part7
هيثم:فوتي امي كانك تبي تروحي اقلبي وجهك اتصلي بخوتك يجو يرفعوك ولا حتا امشي بروحك مايهمنيش
مرته هدى تبكي:حرام عليك شن درتلك انا ليش تعامل هكا
هيثم:لانك هم على قلبي حتا عيل ماجبتيه كيف تبيني نعاملك يعني
هدى:هالشي بايد ربي مش بايدي انا
فارس طارتله 😡:خود مرتك وادوي في مكان مسكر عليكم بلا فضايح
هيثم:وانت شن علاقتك
فارس:اقلب وجهك من قدامي افضل
هيثم ابتسم:شن رايك نتزوجك وننهو هالمشاكل
فارس:بري خشي
روز:ماتتعاركش معاه
فارس:خشي قلت
روز:ارجوك
فارس:حاضر خشي هي
هدى خشت دارها تبكي
فارس:احترم نفسك وامشي مشيتك مزال صابر عليك
هيثم يضحك:ولو ما مشيتهاش
فارس:تحمل اللي بيجيك وانت عارفني
هيثم:تمام
خش فارس للدار ماقدرش يرقد طول الليل يفكر فيها اول مره تكون هاديه معاه وتهدرز براحه: يا ياقلبي سنين ما طحتش لحد وتوا بتحبها وانت عارف انها مش مناسبه نهائيا
جارح راقد علي ايدها:متى سنذهب الي مامي
روز:مش عارفه
جارح:لقد اشتقت لها كثيرا
روز:اممم
جارح:مابكي هل انتي بخير
روز:نعست ارقد
جارح:بهي
ثاني يوم فاقو الكل يفطرو
طلع جارح:صباح الخير
فارس:صباحك ورد تعالا
جارح زعلان:اريد توست
فارس:وخيرك لاويهم
جارح:روز لم تستيقظ منذ وقت وانا اوقظها لكنها لا تريد
فارس:مرات نعسانه خليها ترقد
جارح:ولكني اريد ان اكل
فارس:تو نوكلك انا
حارح:به
بعد ساعتين
فدوى:نمشي نشوف روز قعدا ماطلعتش خشتلها لقتها راقده نوضي ياكسوله هيا
قربت منها لقتها مغمى عليها طلعت تجري
فارس:خيرك
فدوى:شكلها مريضه تعالا شوفها بدون ماتقول لخوها
فارس:خلي عينك منه
محسن:تمام
خش بسرعه لقاها يادوب فايقه وحرارتها عاليه هلبا
فدوى:شكلها من الحرارة مغمى عليها
فارس بينحيلها الغطا لقاها لابسه كت وشرت رجع غطاها:جيبيلي كمادات وسبيريتو
فدوى:حاضر
فارس يمسحلها علي شعرها:تسمعي فيا
روز:امممم
فارس:سلامتك
روز:ماكس
فارس:معانا هوا ارتاحي انتي بس
قعد جنبها لين نزلت حرارتها ورقدت
فدوى:شن وضعها توا
فارس:كويس نزات حرارتها خليها ترتاح بعدين تفيق
قعدت فدوى معاها لين فاقت
روز:ااخ نحس في روحي متكسرة
فدوى:من الحرارة بس سلامتك
روز:وين جارح
فدوى:برا مع محسن
روز:اها خلي ندوش ونطلعو
فدوى:اوك
فارس كيف بيخش خبط فيها:كيفك توا
روز:احسن الحمد لله شكرا
فارس:واجبي لمي شعرك
روز:وخيره هكا
فارس:رجعنا ناقشو
روز:بهي 🙄
جارح:روزتي
قاماته:عيونها فطرت
جارح:ايه ولقد ركبت مع فارس جتسكي
روز:امواج
جارح:يس
روز:حتا اني نبي
فارس:الحقيني هي
روز:نبي نركب بروحي
فارس:تحلمي هي وراي
روز شدت فيه:انطلق
فارس:حاضر
