part4
جارح:روووز رووووز هيا استيقظي ايتها الكسولة هيا هيا
فتحت عيونها:حول من عليا
جارح:لا اريد
روز:حول بلا برادة ظهري كسرته
جارح:لا اريد
روز:اووف خشت للحمام
جارح فتح الدار وطلع
سمر:شن دير
جارح:لا شيء
سمر:تفهم فيا
جارح هز راسه:اجل
سمر قربت منه خنقاته:تقلبو وجهكم من حوشنا انت واختك افضل مانقتلها بيديا الحقيرة اللي قلبت حياتنا
جارح غاب عليه نفس يخبش فيها:اتت اتركيني ارجوكي
سمر:الحوش هدا حوشنا ماتفكروش تتملكوه فاهم
جارح يبكي:ارجوو
روز طلعت من الدوش شافت مالقاتاش طلعت تجري شافاتها كيف خانقاته عيطت عليها:شن ديري
سمر بعدت عليه:ولا شي خوك لسانه طويل ادبته بس
جارح:انها تكذب
روز:حبيبي انت كويس
جارح:لا ان نفسي يضيق انا لا وطاح اغمى عليه
روز عيطت:جارح حبيبي افتح عيونك فيق ماتخلينيش بروحي حتا انت لااا ياربي
سمر خافت وخرت
طلعو الكل على صوتها
فدوى:خيره شن صارله
روز شافتلها:وربي ندمك ياحقيرة تستقوي على عيل والله لما ندمك
طلع فارس جاهم يجري:خيره
روز:خطيبتك الكلبه خنقاته وهوا مايتحملش
فارس شافلها بحدة:لازم نرفعوه للمستشفى بسرعه
روز:هيا
فارس تلفتلها وكانت لابسه ديشمبر الحمام:بتمشي هكا خشي غيري الهم اللي لابستيه
روز:افف خشت تجري لبست سروال وتيشرت ونزلت
فارس يسوق بسرعه:شن حالته ادوي قبل مانوصلو باش مانعطلوش عليه
روز تبكي:عنده القلب مايتحملش اي ضغط ولا الارهاق والتعب
فارس:عنده حساسيات
روز:النعناع والجزر
فارس:شن نوع دواه
روز:......
فارس درس سيارته ونزل بسرعه خداه ودخله:اطلبولي دكتور معتز
روز:ياربي نوضه بالسلامه ماعنديش غيره 😭
في الحوش
محسن:شن هبلتي انتي فرخ صغير شن دارلك
سمر:هوا قلل ادبه عليا
محسن:ايي واحنا نصدقوك ولا تي هوا مايحكيش في كلمتين ليبي كيف قلل ادبه عليك هي
سمر:بالاجنبي
محسن:انتي وحدا مريضه
فدوى:حرام عليك شن ذنبه هوا
سعاد:اسكتو ياسر تو يروحو بيه زي القرد
محسن:هدا اللي فالحين فيه
خش عصام:شن فيه
منيه:شوف بنتك ناويه تخربها علي راسنا خنقت الولد لين اغمئ عليه حتا كان انتم مش دايرين شي توا تزيد ثبتها عليكم
عصام:يستاهل
منيه:عيله غبيه كلكم وتتصرفو غلط توا مفروض تكسبو رضاها لانها هيا القويه وعمتي رح تساندها يعني اللي في صفهم رابح
هيثم:ههه جو عليك ياامي
منيه:غدوة توقفو علي كلامي
سعاد:مش كلنا كلاب فلوس زيك
منيه:هههه كان مانعرفكش وخيتي تسلي في راجلك وضامنه روحك 😉
هيثم:ياسر هي
طلع من غرفه الكشف:تعالي
مشت معاه لمكتبه
روز:ماصارله شي صح
فارس:لا بس من الضغط غاب نفسه واغمى عليه هوا كويس اطمني
روز انهارت بدت تبكي بقوة:ليش هكا ديرولي ليش حتا اني منكم لحمكم ودمكم علاش مصرين تأذوني معادش عندي حد غير خوي انا بروحي
فارس حضنها:اششش اهدي ماتقوليش بروحي انا جنبك ديما
روز شدت فيه بقوة وحست الامان في حضنه:انا تعبانه خاطري نرتاح
فارس:نوعدك ترتاحي
بعد وقت فاقت لروحها بعدت عليه:اسفه
فارس:على شنو بالزبط لانك طلعتي اللي في قلبك ولا لاني شفتك ضعيفه
روز:لكلاهما
فارس ابتسم:هدا جيد حتا تعلمي اني اعلم حقيقتك
روز:انت مستفز
فارس:وانتي جميله كاللعنه
روز:وقح
فارس:هههه تعالي نشوفو حناي بما انه جينا
روز:اوك
فارس:تفضلي فيروز خانو
خشولها
فارس:كيف حالها جميلتنا
فيروز:كويسه وليدي
فارس:شوفي من جبتلك معاي.
