سبحان الله و بحمده عدد
خلقه ، و رضا نفسه ، و زنة
عرشه و مداد كلماته.
______
بتمنى نفتح بيت حلال❤
يتجمعو الناس في العرس يلقونا عرسان في الفرح..❤
مربوطة فيك خرزة وهلال..❤
ملفوحة بتوب من حنين مبسوطة
بيك حد الخيال..❤
تغلبني بالبيت الكتير وانا ابقى
بيك مالياك عيال..❤
_________
اليوم دة نمت كتييييير لدرجة اني فوت علي صلاة الفجر ،،،قمت مخلوعة ،،لقيت الساعة 10صباحا،،مشيت بسرعة على الحمام اتسوكت واتوضيت ومشيت عشان اصلي ،،،صليت واستغفرت كتييير ودعيت ربنا يسامحني ،لاني بجد ما متوعودة اني ما اصلي الفجر في وقتو ،دايما بصليهو حاضر❤،،،قمتا ومشيت اخدته لي شاور ولبست ملابس الشغل وطلعتا مشيت لي غرفة ايفا لقيتها هي وانجيلا قاعدين مع بعض وبيحضرو في التلفزيون❤ابتسمت وصبحت عليهم ،،،واطمنت على ايفا ،،،وبعد يوم امبارح كانت نفسياتها فوووووق ،،،ودعتهم وشلت قهوتي ،،وطلعت برة بقيت اشربها في الطريق ،،،،،تلفوني اتصل فتحت شنطتي وانا بعاين قدامي ومرة مرة بعاين للشنطة لغاية ما لقيتو وشلت طلع دة فهد ،،،،رديت عليهو
قلت ليهو :الو
فهد :الو ،اهلين
قلت ليهو :يا هلا ،كيفك
فهد :الحمدالله بخير ،اها إيفا انشاءالله كويسة واتحسنت
قلت ليهو :أي الحمدالله اتحسنت شدييييد
فهد :الحمدالله ،معليش امبارح ما اتصلتا كنت مشغول شوية
قلت ليهو :لالا ما مشكلة
فهد :طيب مع السلامة لي بكرة
قلت ليهو :مع السلامة ،،،،،وقفلنا
عامل فيها زووق يعني ،،،وهو بصفتو منو زاتو يتصل قال معليش ما قدرتا اتصل عشان مشغول قال ،،،ما منتظراهو أساسا اتصالك دة ،،،،،،المهم وصلتا الشركة ودخلت وكل الموظفين بيسألوني من الحصل اول امبارح لاني كنت ببكي وكدة ،،،،حكيت ليهم الحصل بإختصار كدة ودخلت مكتبي على طول وبديت اشتغل ،لانو بدأ يتراكم علي ...حاولت على قدر ما اقدر انو اخلصو بسرعة عشان ارجع بدري لي ايفا،،،طلبت لي قهوة لاني صدعت ،،،بعدها بشوية كدة جاتني المساعدة حقتي
المساعدة :Mrs. Nazli, there's someone waiting for you outside(مس نازلي في واحد برة عايزك ومنتظر برة )
استغربت منو البجيني :Okay, get in(طيب دخليهو )،،،،بعد شوية كدة جا داخل د.وائل وهو بقول لي :Surprise🎉🎉
انصدمت الصراحة ما كنت متوقعة منو يجيني في الشركة ،،بس ابتسمت ليهو وقمت سلمت عليهو ورحبت بيهو ،،،فضلتو واتصلت على مساعدتي تجيب قهوة لي د.وائل ،،،،،اتكلمنا كتييير وحكييت ليهو بالحصل لي ايفا
قال لي :ياااخ سلامتها وما تشوف شر
قلت ليهو :تسلم شدييد يااخ
قال لي :شوقتيني اشوف ايفا دي
قلت ليهو :يوم بسوقها معاي وبنجيك في المستشفى
قال لي :خلاص تمام يا زولة اتفقنا👍
قلت ليهو :عرفت مكان الشركة من وين
قال لي :البسأل ما بتوه
قلت ليهو :يعني انا ما سلمت من تفشيلات فهد لي تجيني انت🙂😐💔✋
ضحك وبس من دون ما يقول لي حاجة،،،،قعد معاي كتير واتونسنا كتتتيييييييير برضو وبعدها مشا بعد ما وعدتو انو اجيهو يوم انا وايفا في المستشفى ،،،ودعتو و نزلت معاهو لغاية تحت بعدها انا طلعت فوق مكتبي تاني و واصلت شغلي،،قعدت تاني ساعتين ومرقت من الشركة ومشيت ركبت سيارتي ،،مشيت المخبز واشتريت لي جاتوه و كرواسون وحاجات زي كدة و رجعت البيت على طول ،،،،،لما وصلت ودخلت البيت لقيتهم بيلعبو هي وانجيلا ،،سلمت عليهم و مشيت غرفتي وشلت لي بجامة ودخلت الحمام اخدت شاور واتوضيت وطلعت صليت وبعديها نزلت تحت و وديت ليهم من الحاجات الجبتها معاي وبقينا ناكل منها لغاية ما شبعنا وبقينا مرة نلعب ومرة نحضر ومرة نرسم ،،،، بقيت اشوف اتنين اتنين من النعس واساسا هم برضو كانو نعسانين مشينا على طول دخلنا غرفنا ونمنا ،،،بعد ما ظبت المنبه طبعا ..
.
.
.
.
.
.
اليوم التاني الصباح بعد صليت واخدت شاور لبست ملابسي حقت الشغل وطلعت مشيت صبحت على ايفا و خليتها تلبس عشان تمشي معاي لي د.وائل ،،،بعد لبست نزلنا تحت فطرنا ،،وطلعنا لقيت سيارتي برة ،،طبعا رسلت السواق يجيبها لي لاني خليتها في الشركة حقتي ،،،ركبنا ومشينا على المستشفى ..
ايفا :ماما حنمشي المستشفى تاني ،ما عاوزة ما عاوزة بقيت كويسة
ضحكت عليها وقلت ليها :لالا حنمشي المستشفى عشان هناك عندي صحبي عايز يشوفك
ايفا :دة منو ؟؟
قلت ليها :هسة بنصل وبتشوفي
لما وصلنا ،نزلنا ودخلنا على المستشفى ،،انتظرنا لغاية ما الناس خفت ودخلنا عليهو ،،،اول ما شافني طبعا ابتسم ورحب بي زي ما بيعمل كل مرة ،،،قعدنا وشال مني ايفا وبقا يلعب معاها ويديها في الورق ويخليها ترسم ،،،كانت مبسوطة طبعا ..
يتبع......
