part5
تلفتو كلهم
خاشه ايدها في ايد جداها بكامل اناقتها وريحة اللي سبقتها
فارس طارتله وتلفت عاجنب
روز قعمزت جداها عارأس الطاولة ووقفت وراها:مساء الخير ياعيلة
ردو عليها
"طبعا باش ماتصيرش لخبطه بين الجدة والحفيدة لانهم نفس الاسم فالما نكتب فيروز معناها الجدة ولما نكتب روز معناها الحفيدة"
فيروز:انستونا
سلفتها:الحمد لله عاسلامتك ياغاليه
فيروز:الله يسلمك
محسن:كيف حاسه روحك توا حناي
فيروز:الحمد لله ياولدي وارتحت هلبا بعد شفت احفادي ولاد الغالي
عصام:وشن احنا مش غاليين يما
روز:كل حد في مكانه يا عمي
عبدالله:بالزبط 😏
عبدالحميد:ماحد فينا عنده علم انه عامر تزوج والا انتي تعلمي يا مرت عمي
فيروز:مانعلمش
روز:واهو علمتو كل شي في وقته حلو جمعتكم الليله عاخاطر سلامت حناي ربي يحفظها ويخليها تاج فوق راس الكل
منيه:امين يارب
عماد:وشن ناوية تبيعي رزق بوك اللي هنا
روز:اكيد لا انا بنسترجع كل املاكنا
عبدالحميد:انتي !وخيره خوك
روز:هدا خوي واشرت عالجارح مقعمز بعيد
عماد:يعني
روز:انا بندير كل شي بنفسي
عبدالله:قلنالك قعمزي واحنا نهتمو بكل شي
روز:تهتمو بكل شي عاحساب سمعه بوي
عماد ضحك:شكلها بتلعبكم ياعصام
روز:جمعتكم باش تعرفو من المسؤول من اليوم وتتعاملو معاه على هالاساس
عبدالحميد: هدا اسمه عار وطياح قدر رجاله بلحيهم وتقوديهم انتي فرخه شن فهمك في الخدمة
روز:الجاي يعرفك ويأكدلك
عماد:ومن معاك
روز:ولد عمتي
امينه:بتقدري بروحك
روز:نقدر اكيد زي ماكنت مديرة لشركات لندن
سامح عجباته:موفقه واي دعم عيلتك موجودة وانا اولهم
روز:تسلم تفضلو
منيه:وللحوش
روز:زي قبل حناي كبيرتنا وهيا تحكم وماحدش ليه معاها كلمه
فيروز:ربي يرضا عليك
قعدو يتعشو كلهم ويهدرزو يضحكو
عبدالحميد:كيف حالك دكتورنا
فارس:بخير
عبدالحميد:شن موقفك من اللي صاير
فارس:زي قبل ياعمي انا بعيد عالمشاكل
عبدالحميد:اممم كويس
جارح:اختي
روز'نعم
جارح:هل العب في الحديقه?
