part3
فتحو الباب وخشو مع بعض
عبدالله مصدوم:مرواان 😨
روز:نعرفكم بمحامي بابا وكل شركاتنا في لندن 😌
عصام:انتي شن تخرفي
روز قعمزت عالطاولة:زي ماسمعت هدا المحامي تبع شركاتنا واللي اليوم جاي معاي بيمثلني
هيثم:انت كيف توقف في وجه عيلتك مع هدي
مروان:اهدو ياعيله انا مش جاي ندير مشاكل انا محامي وهدا شغلي وبعدين روزا عيلتي هدي بنت خالي
عصام بحدة:ماتقولش بنت خالي فرخه مانعرف من وين جايه تلهف رزق خوي
مروان:هدا حقها وحق امها وخوها تفضلو قعمزو نفهمكم كل شي
قعمزو كلهم
روز:تفضل احكيلهم
مروان طلع مجموعه ورق:روزا وجارح صغار خالي عامر وهادو نسخه من وراقهم الرسميات انهم مواطنين ليبين
عمي تزوج بعد سافر بشهرين وماحد يعلم الا امي تزوج بمواطنه امريكيه الجنسيه اسمها دانييلا وبعد سنه جابت روزا وماحد عنده علم باي شي انا وقت جتني المنحه لي لندن امي تواصلت مع خالي وبعتتني عنده تعرفت علي عيلته وكل هالسنين نتواصل معاهم ونعرفهم معرفه قوية بس احتراما لخصوصيات خالي ورغبته انه الموضوع يقعد بينا لا اني ولا امي تكلمنا
عصام:يعني
روز:يعني خططك فشلت مش حاتاخد رزق بوي
مروان:خالي اسس حياة جديدة ليه في لندن بدي بشراكة مع خو زوجته وبعدها كبر خدمته حاليا يملك سلسله فنادق وشركتين للدعاية والاعلان غير اراضيه والمباني وكل ممتلكاته في لندن وامريكا وايطاليا باسم روزا
عبدالله مصدوم:يعني خوي عنده املاك غادي
مروان:عنده اي وبالاضافه لاملاكه هنا اكيد متفكرين خالي يملك زوز من شركات العيله اللي اسسهم هوا بعد وفاة جدي والحوش اللي ساكنين فيه والمزرعه وارض الجفارة
هيثم حط ايديه على راسه:لالا اكيد نصبه كلها على بعضها وانت ياكلب دافعتلك باش تلعب معاها
مروان بكل هدوء:الاوراق كلها قدامك وتقدر تقدمها لاي محامي سليمه و100%
عصام:وشن تبي انتي
روز:نبي كل حق بوي ورح نستلم الشغل بنفسي
هيثم:وين تفهمي انتي تحسابيه لعب
مروان:احم روزا دارسه ادارة اعمال وهيا المدير التنفيذي لكل شركات بوها
عبدالله زي من ضربه بموس:والحوش
روز:حاليا نستقبلكم معاي بس لوقت معين لحد ناخد حقي وحق بوي اللي قتلتوه
عصام:ماقتلنا حد بوك دار حادث باش تفهمي انتي
روز:الوقت معانا والميه تكذب الغطاس ياعم
مروان:شن تبي توا
روز:من فيكم المسؤول
عصام:تفضلي
روز:نبي كل ملفات لصفقات الشركات لاخر عشرة سنين واليوم
عصام:نعم
روز:زي ماسمعت
هيثم:شن مخنبتنا
