الحُب لغيرِكَ حرام❤، والبسمة لغيرِك إجرام❤، كَتبت أبيات الغرام وحُبَكَ فيها وسام❤
::::::::::::::::::::::::::::::::::::::::::::::::::::::::::::::
بعد الحصل دة عملنا عيد ميلاد صغير كدةلي ايفا عشان تنسى الحصل ،،والهدايا الكان جبناها اديناها ليها ،،، اما فهد فهو لغاية هسة ما مصدق الكذبة الكذبتها ،،صراحة حتى انا الكذبة ما قادرة اصدقها ما عارفة كيف خالتو هيندا صدقتني ، مرو اسبوعين ومافي شي يذكر غير انو بقيت انا ال بوّدي وبجيب ايفا من المدرسة ،،و الرسايل لسة بتجيني..
كان فاضل بس اسبوع لعرض الازياء ،،،بقينا مشغولين فيهو ،، وبنجهز ليهو ،، وبعد بكرة حنسافر فرنسا ،،، السفرة جات في وقت غلط ما كنت عايزة ابعد من ايفا كنت خايفة عليها ،، بس لازم كنت امشي ،،لانو هناك حنفذ خطتي ..
.
.
.
.
.
Italian Airlines annuncia che effettuerà il suo volo per la Francia, per favore tutti i passeggeri diretti al gate n. 6
(تعلن الخطوط الايطالية عن قيام رحلتها المتوجهة الى فرنسا ،الرجاء من جميع الركاب التوجه الى البوابة رقم 6)
قمنا انا وفهد وفارس وكم موظف من شركتي وشركتو ،،طلعنا وركبنا على الطيارة ،،، كنت قاعدة على الشباك وجمبي مساعدتي ومساعدة فهد ،،، مساعدة فهد كانت سودانية ،،بس مساعدتي انا امريكية ،،، المسافة من ميلانو وفرنسا ما كتير ساعة او ساعة ونص ،، الطيارة بدت تهبط ،،لغاية ما وقفت وقوف كلي والركاب بدو ينزلو ،،، نزلنا كلنا ..
وصلنا الفندق الحننزل فيهو كاان عااااالي وكبيير ..
دخلنا وكل واحد دخل غرفتو ودخل حاجاتو وبعدها طلعنا انا وفهد ومشينا نشيك على صالة عرض الازياء لانو ما كان عندنا وقت ،،العرض بعد بكرة،،، ركبنا السيارة و مشينا على الصالة ،، دخلنا ولقينا المدير قاعد جوة ،،سلم علينا ورحب فينا ،،، بقينا نشوف فيها كانت كبييييرة وضخمة ،،، كانت ممتازة ولايقة مع الحدث ،،،، وقعنا العقد ،،، وبعدها طلعنا وركبنا السيارة واتحركنا ..
كنت بعاين في الشباك بعدين عاينت لي فهد وسرحت فيهو
ابتسم بدون ما يعاين لي وقال :في حاجة
فوقتا وبقيت اتمتم:اااا لا كنت عايزة اقول ليك انو الصالة حلوة وكبيييييرة يعني
قال لي :اممم فعلا حلوة
رجعت اعاين في الشباك ،،،لغاية ما وصلنا ،،، دخلنا غرفنا ،،،انا بعد دخلت غرفتي بقيت اعاين فيها ،،،كانت حلوة وانيقة وجمييلة الوانها هادية وفيها بلكونة ،،، دخلت الحمام واخدت شاور وطلعت صليت وبعدها قعدت في السرير وانا بفك في شعري كنت مصدعة ،، رقدت وشوية شوية نمت ..