سمر:شفتيه ولدك طايحلها طول الوقت معاها
سعاد:شفت يابنيتي غير كان ماتقلبه علينا كله بهي
سمر:مش غير هوا حتا خوي هيثم اللي بمرته تلقيه غير سرحان فيها ولا مروان ولد عمتي
سعاد:حسبي الله فيها خرابه البيوت
سمر:لازم نحطولها حد
سعاد:خليها عليا
روز تضحك:محلاها
فارس:عجباتك
روز:هلبا
محسن:هي شن
فارس وروز نزلو. للبحر وخداها محسن ورجع بيها للشط
فارس:تو بنرجعو للشط سباحه
روز:انا بنغلبك اكيد
فارس:والفايز بيطلب طلب
روز:تمام
فارس قرب منها وباسها:محلاك
روز ضرباته:حقير
فارس:هي مستعدة
روز:طبعا
غطسو مع بعض وبدو يسبحو وغلب فارس لانه سباح اقوا منها
فدوى تضحك:احسنت خويا
فارس يضحك:شن توا
روز:اووف
فارس:يبيله لياقه مش انتي زي الخيال
روز:بارد
جي سامح:شن قالو مرضتي
روز:بسيطه حرارة بس
سامح:سلامتك اني بنرجع للحوش عندي شغل نتلاقو
روز:اكيد مع السلامه
فارس:اريح
روز:تحشم الراجل قاهد واقف
فارس بحده:خشي غيري لبسك وديريلي قهوة
روز:والله امتا بديت شغالتك
فارس:فوتي بلا دوة فاضية
فدوى:شمس نبيش نخش توا
فارس:خايفه عالجمال اهي الاجنبيه خشت
فدوى:بتقارنها بيا شوفها زي ملكات الجمال
فارس:هبله اختي امس عطيتك حبوب راس وين درتيهم
فدوى:عند امي
فارس:ووين هيا
فدوى:في دار قالت بترقد
فارس:اه خلي ناخدهم منها بديت نصدع من الشمس ومشا
روز:تفضل
فارس شدلها يدها وباسها:يسلمو ياعسل
روز:سلمك
جارج:انني جائع
روز:هي تعالا نديرلك تاكل
فاتو باقي الايام حلوة ورجع كل حد لشغله
في الشركة
مروان:دمجنا شركات ليبيا مع شركتين الدعايه والعلان في لندن واصبحت الام والمؤسس الرسمي
عصام بيموت:يعني
روز:يعني كل شركات ليبيا تحت ادارتي وكلها تندرج تحت شركات لندن لي عامر الجارح
هيثم:مش من حقك تمسحي تعبنا من سنين وتضميه تحت اسم بوك
روز:هدا حق بوي طبعا استغنيت على خدماتك استاذ عصام وبعد يومين استنا قرار تقاعدك
عصام حس بقلبه وقف:كك كيف
روز:زي ماسمعت تعبت هلبا جي قت ترتاح ةتشد حوشك رح تتقاعد وراتبه يكفيك 🤭🤣
عصام دهش وبدي يعرق
هيثم:بوي خيرك خود اشرب ميه
عصام:حسبي الله فيك
هيثم ساعده وطلع بيه من المكتب
روز:وانت عاشق الفلوس رح تكون مسئول الامن في الشركة وراتبك 200شهريا
عبدالله:200 😨
روز:بالزبط تفضل هي
عبدالله طلع بدون مايزيد كلمه
مروان:اني بنروح نوصلك
روز:لالا بنطلع انا ونهال نتغدو برا
مروان:تمام سلام
روز سرحانه وتتفكر في بوها:وعد ناخدلك حقك
رن هاتفها
دانييلا:ابنتي
روز:كيف حالك ماما
دانييلا:لست بخير لقد اشتقن لكي ولاخيكي جدا
روز:بهي نجوك نهاية الاسبوع
دانييلا بفرحه:حقا!