روز:ماتعبش روحك
جارح:حسنا وطلع
عماد:وين امك مالا
روز:قعدا في لندن
عماد:وليش ماجت معاكم
روز:امي ماتبيش تدخل ومن قبل وفاة بابا ليها املاكها وخدمتها الخاصه
سامح:حلو وكم عمرك انتي
روز:25سنه
سامح:صغيرة عالتعب هدا كله
روز:نصيبنا من الدنيا حسبي الله في اللي كان السبب
سامح:بس لازم نشتغلو مع بعض 🤗
روز ابتسمت:نتشرفو
فات باقي الوقت هدوء روز سيطرت عالجلسه كلها وقدرت تجبد العيله لصفها بذكائها واسلوبها
اما عصام وعبدالله بدو يحسو انهم في خطر
وهيثم بين شغله وبين اعجابه بيها
بعد وقت روحو الكل
روز:تعالي ساعدي حناي تركب لدارها وبكرا تجهزولها غرفه في الطابق الاول
حميدة:حاضر
تلفتت:شن بايت هنا
فارس وقف وقرب منها:ليش مالبستيشي
روز:اللي هوا
فارس ولع دخانه:القفطان
روز ضحكت flash back
طلعو فارس وجارح لمحل
فارس:شن رايك في هدا
جارح:رائع
فارس خداه غلفه وبعتهولها مع خوها
روز تمكيج:وين كنت
جارح قعمز عالسرير:ذهبنا انا وفارس لنحضر هذا
روز تلفتت:شن هذا
جارح:انظري بنفسك
فتحاته لقت قفطان عنابي واسع وفيه خطوط بالاسود مستور كله
روز:اذن
جارح:هل اعجبكي
روز:كويس ماشي حاله
جارح:ارتديه في العشاء
end back
روز:وانت ليش جايبلي قفطان
فارس:هديه
روز:هديه ولا لبسه على مزاجك واسعه ومش عريانه
فارس:حبيته عليك عاكس لون عيونك
روز:انت شن تبي
فارس:السلام
روز:مش مطمنتلك
فارس:صار هكا
روز:بالزبط مانبيش منك لاهدايا ولا حتا كلام
فارس:تم يابنت عمي اللي طلبتيه صار واللي فات انسيه وهديتي لوحيها ولا نقولك احرقيه انتي تحبي النار
روز:ولا يهمك
فارس هز راسه وطلع
سمر عالدروج:ماتحاوليش تلفي عليه حبيبي مايحبش الرخاص
روز: هه ولو ناخده
سمر:تحلمي
روز:تمام
ركبت لدارها:ماكس
رد عليها:ماذا
روز:كليت الدوا
جارح:ايه كليته
روز:تعالا
رقدت عالسرير وهوا جنبها:مااستاحشت ماما
جارح:نعم كثيرا
روز:هي نخطفك ونمشولها
جارح:اجل اجل
روز:الفترة الجايه نمشو خليني نظم وضعي هنا بس
جارح باسها:حسنا يبدو انكي متعبه
روز:جدا
جارح:هيا بدلي ثيابكي حتا اسرح لكي شعركي عزيزتي
روز:بهي خشت غيرت وطلعت قعمزت عا كرسي
جارح. وقف وراها وقعد يمشطلها في شعرها ويغنيلها:روووز روووز رووزتي الجميلة روووزتي الجميلة 😍😘
اما هيا استرخت عالاخر وبدي دماغها يسترجع في كل شي مر من لما وصلت وفارس اللي مش فاهمة شعورها ناحيته عداوة زي بوه ولا بروحه
انفتح الباب وخش
جارح:اهلا
فارس يشوفلها عيونه حمر:اهلا ببطلي خيرها
جارح:لاشي انها متعبه قليلا
فارس:اممم وين حطت الهدية
جارح:حتما في خزانتها
فارس:جيبهولي بهي
جارح:اوك
روز واخدها النوم مافاقتش الا لما حست بخوها مش جنبها ناضت مخلوعه:مااكس
جارح:انا هنا لاتقلقي
روز تلفتت:انت شن دير هنا
فارس:جاي بناخد حاجات تخصني
جارح:تفظل
روز:شن خصك بيه هدا
فارس:انا جبته وبناخده توا وعندي شاحن ناسيه هنا يوم جبت خوك
