بطل قصتنا هو حازم.. شاب عنده 24 سنة من اسرة متوسطة خريج كلية تجارة بتقدير جيد، عايش مع امه واخته سارة في 3 ث ونهى ف 1 ث، ابوه طلق امه سافر وفي خلال سنة جالهم خبر وفاته. حازم كان خاطب واحدة من اجمل بنات القرية. سهام كلية حقوق سنة التخرج وكان خاطبها من سنتين. اتفق مع ابوها انهم يتجوزوا بعد ما تتخرج.
حاوم مكانش عنده شقة ودا اللي مخلي ابوها رافضه لكنه رضي ان بنته تعيش مع حماتها ف نفس الشقة خصوصا لان حماتها مشهورة جدا وكل نسوان القرية بتشكر فيها حتى مراته
الحكاية بدأت لما حازم كان خارج مع سهام واخوها حسام اللي ببقى زميل سارة في المدرسة. عدوا قدام اتنين شباب وكالعادة فضلوا يعاكسوا سهام، حازم عمال يقول (سيبوهم، طنشوا وخلينا ماشيين عادي) حسام دمه حامي فلف وشه وضرب واحد فيهم، اللي اتضرب طلع عليه مطوة، حازم لوى دراعه والمطوة وقعت من ايده، حازم محسش بنفسه لما اتضرب بحجر على دماغه اغمى عليه
فاق حازم في المستشفى وكان جنبه حسام، سأله (اي اللي حصل؟)
حسام (مفيش يا سيدي.. بعد انت ما اغمى عليك الراجل وقعت من ايده المطوة، جه يمسكها روحت ضارب ايده برجلي راحت المطوة طارت جات في سهام)
حازم اتخض(وسهام فين دلوقت)
حسام (متخافش هي كويسة بس.. ااا)
حازم (بس اي)
حسام (بص.. هي في البيت دلوقت.. لما تروح شوفها)
حازم (قول دلوقت خلص)
حسام (بهزر معاك يا عم.. هي كويسة وروحت البيت، المطوة مجاتش فيها يعني غزتها.. لا، هي بس جات في كتفها اليمين ع خفيف كدا لدرجة انها مصرختش يعني، الدكتور قال بسيطة واداها مرهم وهتروق بعد اسبوع، عايز حاجة انت.. عشان عندي درس)
حازم (ماشي سلام)
بعد شوية جات الممرضة (فيه واحد اسمه امير بيقول انه صاحبك وعايز يشوفك)
حازم (طبعا دخليه)
دخل امير ومعاه ورد (مش هتبطل تخضنا تاني)
وفضلوا يتكلموا اكتر من ساعة وف نص الكلام حازم قال (بس الحمد لله.. جات سليمة وسهام خدت جرح خفيف كدا في كتفها)
امير (وانت مصدق الكلام دا)
حازم (قصدك اي)
امير (يسطا دي متفقة معاهم... حمص اللي طلع عليكوا دا واحد من رجالتي اللي شغالين عندي في المحل، واقولك كمان، بكرة اخرج معاها وهتخليك تمشي ف نفس الطريق، هتلاقي واحد طالع عليكوا لابس وش الجوكر، هيثبتكوا وياخد الفلوس اللي معاكوا، وهتقولك روح انت عشان رايحة عند عمتي)
حازم خاف من جواه وقال (خلاص يسطا هبقا اشوف الموضوع دا)
حازم خرج من المستشفى وراح ع بشار جري..(يسطا عايزك ف حوار)
،، تتبع
أنت تقرأ
دايرة الشر (التعالب)
Mystery / Thrillerبعد ان خانته حبيبته، واسودت الدنيا في عينيه، يأتي ما يحول حياة حازم من انسان طيب الى مجرم خطير