روز:انتم مخانب بدون كلامي اشتغل انت وبوك وادعو يكون حظكم حلو لاني جايه بدون صبر وناويه نهدم حياتكم وننهيكم
عبدالله قلبه بيوقف وخايف
هيثم يحاول قدر الامكان يتماسك
اما عصام حاس انه كل شي بيضيع الفلوس والمكانه والاسم
روز وقفت:بعد بكرا يكون مكتبي جاهز ماتنقصاش حاجه وتجهزو لاجتماع بكل رؤساء الاقسام لكل شركاتنا وبنبدو اللعب ياولاد الجارح 😏
مروان همسلها:اظن هكا وخلاص ياسرهم لليوم
روز ابتسمت:يلا نخليكم تتقبلو الصدمة يلا تشاو يا حلوين وطلعو
مروان يضحك:كان عصام ماانجلط اليوم معاش يموت
روز:ااه قداش مرتاحه حقراء وربي ندمهم عاللي داروه في بابا من. سنين
مروان:الله يرحمه ويغفرله
روز مسحت دمعتها قبل تنزل:تجي معاي للحوش
مروان:مع اني مانفضلش نمشيلهم بس مانفوتش لقاء الجارح
روز:مابعدك انت وياه 🙄
مروان:شن يفهمك انتي في التواصل اللي بينا
روز:تواصل 😂السيد ماكس امس طايرتله قلي انتي شنو مش محترمة رغباتي
مروان:وربي حرام عليك خليه براحته
روز:شن براحته اهبل هوا يحكيلي لبناني طول الوقت
مروان:شي يخصه
روز:مايخصاش انزل هي
مروان:شن العمال هادو
روز:نركب في داري انا وماكس
مروان:وعلى دار من استوليتي
روز:من قالك استوليت عادار حد
مروان:هه سنين مع بعض ره
روز:فارس 🙄
مروان:اوووه مقويه للعب يابنت خالي بس نصيحه هدا بالذات ماتقربيشي لانه خارج كل شي من يومه بروحه وحياته بعيد عالكل
روز خشت للحوش:اممم سماح
نزلت تجري:نعم مدام
روز:وين ماكس
سماح:يلعب في داره
روز:خليه ينزل
مروان نحا جاكيته:تعرفي ليا فوق سنه ماخشيتش هنا
روز:معقوله اشكرني مالا
مروان:هههه
خشت فدوى:كيف الحال
روز:تمام وانتي
مروان سرحان فيها
روز لاحظاته:قعمزي معانا
فدوى:تسلمي عندي كورس بنغير ونطلع مستعجله
روز:اممم بالتوفيق مرة ثانيه نهدرزو
فدوى:اكيد سلام وركبت
روز بصوت عالي:فمك يا مروااااان
انخلع:حمارة وربي
روز:فايتتني نقطه 😉
مروان:مافايتك شي
روز:كاذب
مروان:خرفي اخطيني احسن
نزل جارح:ميرو
مروان حضنه وقامه:اسدي كيف حاله
جارح:بخير وانت
مروان:كويس
جارح:متى اتيت هل احضرت لي الحلوى
مروان:طبعا هوا انا نقدر ننساك
جارح:يس يس
روز:مختلين شن تبو تتغدو
مروان وجارح مع بعض:بيتزا
روز:ربي يشفي بنركب نكلم ماما بعدين ننزل نديروها مع بعض رهو
مروان:تم
ركبت غيرت لبسها لتوته وقامت شعرها طلبت مكالمه فيديو
لحظات وجتها صورة مرا نسخه منها تبان في الاربعين بس جميلة 😍
دانييلا:هل نسيتني يافتاه 🤬🤬
روز:وكيف لي ان انسى امي الغاليه
دانييلا:حسنا ماذا جرى معكي ?
