دايرة الشر (التعالب)

الفصل الرابع

مشوا ع الطريق وشافوا عربية نص نقل جاية من بعيد، شاورلها حازم، وقفت وركبوا ورا، امير (والعربية ظي رايحة على فين)
حازم (سؤال تاني وهرجع ادفنك جنب بشار)
امير (خلاص يا عم)
ناموا في العربية ولما صحوا لقوها واقفة قدام بيت قديم ف حارة بيوتها قديمة وشوارعها ديقة، حازم لقى الشنطة جنب امير، قال (امير.. انت فتحت الشنطة دي)
امير (بصراحة ايوة، وعرفت انت بتخطط لايه، ولو كنت قولتلي من الاول كنت اتصرفتلك فيها)
حازم (لا يا أمير، انا مش هدمن..)
امير (عارف عارف، انت عايز تبيعها)
حازم (كدا انت فهمتني)
اخدوا الشنطة وفضلوا يمشوا، يطلعوا من شارع يخشوا في التاني، ومن حارة لحارة والاماكن كلها شبه بعض لحد ما رجعوا مرة تانية لنفس المكان لكن معرفوش، تعبوا من كتر المشي والجوع، قعدوا جنب عربية فول، جالهم واحد وقال (شكلكوا تعبانين وجعانين، تاكلوا)
حازم (عندك حق والله دا احنا مكلناش من امبارح، بس مش معانا فلوس)
نزلهم اكل على حسابه وهما قاعدين ياكلوا اتعرفوا على بعض لكن حازم مش غبي عشان يقول انهم هربوا وقتلوا، فقاله انهم ولاد عم وهربوا من عيلتهم علشان عليهم تار، خلصوا اكل وسألوه (امال انت اسمك اي)
رد (هشام.. بس انا معروف هنا بالاتش)
حازم (وانت ليك في السكة دي) وغمز له
رد (اي اللي معاك.. حشيش؟!!)
حازم (بودرة)
رد (يبقوا انتو كدا مش هاربين من تار، انا فهمت كل حاجة حلك عندي)
حازم (اشطا)
اخدهم هشام لمكان مهجور، واحد بص لهم من فتحة صغيرة في الباب، واول ما شاف هشام قال (اي الدنيا)
رد (ابيض)
اتفتح الباب ودخلوا جوه (هات اللي عندك)
حازم (وانا اي اللي يضمن لي انك مش هتبلغ)
الراجل ضحك بضحكة عالية (ابلغ!!! انا هنا الكل ف الكل، انا اللي اقول الحكومة تيجي امتى ومتجيش امتى، واللي بييجي على مزاجي هو اللي بيمشي.. مفهوم؟؟)
سحب الشنطة من حازم وكان حازم باصص باندهاش وثابت مكانه كانه صنم
الراجل طلع كيس صغير من الشنطة وشمه (شكله صنف كويس، بس انت شكلك ملكش فيه، انتو هتشتغلوا معايا حاجة تانية خالص)
حازم (وهتشغلنا اي؟؟ و..)
رد (تؤتؤ متسألش، هتعمل معانا اول عملية ليك، لو نجحت فيها هتبقى من رجالتي، فشلت تتقتل)
حازم كان هيرد لكن امير منعه وقال (تمام)
رد (ايوة.. خليك عاقل كدا، هتناموا عند دي انهاردة وبكرة 9 بالثانية تكونوا عندي)
حازم (هو فين دي دا)
رد (وديهم يا ابني)
امير (الصبح ولا الليل)
رد (خدهم يا ابني بدل ما اتعصب)
حازم (وانا اي اللي يضمن لي انك متخلعش بالشنطة)
ضحك وقال (خد شنطتك اهي) ورماها له، اخدها ومشي
امير (بس متهيقلي ما كناش قولنا له هات الشنطة)
حازم (انا ميتضحكش عليا، احنا هنتصرف في البضاعة دي، طالما فيه واحد هنا يبقى فيه تاني، وبكدا نبقى كسبنا ثقة دا ودا)
،، تتبع