فيروز:فيك الخير وين خوك
فارس: جارح صغير ممنوع يخش هنا وانتي بكرا باذن الله طالعه تو تشبعي منه
فيروز:اسمه جارح
روز:ايه بابا يحبكم هلبا لدرجه انه اختار انكم ترافقوه حتا بعيد وسمانا على اسمائكم
فيروز نزلو دموعها:ربي يرحمه وليدي
روز:امين
فارس:ارتاحي توا هيا
روز:امتا ناخده للحوش
فارس:توا هي
خدوه معاهم ورجعو للحوش لما وصلو
فارس:اهدي ومافيش داعي للمشاكل
روز شافتله:تو نخش ناخدها بالاحضان
فارس:ايح على تسكير الراس
روز:ماحد يقولي كيف نتصرف
فارس:براحتك انزلي هي
سعاد:تي وين الفطور ياخدامات الهم
حميدة:لحظه يا مدام
سمر:اوووف زعما شن صار معاهم
محسن:اسكتي خير انتي
روز بصوت عالي:سماااح خودي جارح وخليك جنبه
سمر خافت
روز وقفت قدامها وبقوة جهدها عطتها كف:هدا بس لمجرد انك فكرتي تحطي يدك على خوي ومزالك
سعاد:انتي من تحسابي روحك
روز بصوت عالي:انا فيروز بنت عامر اللي بنقلب حياتكم لجحيم وربي ورحمة بوي اللي حرموني منه ناخد حقي وحق خوي وامي وندمكم
فارس واقف يتفرج
سعاد:قول كلمه انت شن ساكت
فارس:عاجبك اللي داراته بنت اختك شن علاقته الولد
سمر:قتلكم هوا طول لسانه
روز شدتها من شعرها:يا كذابه خوي مايطولش في لسانه على حد وانا متأكدة من الشي هدا بس انتي مستعجله عالخراب
سمر:نحي شعري يامريضه
روز:حميده
جتها تجري:نعم مدام
روز:دارها كلها تنزل للجنان وتنحرق مانبيش فيها قطعه وحدا
حميدة:اا
روز:كلمه 🤬
حميدة:حاضر
سمر:انتي شن تقولي ماليكش علاقه بداري شي مايخصكش
روز:تو نشوف يخصني ولا لا
سمر:فارس قوللها شن تحرقها انا مش قصدي نديرله شي خوها
سعاد:انتي هبلتي ولا شن في دماغك اطلعي برا
روز شافت لفارس:هدي امك وخليها بعيد عليا
سمر تبكي
روز:مزال تبكي لين تكرهي حياتك
سمر:انتي شن تبي منا
روز:نبي نلعب في حياتكم هكا وانتي اللي بديتي
نزل جارح:فارس
تلفتله:بطلنا فاق
روز جاته تجري قاماته:حبيبي كيفك توا
جارح:انا بخير لاتقلقي حبيبتي
روز:ياروحي خوفتني عليك
جارح:انا جائع جدا جدا
روز:وشن خاطرك تاكل
جارح:بان كيك 😍
فارس قرب منها وخداه:لا هكا بنتعاركو
جارح:لماذا
فارس:لاني نحبه هلبا
جارح:هل تعلم طريقة تحضيرة
فارس:ياعيني
جارح:اذا هيا للمطبخ
فارس:لكن بنبدو نحكو ليبي
جارح سكت شويه بعدين:تمام
روز ضحكت
فارس:اهو طلع اللسان ماشالله
جارح:انا مانعرفش جيدا
فارس:هههه حتا مخلطه كويس 😅
روز:نجي معاكم
فارس:اركبي ارتاحي
روز:عندي خدمة شويه ونجي رد بالك منه
فارس:ماشي
ركبت لدارها غيرت وسوات شعرها دارت لمسات ونزلت كندرتها في يدها
فارس:تفضلي
روز:ناكلش فيه شكرا شن كملت
جارح:اجل
روز:اركب لسماح تلبسك
جارح:اين سنذهب
روز:معاي للشركة معادش نخليك بروحك
جارح:حسنا ركب يجري
فارس:خايفه!