روز:كل شيء على مايرام لا تقلقي
دانييلا:اين ماكس
روز:انه مع مروان
دانييلا:حمدا لله لقد ارتاح قلبي الان طالما ان مروان الي جانبكي
روز:وهل انا لست اهلا للمسؤوليه امي 😒
دانييلا:ليس هدا قصدي ولكن انتي لاتعرفين احدا منهم واخاف عليكي مهما حدث انتي فتاة وايذائكي سهل لكن مروان يعرفهم جيدا هم عائلته
روز:امممم ماشي كيف حال خالتي
دانييلا:ترسل لكي التحية ان تأخرتم سآتي اليكم
روز:حسنا امي
دانييلا:روز عديني ان تعتني بنفسكي انتي واخوكي ايضا
روز:وعد ياامي خلاص بنمشي ندير الغدا
دانييلا:اوك وداعا
روز:باي وسكرت
نزلت لقت جارح يضرب في مروان ويتعاركو
روز:هيا يا مختل انت وياه وراي للمطبخ
جارح:هييي وقت البيتزا
خشو للمطبخ وبدو يطيبو ويضحكو
روز:تذكر في ميا
جارح:اوو زوجتك
مروان:زوجة عينك فرخ فكني من لسانك
روز:كل يوم تجيبلنا في بيتزا على خاطر عيونه 😉
جارح:ولكنها لذيذة جدا 😻😻
مروان:ايح
ضحكو كلهم
فارس:دوم ان شالله
تلفتو
جارح:مرحبا
فارس:اهلا كيف حالك ولد عمتي زارتنا البركة
مروان سلم عليه:بخير الحمد لله وانت
فارس:كويس بارك الله فيك فيروز جت وجاباتك معاها وشفنا وجهك عندنا
مروان:معليشي انت عارف مشاغل مانروحش. من لندن الا في العطلات
فارس:وتوا جاباتك العطله ولا امور ثانيه وشافلها
روز ضحكت ووقفت قدامه:لا جابه شغله
فارس:اللي هوا
روز:محامي عائلتنا
فارس هز راسه:كويس كويس انستنا ياولد عمتي وطلع
مروان:قتلك هدا بالذات اخطيه
روز:هدا هوا اللي الحرب معاه جميله 😈
جارح:انا جائع
روز:انت امتا تشبع خوي
جارح:هيا
روز:هي
بعد وقت عاسفرة الغدا اللي كانت تخلو من روس الشر عصام وعبدالله هيثم
فارس ياكل في هدوء وكل شويه يشوفلها
اما هيا مركزة معاه ودايرة روحها مش حاسه بشي
جارح:اريد ان اخرج
روز:وين
جارح:الى الحديقه او المتنزه
روز:بعدين
جارح:متى
روز:قلنا بعدين
مروان:خلاص ماكس
جارح:لالالا اريد الان لقد مللت من هذا المكان
روز عيطت عليه:قلت خلاص صوتك معاش ينسمع 😡
مروان شدلها يدها:مش هكا
فارس يشوف ليديهم:تعالا الي
جارح يبكي:ماذا تريد 😭😭
فارس:هل تحب الالعاب
جارح:اجل
فارس:حسنا سأخدك الي مكان مليئ بالالعاب الجميله مارأيك!
جارح مشا جنب اخته:هل بامكاني الذهاب معه
روز:براحتك
جارح:اريد الذهاب ارجوكي روز 😭😭
مروان نخصها
روز:بهي برا
جارح ضحك:يس هيا هيا لنذهب
فارس:ولكن اولا ستخبرني سر
جارح:ماهو
فارس:لماذا لا تتحدث الليبيه ?
