ارت 13
جوري
الخدم جهزوا الاكل وهيه سوت حلا خافت ما يضبط كالت للخدم يسون واذا ضبط تقدمها كلها
وما راحت للمدرسة ميثم وصاها متسوي شي لان تعبانه هيه صدك تعبانه بس احسن من البارحه خلصت الحلا وتمددت قبلها جهزت الهدوم والغراض الي تلبسها قبل لا يجون تاخذ شور وتلبس اتصل عليها ميثم على الارضي:الو
جوري:هلا ميثم شلونك
ميثم :زين الحمد لله تريكتي
جوري اويلي شلون اقنعه انو ما اتريك :يي
ميثم :صدك بس ما شفتج تريكتي
جوري فتحت عيونها :وين تشوفني وانت بالدوام
ميثم:ههههههه على فكرة البيت كله كامرات وجنت مراقبج شنو سويتي ما تريكتي ودخلتي المطبخ وهسه متمددة
جوري:اوووف وبعدين بعد جيب شي يحدد شنو راح اسوي اني ما احب اتريك الريوك الله خلقني ما اتريك شلون بالله
ميثم:واللفات الي جنتي تاكليها
جوري:اللفات وحد تعتبر غدا
ميثم:لا مو غدا وقت ريوك كومي اكلي اي شي واذا ما اكلتي ماكو تعليم سياقة
جوري:اريد ارتاح واصلا ما بقى شي وتجي عمتك ونكعد ناكل
ميثم:ليش بيش الساعه حسبالج تجي
جوري:يعني بالوحدة لو بالثنتين
ميثم :ب٣ يجون لا ن سيطرات مشددة
جوري:عادي اتحمل
ميثم :لا مو عادي واني هم راح اجي على جيتهم يعني من يخابروني اجي
جوري:لا تعال قبل ليش كل يوم تجي بنفس الوقت الي اجي واليوم لا
ميثم:يومية اعوف الدوام واجي اخذج تردين اعوفة
جوري:اووووف
ميثم:لا تتافافين وكومي اكلي حتى لو من الغدا
جوري:اوك وراها راح انام
ميثم:صدك انقلي غراضج المهمة على غرفتي عيب يجون وكل واحد بغرفة
جوري:خزانتك فارغه لو متروسة
ميثم:لا اني حولت هدومي بجهة وانتي بالجهة الثاني من تفوتين للغرفة تلكين باب يم باب الحمام افتحي هاي غرفة الملابس
جوري:اوك راح اكوم
ميثم:لا انتي علمي الخدامة انتي مريضة واكعدي تجيبلج الاكل
جوري:اي اومر ثانية
ميثم:لا نامي وارتاحي
جوري:اوك باي
ميثم باي
عاى الساعه ٢:٣٠ اجا ميثم
وطلع شافها نايمه
:جوري جوري
شكلها برئ وخصلات نازلة منها شعرها يخبل كستنائي وطويل وخر خصلاتها
جوري حبيبي جوري
بدت تفتح عيونها كمزت:اني وين
ميثم:ههههه بين انياب الشيطان
جوري:ميثممم
ميثم:شبيج فزيتي عبالك شايفة جني
جوري:مو متعودة احد يكعدني هييج
اختي تكعد البيت وياية وامي تصيح وتدفر وما اكعد
ميثم:واذا محد كعدج وردتي تكعدين
جوري:اوقت تلفوني ويكعد البيت وراها اكعد ههههههه
ميثم:هههههه ما شا الله راح اسبح وابدل وانتي هم كومي
جوري:اوك راحت لغرفتها وسبحت وبدلت ولبست المجوهرات قررت تسوي شعرها لو تدري امها ذبحتها جوري من العين من احد يشوف شعرها يحسدة مرتين يطول وشعرها ينقص جوا ركبتها قررت تسوي ناعم وتسحبه من الطرفين وتحطلة فيونكه وكذلتها عافتها
طلعت ميثم شافها طالعه تجنن الفستان بني من فوك بي تطريز ومن جوا تطريز اما الايادي تقريبا نص كم مثل المثلث صاير وحاطه ميك اب خفيف وعطر من si وية الشعر طالعه فد شي
:احممم خلصتي
جوري:يي حلوة
ميثم:بما انو انتي لابسته يي حلو
جوري:هههههه اول مرة احد يتغزل بية ما اعرف شنو ارد وصدك تعال ضوك الحلا وكول اذا طيب او لا
ميثم:اوك
جوري:مو تجامل
ميثم:اوك
جوري :ميثم سؤال
ميثم:جواب
جوري :عمتك عدها بنات وولد وشكد اعمارهم فشلة تجي وما اعرف شي