روزز طلعت شاحن وخدت القفطان:هدا مدام وصلني معاش يخصك وشحنك وصلك تفظل هي
فارس:ليلتك سعيدة ماكس
جارح:تصبح على خير
ثاني يوم
نزلت بكل هدوء:صباح الخير
جارح:صباح الخير عائلتي
عصام طايرتله:انتي شن تقصدي بتصرفاتك امس فضحتي بينا قدامهم
روز:صبح وماعنديش مزاج نفتح فمي
عصام:مسأله وقت بس ويرجع كل شي في مكانه ولصحابه
روز:جهز روحك بتكون معاي في الاجتماع
هيثم:وليش انا
روز:لاني فاهمة دماغك
هاتف يرن
فارس:اللي هاتفها يرن تنوض ترد دماغي بيتفجر
سمر ناضت ردت:ايوا ......اهلين ايه اكيد شويه ونجي.......شنو كيف هكا......بس انا من افضل الموضفين........اووف وسكرت الهاتف
منيه:خيرك
سمر:ياماما قالولي صفي حسابك ومطرودة
منيه:تلقي مكان ثاني
سمر:بس نبي الاذاعه هدي
منيه:وطردوك
سمر مسحت دموعها:انا بنمشي للاذاعه نشوف شن يصير
روز ابتسمت:موفقه بنت عمي
وقفت رتبت بدلتها هيا انت
هيثم:هي تفضلي
محسن:زي ماتفاهمنا
روز:اكيد خليك جاهز بس
طلعو مع بعض
سعاد:سلم وليدي خلينا نديرولك العرس نفرحو بيك
فارس:ومن بتزوجيني
سعاد:بنت عمك اللي عاطيين فيها الكلمة طبعا
فارس:انتي عارفه اني مانبيهاش ربي يهديك انتي وبوي تتصرفو من دماغكم
سعاد:مالا من تبي
فارس:مانبيش حد يما خليني في همي
جارح يتفرج عليهم
فدوى:خيرك ماشربتش عصير
جارح:لااحب عصير البرتقال
فدوى:اممم بهي شن رايك نطلعو ونشربو ميلك شيك 😍
جارح:نعم نعم هيا
فدوى:فارس بنطلعه شويه
سعاد:وشن علاقتك بيه انتي قعمزي هني روحك
فارس:تمام خلي محسن يرفعكم ردي بالك منه مايتعبش روحه ولا يدير مجهود واي حاجه فيها نعناع لا
فدوى:تمام
نزلت فيروز:صباح الخير
فارس باس راسها:صباحك فل زيك
فيروز:الله يرضا عليك ياوليدي وين صغار المرحوم
سعاد:شن ياخالتي شكله صغارنا معاش معبيين عينك ماتبي الا صغار المرحوم
فيروز:صغاركم كلكم عويناتي وماعنديش فرق بينهم لكن صغار المرحوم عاشو سنين بعيد علينا نبي نشبع منهم ونشم عليهم ريحة ولدي اللي انحرمت منه
فارس:روز طلعت للخدمة وجارح بطلعه فدوى دور بيه شويه بعدين تلقيهم كلهم عندك
فيروز:بهي
فارس:هي نستاذن انا عندي خدمة
في شركة خشو روز وهيثم ومروان بيمثلو شركاتهم في اجتماع
خشت روز بكل قوة نحت نظارتها:صباح الخير
ردو عليها
مروان قعمز جنبها:جاهزة
روز:ياعيني
المتحدث باسم الشركة المصرية جواد:طبعا اكيد اطلعتو عالمشروع بس ماعندناش علم انه رح ينوب عالسيد عصام حد تاني
روز:حضرتي الشريك الاكبر والاعمال كلها عندي من اليوم استمر
جواد:تمام جايين اليوم نتناقشو عابنود عقد الشراكة ونوقعو عقودنا وزي مااتفقنا مع الاستاذ هيثم 30%
روز:ومش شايفين انه النسبه ضئيلة
جواد:الاستاذ عصام موافق
روز:انا مديرة الاستاذ عصام وبعدين مع احترامي شغل مع شركة زي شركتكم حايضر بسمعتنا في السوق
جواد:سمعتنا نفس سمعتكم
روز:شركات ليبيا رح ينربطو بكل شركاتي في لندن وامريكا
جواد تفاجئ:شركات الاستاذ عامر!