جارح سكت:اممم
فارس:هيا انا انتظر
جارح:لانني لا اتقنها ابدا لغه صعبه
فارس:معناها انا نعلمك ماشي
جارح:حسنا اتفقنا
فارس:هيا. شد في يده
روز:عينك ماتتحولش من عليه مايلعبش هلبا ربع ساعه ويرتاح ماتاخدلاش شي مسقع ولا بالنعناع
فارس:تمام
سمر:تأمري على خداماتك مش على خطيبي
روز شافتلها:لانه مزاجي خرب انتي الاولى حطيتك في راسي وبتتربي
مروان:انا نتوكل خير
روز:سلملي على عمتي و نهال
مروان:يوصل
وهوا طالع تلاقى معاها خاشه للحوش
مروان:شن جو الدراسه
فدوى:تمام
مروان قاملها راسها:مزال قلبك ماحنش عليا
فدوى بعدت عليه:القلب اللي يحن عليك قتلته بيديك
مروان:نبيك
فدوى:وانا مانبيكش ابعد عليا مشت وخلاته
روز مقعمزة في دارها تتفكر اخر ليله شافت بوها
flash back
بعد كلم فارس عمه وسكر
عامر خش لدارها:روز بنتي فيقي
فتحت عيونها:نعم بابا شن فيه
عامر:صحصحي والحقيني نبي نحكي معاك بروحنا امك خدت جارح وطلعت
روز:تمام شويه ونجي
دوشت غيرت ولحقاته للمكتب
عامر:انا مسافر لي ليبيا
روز:نعم وليش بابا شن فيه
عامر:حناك تعبانه توا كلمني فارس ولد عمك وقال انها تطلب فيا و لازم نشوفها
روز:معناها نمشي معاك
عامر:لا خليك هنا مع امك وخوك انا نبي نقولك كلمتين
روز:بهي
عامر:كل رزقي اللي هنا بأسمك خوك قاعد عيل مايعرف شي وامك من زمان قتلي مانبيش شي انتي مديرة لكل شركاتي نبيك تردي بالك من رزقي يابنتي
روز:ليش تحكي هكا
عامر:عااي شي يصير انتي عندك علم بكل شي صار معاي من زمان وتعرفي اللي لينا واللي علينا لو صارلي شي ماتسمحي لحد ياخد حقكم
روز:حاضر يابابا نوعدك ندير بالي عاكل شي بس انت خليك معانا
عامر:هدي امي وليا سنين مفارقها توا لازم نمشيلها
روز:بهي
عامر:انا مسافر بعد يومين بكرا وبعده لازم نجتمع انا وياك ومروان
روز:تمام
عامر:ربي يحميك يابنتي
روز:ويخليك ليا يا قوتي
end back
بدت تبكي:ليش بس تاخدوه مني وانا مزال نبيه هدا بوي ماعندكمش حق تاخدوه مني 😭😭😭شدت صورته وقعدت تبكي فاتت ساعات وهيا عانفس الحال تذكر في احلى ايامها معاه وقلبها يتعبا بالحقد اكثر واكثر
انفتح الباب وخش تفاجئ لما شافها منهارة وجها وعيونها حمر من البكا وشعرها طايح على وجها
روز شافتله:انت شن دير هنا كيف تخش هكا
فارس:خوك راقد وشاد الاكياس بالسيف فتحت الباب
روز:هاته
فارس:نحي الغطا تو نحطه في مكانه طول
نحتله كندرته وقعدت تشوفله في حرارته
فارس:ليش تبكي
روز:ماليكش دخل بيا اطلع وسكر الباب
فارس:بس انا نبي نعرف
روز تلفتت وبحدة:نبكي على بوي اللي خدوه مني عيلتك المجرمة نبكي على روحي وحياتي نبكي على خوي اللي مزال ماشبع من بوه نبكي على امي اللي ترملت وخسرت حبيبها وراجلها
فارس وجعه قلبه:من قالك بوي وعمي قتلوه ماتحكيش شي انتي مش متاكدة منه
روز:متاكدة ويجي يوم كلكم تعرفو هالشي
فارس قرب منها مسحلها دمعتها:لو هالشي مزبوط وعد مني ناخدلك حقك
روز:ولو انت مشترك معاهم
فارس:وقتها موتي على ايدك
روز تلفتت:اطلع برا
فارس:عنده القلب !
روز:ماليكش علاقه وخليك بعيد علينا افضل ليك
فارس:تمام وطلع
روز وقفت عالشباك شافت مرا خاشه للحوش مع هيثم عرفت انها مرته:اصبرو عليا الوقت بس ونوعدكم نخلي كل واحد منكم مش طايق حياته ونبدو بالحلوة اللي تطاول من اول يوم وصلت فيه 😏قامت هاتفها وقعمزت جنب خوها ....يتبع
شن اللي بديره فيروز لعيلتها وهل عصام وعبدالله فعلا السبب في موت خوهم ولا بريئين??
فارس 😍بيوقف مع فيروز ولا بيختار انه يستمر في دوره انه بعيد على مشاكل العيله??
تفاعلو