روز:ايه امي وحتا اني محتاجه نرتاح ونبعد
دانييلا:مالخطب هل حدث شي سيئا
روز:لا لتوا شغلي ماشي تمام
دانييلا:حسنا اهتمي بنفسك جيدا
روز:حاضر وسكرت خدت شنطتها وطلعت للمطعم اللي متواعده تتلاقى في مع بنت عمتها
نهال:تأخرتي
روز:معليش زحمه الطريق
نهال:شن تبي تتغدي
روز:خاطري في ستيك
نهال:وانا نبي حوت
روز:هي احكيلي شن قصتك انتي وخوك باعدين عالعيله هلبا السيد مروان فهمت انه عاشق فدوى وبعد عاخاطر هيا مسيباته وانتي في من طايحه
نهال:هيثم 💔
روز:نعم 🤯 هيثك ماغيره
نهال:ايه
روز:وعلى علاقه بيه وهوا متزوج توا
نهال:لا قصتنا تمت من قبل مايتزوج اصلا هوا واخدها فيس فيا
روز:وليش
نهال:انا وهيثم كنا نحبو بعض هلبا جتا برغم طباعه السيئه لكن كان طيب معاي مدلعني واللي نبيه يديرهولي وجنبي يكون شخص ثاني لحد يوم اقتنعت امه وجاي بيخطبني في تفس اليوم جت جارتنا تخطب فيا لولدها وحضرت مرت خالي فهمت غلط وتحساب اهلي متفاهمين مع جارتنا هيثم اقلب عليا واتهمني اني خنته ونلعب علي ولاد غيره سيبني وفي نفس الشهر تزوج من يومها كرهت حوش خوالي وسيرته توا بس بديت نطلع وعايشه زي الناس
روز:اووف عليك قصه
نهال:شفتي الدنيا لما بتقلب
روز:لاحول ولا قوة الا بالله معليشي ماتعرفيش نصيبك وين
نهال:يلا
اشر هاتفها رساله شافاته ورجعت سكرتها
نهال ضحكت:منو
روز:واحد فلضي
نهال:شن سامح طايح
روز:بكل 😅يلا خلينا ناكلو
جارح يضحك بصوت عالي:لا اريد
محسن:لا حاتاكل
جارح:لالالا
محسن:ااه ياربي صبرني وينك يا روز
خشت:اهي جت
محسن:اخيرا تعالي وكلي خوك طيبلي كبدي
روز:بتاكل
جارح:لا اريد
روز:هي تعالا عندي ليك مفاجئه
جارح:ماهي
روز:بنسافرو لماما
جارح:يس يس اخيرا مامي لقد اشتقت لها كثيرا
روز:هي نركبو نرقدو
جارح:اوك
ثاني يوم الكل يفطرو في هدوء
مروان:صباح الخير ياعيله
روز:شن الجو
مروان:تمام
روز:رد بالك عاكل الخدمة وانا متابعه معاك من غادي
مروان:تمام هي مشينا
روز:جارح امشي معاه تو نلحقكم
جارح:هي
روز ركبت لدارها خدت شنطتها وملفات
فارس:وين
روز:عندي شغل
فارس:مسافرة
روز:ومن قالك
فارس:خوك
روز:اها به بعد لو سمحت مستعجله
فارس:امتا بترجعي
روز:مش عارفه مرات نقعدو باقي الشهر غادي
فارس:اممم به
روز:نستاذن وطلعت
سعاد:اسمعي يافرخه ولدي فوتيه وبطلي الحركات هدي
روز شافتلها بقرف:مستعجله بس كان هدا وريتك قيمتك ونزلت
فارس يشوفلها بتركيز لين كلعت نن الباب
سعاد:ماتفكرش فيها حتا تفكير بناخدلك بنت خالتك
فارس ضحك ونزل مشي للعيادة
مروان:وين سيارتك
روز:طالع فيها محسن بعدين بيجيبها
مروان:تمام
فاتو ساعات
ممرضه:دكتور جايبين مريضه في الاسعاف وطالباتك