روز:معادش حاسه بالامان ابدا
فارس:اهدي بس وكل شي يجي بالراحه
روز:انت لصف مني
فارس:لصف الحق اللي مش عارفه لتوا
روز:اممم يعني نعتبرك صديق
فارس:اكيد
روز شدت في يده ولبست كندرتها:اوك يا دكتور
فارس:حاولي تغيري في نظام لبسك
روز:علاش 🥺🥺نلبس في طويل ومستور
فارس:وشعراتك مش سادنا عيونك
روز:احم تمام نحاول
فارس ضحك:حاولي حاولي
نزل جارح لابس بدلة رسمية:انا جاهز للعمل
ضحكو الزوز
فارس:اهلا بحضرة المدير
جارح:مرحبا ياصديقي
فارس:شن قلنا
جارح:سأحاول
تلفت غمزلها:حاول
روز:هيا اطلع قدامي حميدة اللي قلته يتنفذ بالحرف نلقى غلطه انتي تتحاسبي
حميدة:تمام
ركبو السيارة ومشو
جارح:روووز رووزتي الجميلة رووووزتي الجميلة
شافتله وضحكت:مزال تحبها
جارح:كثيرا اختي انا احبكي كثير
روز:وانا نموت فيك يا روح اختك
جارح:واحب فارس ايضا انه شخص لطيف
روز:امتا هدا
جارح:اممم منذ وصولنا
روز:بهي بهي
عصام في مكتبه:جهزتو الملفات
هيثم:ايه يابوي خيرك
عصام:خايف على تعبي من سنين
هيثم:على اساس تعبته انت عاد نعرفو بعض الشركات كلهم يتعاملو معانا على خاطر عمي عامر
عصام:سكر فمك واسكت
فتحت الباب وخشت:صباحكم انا
هيثم:شن مافيش باب تخبطي عليه
روز:مايلزمنيش انت اوقف اطلع من هنا بناخد المكتب هدا
عصام:نعم
روز:زي ماسمعت وانت من اليوم مكتبك وبوك وعمك مع بعض
هيثم:اقسم بالله لو ماتحترميش نفسك ياحيوانه وربي مامربيك غيري
روز مشت خطوات ووقفت قدامه:نشوفو من يربي من
عصام:طلبتي مكتب ويجهزولك فيه
روز:معادش نبيه حبيت هدا اكثر اي وغيره بعد حصر كل الاسهم نطلع انا اكبر حصه يعني الكلمة الاولى والاخيرة ليا هنا
عصام قريب طاح:بس انا اكبر منك واولى بالمنصب هدا
روز:من اليوم انا نمثل الشركة في الاجتماعات والصفقات وكل شي ومروان المحامي المسؤول اما الماليه رح نجيبلها شخص يديرها انت وخوك وولدك تكونو مسؤولين على التسويق
هيثم:انا المدير التنفيذي تنزليني لمستوى التسويق
روز:لو مش عاجبك الباب بعد 10ادوار 😏
هيثم يعيط:ماعندكش اي حق تجي تاخدي منا شغلنا
روز:لما يكون حقك وتعبك تكلم هنا يلا عاشغلكم وعيني منكم
عصام:خليني عالاقل نائبك
روز ضحكت:ماتخلينيش نحطك مسؤول نظافه 🤭
هيثم:احترمي نفسك بوي ماحد يقلل قيمته
روز:اطلع برا انت وياه
في الحوش سمر تبكي:بالله عليكم لا داري لبسي لا ياماما قولي كلمه
منيه:لما نقلكم ماتعادوهاش هيا الرابحه ضحكتو عليا توا اشربي يابنتي
سعاد:معليشي بنيتي ديري زيه واحسن ونوعدك من غدوة نطلعو ناخدلك احسن دار نوم
سمر:حقيرة ان شالله تموت
فارس في العمليه كل شويه يذكرها
ممرضه:دكتور انت كويس
فارس:ايه تمام
كمل عمليته وطلع
صاحبه حسين:خيرك طول العمليه مش مركز قريب ودرت المريض
فارس:ولا شي تعب بس
حسين:تعب ولا امور اخرى شايفك بديت تسرح
فارس:الهى في حياتك واخطاني خير 😏
حسيت ضحك:نخطوك علاش لا اللي فيك سادك
جارح ينقز عالصالون:روووز
مروان:تي قعمز يافرخ خلينا نعرفو نشتغلو
