"قَلّبها طِفّلٍ
وعَقلها رجلٍ
وجَسدها انثى تلك
اصعبُ النساء!!! ""
🌸🌸🌸🌸🌸🌸🌸🌸🌸🌸
دخلت الى المستشفى ،،لتجلس على احد المقاعد التي كانت توضع على قاعة الانتظار ،،لم يمر وقت طويل الى ان نادت الممرضة على الاسمها ،،،وقفت وتوجهت نحو غرفة الطبيب ،،،ما ان دخلت حتى استقبلها بإبتسامة وهو يرحب بها ويضيفها ببعض المشروبات ،،،
الطبيب:Non so come ti chiami ancora ؟؟؟( انني لم اعلم اسمك حتى الان )
ابتسمت وقالت:Nazli😊
الطبيب:Umm, sei turco, allora questo nome è un po 'turco(اممم هل انتي تركية فهذا الاسم تركي بعض الشيء صحيح؟؟؟)
نازلي :Mia madre ha la cittadinanza turca, ma io sono sudanese(والدتي تركية الجنسية ولكنني سودانية )😊😊😊
الطبيب:هه انتي سودانية ؟؟؟؟؟
نازلي :اي
االطبيب:ونحن من الصباح شغالين نتكلم ايطالي 😐🙂💔،على كلٍ اسمي وائل 😀
نازلي :تشرفنا دكتور وائل
د.وائل :امممم طيب كيف حالك
نازلي :الحمدالله بخير
د.وائل :طيب كلمني عن نفسك شوية ،يعني بتشتغلي شنو مثلا ؟؟
اتنهدت وقالت :درستا ادارة اعمال وهسي عندي شركة حقت تصميم ازياء ،عمري 26 ،وحيدة ،بس تاني ما عندي حاجة اقولها
د.وائل بإستغراب :ما فهمت ،وحيدة كيف ؟؟؟
نازلي :ماما وبابا واخوي اتوفوا بحادث
د.وائل:اهاا ربنا يرحمهم
نازلي :اللهم امين
د.وائل :طيب ،امممم لم فكرتي انو تجي هنا المرة الاولى كنتي جاية ليه؟؟؟
نازلي:كل الحكاية كنت مضايقة وعايزة افضفض و احكي ،وبحكم اني ما لقيت زول جيت هنا
فضلو الاتنين ساكتين خمسة دقايق
عاينت ليهو بإستغرا ب يعني مالك ساكت ما تسألني
وهو فهم نظراتها :منو الي جاي يتكلم ،،انا منتظرك على فكرة 😊😊
نازلي :انا ما عندي مرض ولا شي بس عايزة احكي وخلاص
د.وائل:بس انا ما قلت انو انتي مريضة ،،وعارف انو جاية تفضفضي ما اكتر
اتنهدت :طيب ..انا اسمي نازلي محمد ،بابا كان عندو شركات برة وجوة السودان ،ماما تركية واسمها هازال وهي الي سمتني على أمها ...واخوي لؤي اكبر مني 5 سنين ....كل القصة حصلت قبل عشرة سنوات ،،،كنت اتخرجت من المدرسة ،،،اتفقتا مع صاحباتي انو نمشي المول مع بعض بالمناسبة دي ،،،مشيت وكلمتا بابا وماما وطبعا وافقو على طول ،،(ضحكت و واصلت كلامها )بقيت في هَم كيف اقول لي لؤي اخوي لانو عارفاهو ما حيوافق بسهولة ،،،مشيت لي ماما عشان تقنعو وفعلا مشت واتكلمت معاو و وافق ،،فرحت ومشيت عشان اجهز للطلعة ،،،بعد خلصتا ونزلت تحت لقيت ماما بتبكي وبابا منزل راسو لي تحت لما سألتهم مالم قالو لي واحد صاحب بابا ومرتو ماتو و ماما كانت بتعرفهم،،،مشو ولبسو وجو نازلين عشان يمشو يعزو ،،،بابا ما كان قادر يسوق اساسا من البكي ،،ف اكيد لؤي الي حيوصلهم ،،،بابا قال يوصلوني في طريقهم للمول وهم يمشو للعزاء ،،فعلا ركبت معاهم وطول الطريق هم ببيكو لغاية ما وصلنا المول ونزلت ،،،لقيت صحباتي واقفين لي برة مشيت و وقفت معاهم دقيقتين ما تمو الا وسمعتا صوت تفحيط وضربة قوية ،،،كان الصوت عالي شديد ،،مشينا قدام شوية الناس كانت متجمعة ما قدرنا نشوف حاجة الا بعد شوية اشوف انو السيارة سيارة منو ؟؟سيارة اخوي لؤي ،،،السيارة كانت حالتها صعبة شديد وحتة سليمة فيها مافي ،،،دخلتا في النص وشفت ماما وبابا ولؤي الناس كلها كانت بتقول مستحيل يعيشو ،،،وانا طبعا كنت واقفة بس لا قادرة ارجع ورا ولا قادرة امشي ليهم لغاية ما جات الاسعاف وشالوهم،،،وانا لسة في وقفتي ،،،لغاية ما وحدة من صحباتي ضربت لي ابوها وجانا ووداني المستشفى لما وصلتا وبقينا نسأل في الرسبشن عنهم ،،،لكن لما وصلناهم لقينا بابا ولؤي اتوفو وبعد ساعتين ماما لحقتهم ،،،كلهم ماتو وخلوني ،،،يعني مشو عشان يعزو الناس بقت تعزي عليهم ،،،ايام العزاء كلها ما نزلت مني دمعة وحدة ونظري في اتجاه واحد لغاية ما ..ما متذكرة منو بس اداني كف فوقني من الصدمة بقيت ابكي واصرخ .....