روز:بالزبط وحضرتك تعرف كويس سمعتها
جواد:احم:عادي احنا نقبلو حتا 60%
روز ضحكت:سبحان الله نسبه ترقا في دقايق
هيثم:خيرك بتفسدي علينا الشغل
روز:للاسف الشراكه هدي مرفوضه ان شالله تلقو شركة توافق علي عرضكم
مروان:هيا
روز وقفت:نستاذنو وطلعو
هيثم شدها بقوة:انتي شن ديري هدي فرصه مليحه للشركة
روز:لانكم على باب الافلاس
هيثم:ترجعي قدامي وتقبلي بكل شي
مروان:هيي اهدو ومش وقت عراك
روز:نحي يدك مش عاجبك تعالا اخدم عندهم
هيثم:وربي نربيك ياكلبه
روز: 🙄🙄
مروان:عاشن ناويه انتي
روز:نرد حقي بس
مروان:فارس!
روز:هدا قصه بروحه
مروان:ان شالله خير انا ماشي للحوش عندنا عمال
روز:مرات الايام الجايه نديرولكم زيارة استاحشت الفرخه نهال حتا في العشا ماجتش
مروان:هاديكا راسها وراس خدمتها
روز:تو نغيروها
مروان:ياريت هي سلام ردي بالك على روحك
روز:وانت
في كافي
جارح يتفرج عالناس:لقد مضى الكثير من الوقت ان خرجت من المنزل
فدوى:كنتو عايشين في امريكا
جارح:لا كنا مقيمين في لندن
فدوى:حلو واي سنه انت
جارح:خامس الابتدائي
فدوى:بتقرا هنا ولا موقف
جارح:لا اريد ان ادرس هنا انه بلد ليس جميل وايضا اشتقت لاصدقائي
جي محسن:صديقي
جارح:اهلا
محسن:عجبك الجو
حارح:جدا 😍هلا نحضر روز يوما اخر
فدوى:اكيد تو بنخططو نمشو للبحر تحبه
جارح:نعم كثيرا
محسن رن هاتفه:ايوا اهلا بالجميلة ....ايه معانا تمام نتلاقو
فدوى:منو
محسن:روز نبيها في موضوع هي نروح بيكم لانه بنطلعو
فدوى:تمام هيا جارح
فارس في العيادة حاط راسه عالمكتب
خبط الباب
فارس:تفضل
خشت سكرتيرة:دكتور عندك مريض مراجعه اليوم
فارس:دخليه لغرفه الكشف جاي
سكرتيرة:حاضر
فارس خدي سماعته ولبس البالطو وهيا بين عيونه معاش قادر يمسحها من تفكير:شن صايرلي 🤦♀️امتا تطلع من دماغي ونرتاح
روز:كيف صحتك اليوم
فيروز:الحمد لله يابنيتي وين وخيك
روز:تو يجي من اليوم غرفتك اللي في الممر باش ماتتعبي عالدروج ورح تكون معاك ممرضه تساعدك
فيروز:ان شالله
خشت سمر تبكي:انتي ياحقيرة كيف ديريلي هكا
روز:تفضلي ليك عندي شي
سمر:انتي السبب اني انطردت من الاذاعه
روز وقفت قدامها:قتلك اللعب معاي مش ساهل وانتي بديتي ومزال الحبل عالجرار
سمر:حسبي الله ونعم الوكيل
سعاد:انتي من تحسابي روحك والله نوريك و
روز:اششش صوتك مايعلاش هنا افضل لاني مزال مانبيش نزعلك
فيروز:خيركم العفو
روز:ولا شي حناي تعبيش روحك
خش جارح يجري:رووزتي
روز:تعالا لحناك
جارح باس يدها:كيف حالك جدتي
روز:ادوي معاها ليبي مش حاتفهم عليك
جارح:كيفك
فيروز:الحمد لله ربي يحفظك ويحميك ولد الغالي