جارح:انت فرخ
مروان تلفتله:اياه اياه بدينا نحكو ليبي
جارح:نعم بدأ فارس يعلمني
روز ابتسمت:بهي قعمز باش ماتتعبش
جارح:اعطيني هاتفك
روز:هاك اي
مروان:الصفقات كلها كويسه بعد راجعت وسالت كم موظف عرفت انه هيثم ذكي وفي نفس الوقت عنده خبث في الخدمة اغلب الصفقات يجيب فيها عاحساب بوك يعني تعامله مع الشركات
روز:عاخاطر بابا
مروان:بالزبط وتوا ناوي بيخش صفقه مول كبير مع شركة مصريه والاجتماع مفروض يكون يوم السبت
روز:اوك سنرى من الاقوى يا ابن عمي المهم نعبا عليك تغيرلي ديكور المكتب والباقي تولع فيه النار
مروان:تمام
روز:هي حبي عندنا مشوار اليوم بترجع حناك للحوش
جارح:اخيرا سأراها
مروان:بعدين تو نجو
روز:اكيد الليله عشا للعيلة كلها نبيكم اول الحاضرين
مروان:تم
طلعت من الشركة دارت مشوارها ورجعت للحوش
جارح:رووزتي هل بامكاني اللعب مع هذة الجميله
روز:خويا مزعج ره يلعب جنبك عادي!
فدوى:ايه عادي
روز:شكرا
خشت
حميدة:اهلين مدام شن تبي الغدا اليوم
روز:ديري اي شي خفيف لانه في الليل عشا لكل العيلة
حميدة:حاضر
روز:سلام ياعيلة نشم في ريحة حريقه صح 😅شكله غرور سمر
سعاد:حسبي الله ونعم الوكيل فيك
روز:انتي اسمك منى!
منيه:لالا اني منيه
روز:اممم تمام الحقيني عندنا مانحكو وانتم نبي الحوش يلمع مع الشغالات ايديكم
سمر:مانيش خدامتك يا
روز:المرة هدي حرقتلك دارك الجايه في راسك تحركي ضمي الخارب ركبت لدارها
منيه:تفضلي
روز تمسح في مكياجها:هدرزيلي عالعيله نبي نعرف كل كبيرة وصغيرة تلفتت واللي في صفي رابح طبعا
منيه ضحكت:اكيد
هدا ياحنه من يوم سافر بوك كل شي انقلب عمك عصام يفهم في الخدمة سيطر عاكل الشركات وربى ولدي على الخدمة اما عمك عبدالله مسكتينه بالفلوس كل الشغل يجي لانه عارفين سمعة بوك ونظافته سمر بنتي عاطيين فيها كلمة لفارس اما فدوى عاحالها مسكينه ديما مع عمتي
روز:وباقي عيلتكم
منيه:عمي عنده زوز خوت بس هادوكا شغلهم في الاثاث عندهم اكثر من معرض الاول توفى عنده زوز ولاد عماد وعبد الحميد واحد متزوج وواحد قاعد والثاني عنده بنت وولد امينه وسامح عمتي علاقتها قويه بسلفاتها ويحبوها هلبا ديما يواصلو فيها اما صغارهم يجو في المناسبات الكبيرة بس
روز:اممم تمام مالا نعبا عليك تتصلي بيهم الليله يحضرو العشا عاخاطر حناي مروحه
منيه:حاضر
روز:ونبيك توقفي عالعشا تشرفي عاكل شي بنفسك مش واثقه في اختك وبنتك
منيه:تمام
روز:وليك مني هدايا تفرحك
منيه:سلمها بنيت سلفي نستاذنك
روز قعمزت عاسريرها وفتحت اللابتوب:امممم من القادم هههه 🙂جميل
فدوى:تعالا
جارح:لا لااريد
فدوى:هيا عاد
خش فارس:بست
جارح:فارس 😍😍
قامه:شن الجو
جارح:جميل مثل عيني روز
فارس:ياحليلي 😍😍😍 وينها هيا
جارح:في غرفتها
فارس:شن فيه زحمه هنا
فدوى:روز دايرة عشا
فارس:اممم شن رايك نمشو مشوار سري
جارح:اخبر اختي اولا
فارس:مادورش تو نتصل بيها وطلعو
الساعه 8 كل شي جاهز والضيوف وصلو
الكل تلفتو لمصدر الصوت و ......يتبع
