كبرنا وعرفنا العترة ما بتصلح المشي،،،بس العترة عكازة السنين
تسند بيها نفسك 💖حلمك 💖وامنياتك،،في العترة دي احتمال تلقى حلم كان وقع منك زمان
وقنعت منو وهسة شفتو في عترتك دي
العترة ..
لوية رجل ،،تنية ضهر،، وعدال مشاويرك كمان
العترة امكن فيها خير ، او فيها ريد ، او فيها ليك ابواب فرح..
يااخ ما عليك ،المهم العترة مفتاح لي هناك،،والعترة بتصلح مشي
مش احتمال انو الظروف ،، الخلتك تفرش الايام حزن،، تصبح سبب في بهجتك
مش احتمال☝ ..
انو الشدائد والمحن ،، كانت طريق لي قوتك ،ما احتمال؟؟!
فعلا.. اكيد العترة عدلت مشيتك👌
___________🌸🌸
قعدنا عند د.وائل واتونسنا معاهو وايفا انبسطت ولما جينا نمشي نزل معانا ودخل السوبرماركت واشترى لي ايفا شبسات وشكولاتات ،،،ركبنا السيارة ،،كنت عايزة امشي لشركة فهد ،،
قلت لي ايفا :اوديك البيت يا ايفا لانو انا ماشة الشركة
ايفا :لااااا ماما Let me go with you
قلت ليها :بس يا ماما حتتعبي وانا حطول
ايفا :ما مشكلة عادي عادي بمشي معاك
قلت ليها :طيب تمام،،،،مشينا على شركة فهد على طول ،،،،لما وصنا ودخلنا على الشركة لقيت كالعادة المساعدة حقتو لمار واقفة منتظراني ،،،مشينا على مكتب فهد،،، اول ما دخلنا لقيت فارس برضو قاعد معاو ،، سلمت عليهم وفهد شال ايفا وسلم عليها برضو ،،
فارس قال لي :دي منو العسل دي
ضحكت وقلت ليهو :دي بنتي ايفا
قال لي :بلاي ياها دي ايفا ،،،ومشا شالها وبقا يلعب معاها ،،،،قعدت في الكرسي المقابل لي فارس الي كان شايل ايفا وهي بتضحك معاهو..
_________
دخلت بإطلالتها التي اعتاد عليها الموظفين ،،بالطبع اطلالة راقية ،،وبخطوات واثقة اقتربت من المصعد ،،صعدت الي الطابق الذي يتواجد فيه مكتب المدير ،،، كل من يمر بجانبها يلقي عليها السلام وهي كذلك بإبتسامة واسعة ،،، ما ان وصلت الى المكتب حتى طرقته وتفضلت بالدخول ،،،
فارس :وانا اقول الشركة منورة ليه😍
ضحكت وهي بتقفل في الباب،،بعديها جاتو وسلمت عليهو وبعدها مشت لي فهد وحضنتو:اشتقت ليك عديل بقيت ما بتجي البيت كتير
حاوطها بيدينو وحضنها وضحك :امم الشغل كتر
لفت على ايفا الكانت واقفة جمب فهد وقالت ليهم :يااا دي منو الكيوت دي😍
فهد ابتسم وقال ليها :دي بنتها لي نازلي الكان كلمتك انو متعاقدين معاهم لي المجموعة الصيفية الجاية
لفت علي وسلمت علي بحرارة وقالت :انتي نازلي ،صغيييييرة ،اتخيلتك اكبر من كدة ،انا هيلدا امو لفهد
مديت يدي عشان اسلم وقالت ليها :اتشرفنا
هيلدا :الشرف لي حبيبة ،،قعدت وهي شايلا ايفا وبتلعب فيها :كملو شغلكم وانا بقعد مع العسل دي
فهد :طيب ارح غرفة الاجتماع احسن ،،قامو هو وفارس ومشو على جهة الباب
انا عاينت ليهم ،لي ايفا وامو لفهد
قالت لي :ما تخافي بقعد معاها لغاية ما تخلصو ،امشي
قلت ليها :تمام ،تسلمي
قالت لي :عادي والله ،،،مشيت على الباب وطلعت ومشيت بعديها على غرفة الاجتماع ،،لقيتهم كلهم قاعدين ،،قعدت في مكاني البقعد فيهو كل اجتماع ،،فضلنا نتكلم عن السفرة الحتكون بعد شهر عشان عرض الازياء وبنخطط ليهو ،،،قعدنا مدة ساعتين ونحن بنتكلم ،،لغاية ما خلص الاجتماع ،،،فهد كان بيتكلم مع الموظفين اما انا و فارس رجعنا للمكتب تاني ،، لقينا المكتب مقلوب فوق تحت وهيلدا ام فهد وايفا بيجرو ،،،اول ما شافونا بقو يضحكو ،،،جا فارس وقال ليهم :اللييييييلة ووب فهد ببهدلكم ،،،قبل ما يتم كلامو جا فهد وفتح الباب وانصدم ..
جات امو وقالت ليهو :sooooorry😁🙏🙏
وجات وراها ايفا وعملت زي ما بتعمل هيلدا :sorry🙏😢
ضحك وشالها :ما مشكلة يا عسل
هيلدا وهي بنفس وضعيتها :طيب انا واقفة برضو على فكرة😒🙂💔✋
ضحك وقال ليها :هي طفلة انتي شنو
هيلدا :كنت بلعبها🙄😐😅المهم (اتنهدت وعاينت لي ) بنتك عسل على فكرة
قلت ليها :تسلمي 🥰❤
مشت على فهد شالتها منو :لازم يوم تجينا في البيت انتي والقمر دة
يتبع.....