جارح:ويحفظك حناي
روز:خليك جنبها ماتتحركش عندي مشوار
حارح:حسنا
محسن:هي مشينا
روز:ايه امسحي دموعك ياحلوة 😉وفريهم لشي اقوا
مشو لمشوارهم
محسن رتب لبسته:جاهزة
روز:طبعا عزيزي
خشو ايديهم في بعض
محسن:خير ياعيله
اصحابه تلفتو:اهلين
محسن:ان شالله مافاتني شي
رفيدة تشوفله متفاجئة:لا مافاتك شي ماتخافش
محسن:مليح بكل تفضلي قلبي قعمزي
روز:تسلملي بيبي
هاشم:منو هدي ياراس
محسن:الحب تبعي هدي بنت عمي روز
رفيدة:حبك
محسن:بالزبط وقريبا رح تنعزمو على عرسنا
روز:اكيد كلكم معزومين من توا اصدقاء سوني يعني اصدقائي
هاشم:من وين جبتها هدي قداش دافعلها ياكلب باش تغيض رفيدة
محسن:هههه جت بروحها يامعلم
هاشم:اجنبيه شكلها حتا الحجاب فايتاته
محسن:نص امريكية
هاشم:الزح اعطيهالي
محسن:بنت عمي ياراجل
هاشم:من عمك اللطف نعرف فدوى بس اني ولا دارت عمليه تجميل
محسن:حمار بنت عمي عامر ليه سنين مسافر برا
هاشم:امممم وكم عمرها
محسن:فوتها وريحنا
رفيدة:انستيني
روز:تسلمي عيد ميلاد سعيد
رفيدة:شكرا من امتا جيتي للبلاد
روز:ليا كم اسبوع
رفيده:من امتا مرتبطه مع محسن قصدي ماحدش فينا يعلم انه يحب
روز:هدا طلب مني مانبيش حد يعلم بعلاقتنا لحد نجي ليبيا
رفيدة:وشن ناويين
روز:زواج اكيد لانه الفرخات مش مخليينه في حاله ديما يتلصقو
رفيدة:فرخات!!
روز:ايه وانا نبي حبيبي ليا بروحي نبيش نضيع الفرصه الاخيرة
رفيدة:اخيرة
روز:اكيد لاني لو مااغتنمتها ممكن في لحظه يضيع مني وتاخده غيري الراجل مهما كان يحب لما يشوف البنت مش مهتمة قلبه يميل لاي وحدا تقابله فالازم تستغلي الفرصه
رفيدة:معاك حق كلامك مزبوط
روز:اكيد
جابو الكيكه غنولها وطفت الشموع
محسن:تفضلي هديتك عقبال ال100عام
رفيدة:عادي نحكو شويه بروحنا
محسن:اكيد تفضلي
طلعو برا
رفيدة:اسمع نبي نقولك كلام وانت براحتك لو ماتبيشي كأنك ماسمعتاش بكل
محسن:تمام
رفيدة:نحبك ونموت عليك صح كنت ديما نتهرب منك بس السبب خوفي انك تخوني مع وحدا ثانيه عارفه اني تعبتك بس والله نحبك مانبيش تتزوجها بنت عمك ارجوك اعطي لحبنا فرصه سيبها ونوعدك مانتخلاش عليك
محسن مصدوم:بجدياتك
رفيدة:ايه وكلام من قلبي وانت وراحتك
بعد وقت في السيارة
روز:خيرك سرحان من لما طلعنا
محسن:وربي ماك عاديه ليا سنين نجري وراها وانتي في لحظه خليتيها تعترف بكل شي
روز ضحكت:لانك ماجربتش تمس قلبها ببنت لو درتها من زمان رهو توا تلعب في ولدك
محسن:الله غالب على يديك نحجو
درسو سيارة تلفتت قابلها خوها يبكي
نزلت تجري:ماكس خيرك حبيبي
جارح:........ 😭😭 يتبع
