أريد أن أخبرك في هذا الوقت أني أفكر بك أشتاق لكَ لن أنكر والأهم من ذلك أريد أن أخبرك أني أحبك جداً❤❤
❤❤
::::::::::::::::::::::::::::::::::::::::::::
بعد يومين والي هو يوم ميلاد ايفا ...
مشيت الشركة بعد ما ايفا مشت المدرسة ،،اول ما وصلت مكتبي اتصلت على مشرفة ايفا وقلت ليها انو الليلة ما تخليها تمشي بالباص وانو انا الحاجيبها او حرسل حد يجيبها ،،، قفلت منها وكملت شغلي ،،،
:::::::::::::::::::::::::::::::::::::::::::
كان في محل هدايا وهو محتار يختار شنو ،، اتذكر لما دخل غرفتها عشان كانت نايمة ،،، كانت كلها دباديب وباربي ،،، يعني ما حيجيب وحدة من ديل ،،، فجأة رفع راسو وطلع من المحل ،، واتوجه على المكتبة اتذكر انو على كان بيلقاها بترسم فإستنتج انو بتحب الرسم ،،،اشترى اسكيتش والوان واقلام رسم ورصاص ،،،بعدها طلع من المحل ومشا اشترى دبدوب باندا ،،، وهو طالع لفتو لعبة البلور دي ،، كان شكلها حلو
شالها ومشى اشتراها برضو ومشا بعدها واشترى صناديق هدايا وختا كل الحاجات دي في الصناديق
بعد خلص مشا على شركتو ..
:::::::::::::::::::::::::::::::::::::::::::::::::::::::
كنت قاعدة وبشتغل ،، عشان الحق اطلع بدري ،،، قاطعني صوت الباب
انا :اتفضل
جات داخلة خالتو هيلدا ،،، قمت من مكاني ومشيت حضنتها وسلمت عليها ،، وبعديها قعدنا
خالتو هيلدا :ما عرفت اجيب شنو هدية لي ايفا
قلت ليها وانا بقوم وبقعد في حضنها :انتي براك لو جيتي هدية
ضحكت وقالت لي :طيب بتحب شنو
قلت ليها ا:امممممم بتحب شنو بتحب شنو ،بتحب ترسم بتحب تلبس ووكدة عاملة نفسها موديل يعني 😂😂وووو ،مافي شي محدد بتحب اي شي
خالتو هيلدا :طيب تماام ،انتي مجهزة كل حاجة ولا في شي ناقص
قلت ليها :كل شي جاهز من يومين حتى الجاتوه حجزتو
خالتو هيلدا:كويس ،،،،قعدت معاي وبقت تتونس وتحكي ،،، لغاية ما جا موعد طلوع ايفا من المدرسة ..
قلت ليها :بعد كدة مفروض نمشي نجيب ايفا من المدرسة وحأخليها معاك مساافة اجهز البيت
خالتو هيلدا :ما مشكلة حبيبتي
قلت ليها :طيب ارح نجيبها ،،،، طلعنا و ركبنا السيارة ومشينا على المدرسة ،،قلت لي خالتو هيلدا :انتي خليك وانا بمشي اجيبها
خالتو هيلدا :تمام منتظراك
مشيت ودخلتا على المدرسة ،، لاقيت المشرفة
(هم بيتكلمو ايطالي بس انا حأكتبو عربي على طول )
انا :اهلين
المشرفة :يا هلا
انا :جيت عشان اخد ايفا معاي ،ناديها لي لو سمحتي
المشرفة :كيف؟؟
انا :جيت عشان اخد ايفا ،ناديها
المشرفة :بس ايفا ما هنا
انا :كيف يعني ما هنا ؟؟؟؟
المشرفة :صح انتي رسلتي واحد يجي ياخدها
انا : انا ما رسلت زول
المشرفة :ما عارفة والله بس هسة قبل نص ساعة تقريبا جا واحد اخدها معاهو
انا :وانت كيف تخليها تمشي معاهو كدة ؟؟؟؟؟
المشرفة :انتي لما اتصلتي قلتي حترسلي زول ،فأنا اتخيلت انو انتي المرسلاهو
عاينت ليها وانا ما قادرة اصدق دة منو الجا اخدها دة ،،،،جات خالتو هيلدا وهي بتقول :مالك اتأخرتي كدة ،وينها ايفا لسة ما جات ،(عاينت لي ) مالك انتي كويسة
اانا :خالتو هيلدا
خالتو هيلدا :في شنو مالك
انا :ايفا ما هنا
خالتو هيلدا :كيف يعني ما هنا حتكون وين يعني ؟؟؟؟؟؟
انا :المشرفة حقتها قالت انو في حد جا واخدها
خالتو هيلدا:كييف يعني الكلام دة ؟؟؟ انتي رسلتي زول
انا :لا ما رسلت حد والله
خالتو هيلدا :طيب دة منو ؟؟؟؟
انا :ما عارفة ما عارفة
خالتو هيلدا :ط طيب تعالي تعالي اقعدي هنا ،،،، قعدتني في الكرسي وهي بتهدي فيني
بقيت ابكي وبشهق :خالتو ح حتكون وين ي يعني م ما بتعرف زول ه هي ،، م منو ج جا اخدها
خالتو هيلدا : اهدي اهدي حبيبتي حنلقاها ،،،دقيقة اتصل لي فهد
اتصلت على فهد وقالت ليهو الحصل وهو قال ليها انو جاي
بقيت ابكي اكتر وكل شوية بزيد : جيبوها لي يا خالتو جيبوها عليكم الله انا ما عندي غيرها في الدنيا عليكم الله جيبوها لي ،،، لغاية ما فهد جا اول ما شافنا جا علينا ،،، قال لي خالتو هيلدا :وينها المشرفة دي
خالتو هيلدا :مشت تجيب موية لي نازلي
جا علي ومسكني من يدي :ما تخافي يا نازلي بنلقاها والله
انا :انا ما عندي غيرها ياااخ جيبوها لي عليكم الله
فهد :اهدي انتي وما تخافي بنلقاها انشاءالله ،،،،هسة انتو امشو البيت وانا بحل الموضوع
انا :لأ ما ماشة الا اشوفها ما بمشي ما بمشي
فهد :نازلي انتي غير بتضيعي وقت ما بتعملي حاجة وانا قلت ليك بحل الموضوع و بلاقيها انشاءالله
انا :م ما ب بمشي ،،وشوية شوية بقيت ما شايفة قدامي وجيت واقعة ...
:::::::::::::::::::::::::::::::::::::::
يتبع.....