انتهت ايام العزاء ،،،كان عندي عم واحد بس ،،،ما كنا قريبين من بعض يعني بس في المناسبات ممكن نتقابل ،،،وداني معاهو بيتو وقعدني معاهم كان عندو بتين بس ،،،كانو كلهم بعاملوني عأساس خدامة ،،،،كرهتهم شدييد ،،كنت عايزة امشي منهم بأي طريقة ما عايزة اقعد معاهم،،،قعدت معاهم 3شهور ،،،وطبعا شركات بابا انهارت وحتى كان عرفنا انو في شركة تانية سرقت التصميمات حقتنا ،،،لغاية ما الشركة افلست والبنك حجز بيتنا ،،،كدة بقى ما عندي اي امل على انو اهرب ،،،،عمي بعد ما الشركة افلست كان عايز يتخلص مني بأي طريقة ،،في الاول كان مقعدني عندو لانو مستفيد من قروش الشركة بس بعد ما افلست مشا وعقد لي على واحد يعني ختاني امام الامر الواقع ما فكر حتى يسألني ،،مستوعب انو الوقت داك كان عمري 16 سنة ،،
د.وائل :طيب ما فكرتي انو تهربي؟؟؟
نازلي:حتى لو هربتا كنت حأمشي وين
د.وائل:يعني مثلا اهل امك او حتى يعني من اهل ابوك غير عمك
نازلي:ماما وبابا كانو بيقرو في نفس الجامعة في بريطانيا وحبو بعض ولما خلصو السنة القبل الاخيرة ليهم في الجامعة سافرو تركيا لي اهل ماما بس هما ما وافقو ،،كيف يعني واحد من برة يتزوج بتهم لا طبعا ،،،جاهم مرة واتنين وتلاتة بس هم كان جوابهم الرفض،،بعدها سافرو بريطانيا تاني عشان يكملو اخر سنة ليهم وبعد خلصوها سافرو السودان عسى اهل بابا يوقفو معاهم بس للاسف لأ عارضو ،،بالذات جدو رفض لانو في الوقت داك كان البت لي ولد عمها فكان عايز وحدة من بنات اخوانو لي بابا ،،،بس ماما وبابا كان حبهم اكبر من كدة ومشو اتزوجو وختو اهاليهم امام الامر الواقع عاشو مع بعض سنة وبعدين سافرو تركيا لي اهل ماما بس هم كانو زعلانين منها وطردوها من البيت وفي نفس الوقت حبوبة ام بابا ماتت وبعدها بكم شهر جدو برضو لحقها ،،،وعمي للسبب دة بكره بابا خاتيهو سبب لي موت جدو وحبوبة ...
قاطعهم صوت رنين التلفون حق نازلي ..ردت على المكالمة
إيفا:ماما اتأخرتي ليه جعته انا😣😣😑
نازلي:طيب تمام ،هسة بجي ما بطول
إيفا :كل مرة بتقولي كدة وبتجي بعد سنة🙂💔💔✋
ضحكت وقالت ليها :قلت ليك ما بطول نص ساعة بالكتير وبجي🤗🤗
إيفا:I hope you'll come in half an hour.
نازلي:لا حأجي في نص ساعة وحتشوفي
إيفا :I challenge
نازلي:اوك بااي
إيفا :بااي
قفلت تلفونها ولفت على جهة دكتور وائل ..
نازلي:معليش يا دكتور وائل بس لازم امشي 😊😊🤗
د.وائل:ما مشكلة نكمل مرة تانية ،هاك دة كرتي كل ما تكوني عايزة تجي اضربي لي
ضحكت ومدت يدها عشان تشيلو :مع انو عندي ليهو لما اتصلت علي امبارح لكن ما مشكلة
د.وائل ضحك بدون ما يقول حاجة
نازلي :على فكرة برضو ما عرفتا جبتا رقمي من وين
د.وائل:لما شفتك طلعتي طوالي عرفتك اتراجعتي ،فمشيت عشان الحقك لكن لقيت الكرت حقك واقع قدام مكتبي
نازلي:اها ،لاني دايما بخلي في جيب الشنطة بي برة عشان كدة ،،طيب مع السلامة
د.وائل :مع السلامة
%%%%%%%%%
المرأة لغز مفتاحه كلمة واحدة هي الحب❤❤.
يتبع......
