دايرة الشر (التعالب)

الفصل الخامس

مشي حازم وامير وهشام رايحين عند دي، وف حتة ضلمة خنقوه لحد ما اغمى عليه، ركنوه ع جنب وراحوا يبيعوا البودرة اللي معاهم، شافوا واحد وقال له (انا عارف ان معاك بودرة، وانك شغال مع الكنج، وريني اللي معاك)
حازم فتح الشنطة وادا له كيس منها، فتحوا وشمه، بعدها رماه ومسك ف حازم وامير (انتوا بتشتغلوني لا منك ليه)
امير (اي بس فيه اي)
رد (عاطيني دقيق ياد)
سابهم (روح شوف اللي ضحك عليك يا روح امك)
حازم قال لنفسه (يا نهار..)
مشوا ورجعوا لهشام.. فوقوه وفهموه ان دول ناس طلعوا عليهم ضربوه لكن هما قاموا بالواجب، اخدهم هشام وراحوا عند دي، تاني يوم راحوا للكنج
قال (انا مش عايزكوا تقلقوا من اي حاجة، مفيش ذرة خطر عليكوا، ومتخافوش من اللي هيحصل، كل االي طالبوا منك انكوا تشوفوا هيعمل اي واتعلموا منهم)
مشو بدون تردد لان حازم كل تفكيره كان شنطته، اول ما وصلوا هناك، وكان مع دي شنطة فيها مخدرات والريحة كانت مبينة انها المخدرات اللي كانت مع حازم من الاول، راحوا ولقو ناس مستنيينهم وفيه تربية ومكنة عد فلوس، وشنطتين فلوس، واحد من الاتنين اخد الشنطة وطلع كيس منها وشمه وقال (تمام)
دي (فلوسك)
رد (موجودة)
وفي الوقت اللي كان بيشم فيه الراجل البودرة او بيختبرها بالمعنى الاصح حازم شاف دي بيغير شنطة فلوس من جنب الراجل وبدلها بشنطة تانية، بدأ يعد في الفلوس في المكنة لكنها معدتش،
دي (الفلوس دي مش تمام)
رد (يعني اي)
دي (يعني مش تمام، ومفيش صفقة خلاص)
رد (لا استنى طب جرب دا) واداله فلوس تاني، لكن نفس الشيء، حازم عرف ان دي بدل الشنطة اللي فيها فلوس حقيقية بشنطة فيها فلوس مزورة وحس بالفخر باستاذه
التاني اخد الشنطة وقال (طب جرب من الشنطة التانية)
عد من الشنطة التانية ولقاهم سلام
دي (طيب كدا انت جدا جايبلي نص الفلوس.. يبقا تاخد نص البضاعة)، ووافقو
طلع نص الكمية برة وساب لهم النص التاني في الشنطة واداهم الشنطة ومشوا
دي قال لحازم وامير..(ها.. عاجبكوا الشغل، فهمتووا)
حازم (انتوا بعتوا البودرة بضعف التمن، نص الكمية بللفلوس كلها)
دي (ومين قالك اننا اديناهم بودرة)
حازم ابتسم ابتسامو خفيفة وقال (امال اي)
دي (هفهمك في الطريق)
وفي الطريق دي قال (الشنطة صحيح كان فيها بودرة.. لكن نصها بس، النص اللي انا طلعتوا، دا كان بودرة، النص اللي اخدوه كان ظقيق، دقيق زي اللي اتضحك عليك بيه امبارح)
حازم (اضحك عليا؟!! لا انا...)
دي (انت فاكرنا نايمين على وداننا لا فوق،لو فاكر نفسك هتتذاكى علينا انسى)
امير كان مندهش طول الرحلة،وسرح وهو ماشي،ودا كان سبب للي حصل
،،تتبع