فارس استغرب:تمام شويه وننزل
خش للغرفه شافها بلوزها كمها مقطع ووجها خبوش ودم
روز تبكي:فارس
هوا عيونه بدو حمر وعروقه ارتسمو:اطلعو برا
طلعو كل الممرضين والمسعفات
قرب منها:انتي وين كنتي
روز بضعف شدت في ايده:انا
فارس بحركو سريعه خنقها ووقفها:وين كنتي من دار فيك هكا. تكلمي
روز تبكي:سيبني بالله عليك ياسر
فارس زاد ضغط عليها:وين كنتي
روز:ارجوك فااارس 😭😭
دفها بقوة لين طاحت عالسرير:خرفي ولا اقسم بالله نقتلك
روز غطت وجها بيديها:عمك الحقير يبي يشكلي حادث يقتلني زي بابا
فارس: شنو
روز:والله سيارتي بلا فرين درت حادث وبالسيف كلعوني من السيارة
فارس:اووف يارب انتي كويسه
روز دفاته:بعد عليا كلكم زي بعضكم تهمكم الفلوس بس تشوف فيا تعبانه وتتهجم عليا
فارس:مش قصدي انا كنتروز:خليني في حالي اطلع من حياتي نكرهك فارس نكرهك مسحت دموعها وطلعت تجري
فارس طيح طاوله:علاش يصير هكا معاش فهمت شي اني
روز ركبت تاكسي ابتسمت:لحد توا لعبتنا ماشيه عالمزبوط
روح فارس العاه 1الليل جي بيخشلها لقاها مسكرة الدار بالمفتاح
بعد يومين سافرت لامها
دانييلا:اشتفت لكم كثيرا
روز:حتا اني يا امي
جارح:مامي هل ستعودين معنا لليبيا انها جميله وايضا فارس وفدوى ومحسن
دانييلا:من يكونو
جارح:اولا عمي
دانييلا:اممم وماخطبك انتي كل هذه الخدوش في وجهك
روز:ولا شي حادث بسيط رقديه وبنحكو في موضوع
دانييلا:حسنا
خشت دوشت ودارت نسكافيه قعمزت في مكتب بوها تذكر في ايامه وضحكته
خشت دانييلا:مالامر
روز:قعمزي ماما بنقولك حاجه ولو سمحتي بدون اسئله
دانييلا:جسنا
روز:انا بنتزوج خلاص اسبوعين
دانييلا بعياط:ماذا مابالك ايتها الفتاة
روز:امي ارجوكي دعيني اتصرف كما خططت
دانييلا:والي ماذا ستصلين بهذا الزواج
روز:للانتقام
دانييلا:ولكنهم اشخاص خطرون
روز:لا تخافي علي
دانييلا:ومتى الموعد
روز:يوصل اليوم في الليل هوا نكملو اجراؤاتنا ونتزوجو خلال اسبوع
دانييلا:اوك
اما في ليبيا
فدوى:ياماما ارجوك
سعاد:هدا ماناقص نعطيك لفرخ حوريه من يومها لا تحبنا ولا تبينا حتا انتي تو دير في جلدك النار
فدوى:بس عمتي كويسه وعمرها ماعاملتنا بطريقه غلط
سعاد:انهي الموضوع وولد عمتك والله ماتاخديه
فدوى: 💔💔
اما عند فارس في العيادة قعد ياخد في مرضى ويخش عمليات بدل صحابه باش ينسا روز
فاتو اسبوعين بالزبط
في غرفه فندق واقفه روز بقفطان ابيض وتسريحه بسيطه مكياج خفيف 👰
خش ببدله سودا راقيه وريحة سابقات قرب منها وشد يديها:الف مبروك مرتي السمحه 😘😘يتبع
ياترا روز من تزوجت!وعلى شن ناويه لانه حتا اني معاش فهمتها عاشن ناويه 🤷♀️🤷♀️
