله تمام
ام جوري لاحظت الفرحه على وجه جوري:فرحيني وياج
جوري:ماما ابشرج راح تصيرين جدة
ام جوري فرحت جانت تتمنى هاللحظه :الف الف مبروك ارجعو والله مشتاقتلكم
جوري :ان شا الله بس كالت الدكتورة ميصير هسه بعدني
ام جوري:الله يثبته ويجعلو من الصالحين
جوري :امين ماما تتذكرين من كتلج اكو ناس اهتمت بية
ام جوري :يي والله اريد اكلج اتسلميلي عليهم معروفهم ما ينسي
جوري ضحكت :ماما خالتي يمي انطيج اياها
ام جوري:يي والله انطيني
جوري فاتحه كامرة ونطته لام لجين :تفضلي يا خالتي
ام لجين :وشلونج يام جوري
ام جوري:والله الحمد لله انتي شلونج شخبارج
ام لجين :الحمد لله دامني بشوف عيال جوري
ام جوري:تسلمون على وقفتكم وياها ما قصرتو
ام لجين ما افتهمت جوري :تقولك تسلمون ما قصرتو معاها ووقفتوا ماعاها
ام لجين:بزعل منك والله انه بغلات لجين بنتي والله اني افضل جوري عليها
ام جوري:الله يحفظج لاعزازج وغواليج
ام لجين افتهمت :تسلمي ويحفظلك عيالك ويديمهم لك
ام جوري :تسلمين اترخص منج اريد جوري
ام لجين :هاك يجوجو
جوري:هلا ماما
ام جوري:شلون الجاهل ورحتي فحصتي
ونطتها نصايح ما اعرفها هههههههه

نرجع لملاك ملاك راحت لامها وبقت فترة عسى ولعل تنسى وسيم وراها رجعت وراها كلية طب ودرست ووصلت المرحلة الرابعه اكو واحد جان يحبها من اول كلية وشاف ما عدها خرابيط وكال خلاص اربع سنين تكفي وراح خطبها ووافقت لان شافته يحبها والمثل يكول اخذ الي يحبك لا تاخذ الي تحبة
وتزوجو وصار عدهم قمر وسلام

اما جوري عايشة فرحانه هيه مسامحه ابوها واجا اعتذر وكالتلة لازم ما تعتذر مهما سويت تبقى ابوية الله باجر راح يحاسبني على اعتذارك بس يبقى القلب يحمل تلك الجراح رغم محاولة الزمن بترميمها

وصار عدها يزن وجود وهسه حامل ب ماسة

صدكوني احيانا الحب موجود لكن لا يوجد استقرار
جوري حبته وحاولت ما تشوفة لكن حب ميثم الها قوي وهيه من شافته محجة الها قررت تعوفة لفترة متكدر تتخلى عنه

بالنسبة لمنى مكالت الها جوري بس اقترحت على امها تاخذها لحمد ومنى موافقة ونخطبو وحمد حب منى هواي
زينب اتزوجت واحد من معارف ابوها من اول ما دخلت للسادس وهمه يخطبون بيها

ملاك جانت خايفة من المستقبل وية وسيم والحمد لله الله عوضها

اما هدى اخ من هدى ههههه حوري اقترحت لام لجين تاخذها لابنها وقنعت هدى بالموافقة متاكدة من هدى تنسي جوري وعشيرتها
ولجين تزوجت والبيت طلع محروك والابن بالبيت ومحروك وروحه باقية وبما انو محد فاح الباب بقت روحه بي ومن ميثم فتحه للباب طلعت روحه وطلع من طلعو وميثم ما سد الباب الحمد لله

منار ورا ما انفسخت خطوبتها اكتشفت انو يريد يلعب عليها والانسان الي جان المفروض تتزوجه راح وحطت الوم مو على نفسها على جوري
ميثم سوا الهم عزيمه ورا مجابت يزن هيه الي سمته وسافرو لدبي لان راحو للسعودية ورايحه لتركيا

بالنسبة لنادية اتهمت فاطمه انو تحجي وية ولد وجانت ادك عليها من ارقام تولد عباس يصير ابن عمها ومن اتزوج فاطمة اتخبلت ومن البداية تحاول تفرقهم وما فاد بالاخير اتجهت للطريق الي اختارو مريم وامال وعباس من عرف طلكها وخالد تاركها ميروح الها بالسنه حسنه

منو اكثر شخصية عجبتكم ومنو كرهتو
حتى اذا الرواية ما نجحت المهم عندي قدمت شي وافكر الرواية هاي او اكتب غير رواية وانشرها على منتدى غرام ادري محد راح يتفاعل بس جنات

ما احلل ولا اسامح نقل الرواية بدون ذكر اسمي واخذ اذني اولا ثانيا اذا شفتوها على موقع او بيج او اي شي كولولي

مع تحياتي جوجو 💫