ميثم:يي عدها بنيتين منى
جوري تذكرت روئ اسمها الحقيقي منى شعلية الي نساني انساه
والثاني منار
جوري:حلوة اسمائهم
ميثم:يي وولد ثنين مصطفى وامين
جوري:اممم خوش واسم عمتك
ميثم:مرام
جوري:منسقين الاسامي ههههه على عكسنا احنه محمد جدو الي سمى وحمد بابا وزينب هم بابا واني بابا رايد يسميني ليلى بس ماما سمتني لان جان بابا بالجيش
ميثم:حلو ليلى
جوري:لا ما احبة همزين ما جان اسمي جوري احلى اسم قليل بالعراق شبه معدوم هههههه
ميثم:اممم يلا وصلنه انطيني اذوق
جوري :اوك اكعد انت وطلعت الحلا قسمت منة شوي وحطتة بماعون وجابت شوكتين وحده نطتها اله وحده الها اكل وهيه حاولت تشوف اخاف مو طيبة من وجهة اذا جان عابس
ميثم:اممم طيب والله
جوري:احلف
ميثم:والله ذوقي وشوفي وبشوكته شال وانطاها
جوري اول مرة تاكل من شي لاحد مثل الشوكة :
واكلتها :احممم يي طيبة
ميثم:خليها احنه ناكلها وحطيلهم مال خدم
جوري:اوك بس مو هسه ناكل عيب همه جايين ونطلع شبعانين
ميثم:اوك وجا اتصال :هلا امين
امين:هلا ميثمترا يم الباب
ميثم:هلا بيكم اجيت وسد التلفون
لا تطلعين اودي للصالة الثانية واخلي اهله بهاي الصالة واني اصيحلج تجين
جوري:اوك
ميثم:تكدرين تلمين شعرج
جوري:اوك وراح وخرت الفيونكه وسوت شعرها كبة وكذلتها خلتها والخدم جهزوا الاكل وحطو بصالة الطعام اكو حاجز يكدر ينحط بين ااصالة مال طعام وتنقسم نصين
اجا ميثم صاح لجوري تطلع وسلمت على البنات حست على وحدة تنظر بنظرات ما عرفتها صاحهم ميثم يجون لصالة الطعام لان دخل الولد وسد الستارة واجو كعدوا النسوان العمة تسالها شلونها ومنين واذا عرفته قبل الزواج:ليش زواجكم صار بسرعه
انخنك ميثم:مي مي
جوري:اسم الله تمنت يمة واطبطب علي
نطاه مصطفى وشرب
مرام:اسم الله شبيك وليدي
ميثم:الحمد لله راحت نخنكت شوي
مرام:الحمد لله ورجعو ياكلون ما عدا ٣ يجاملو وكوة ياكلون جوري اااخ يابوي شفت وسن موصلني استحي اكول متزوجه ويسالوني ليش بهاي السرعه
ميثم يدري الجوري مجروحه من الذكريات بس لازم تاكل شلون والموجودين دزلها الخدامة تنطيها ورقه كاتب بيها: ماكو اكل ماكو سياقة
جوري ابتسمت على اهتمامة بيها
وبدت تاكل خلاص الذكريات ما راح تنفعني شافها بالكامرة بنات عمتهة ميتغطون مو محجبات اصلا هو ما راح يباوع عليهم
يم ملاك
شكرا يارب على كل شي امي اجتي وحظرت خطوبتي ومن الشخص الي دك كلبي الة
اتفاجات رقم غريب
خليته يخلص عفنه جنت اراسل صديقتي
اجتني رسالة افتحي اني وسيم
دك مرة الخ فتحته اجاها صوته :الووو
ملاك كلبي يدك يدك يدك وسيم:على الاقل سمعيني صوتج الحلو
ملاك:احممم هلاو
وسيم:هلا بيج يكلبي شلونج
ملاك :وبيك الحمد لله انت شلونك
وسيم:بخير من شفتج
ملاك:عساك دوم
وسيم:دوم اشوفج لو دوم بخير
ملاك ما تعرف شنو ترد وسدته
وسيم:فديت الي تخجل
ملاك ضلت تفكر بوسيم وبحياتها الي راح تجي
يا ترى مريم وامال خلاص عافو وسيم ؟
وجوري منو هاي الي تباوعلها بنظرات مو مفهومة ؟
جوجو💫
أنت تقرأ
حياة البؤساء
Romanceطفلة تحب والدها لكن لا تعرف تركتها منذ ان كانت بعمر السادسة من عمرها ماذا سوف يحدث للطفلة التي كبرت ؟ رواية مكتملة
