جريمة الحب ✨ ( مكتمله )

الحلقـه (1) ✨

#جريمة_الحب (1)

كـاانـو البنـاات متجمعـاات ، اغلبيـة العيلـة متجمعين لـوطهه وكلهـم كانـو يستنـوو فيـهه ...

رجـع اليـوم بعد ما خدااـي قلبـي ، اليـوم بعد قعـدت انسانـه قووية ردنـي ألف خطـوة لوراء ...

بعـد 5 سنيـن غيـااب ومعانـااة ، جـي وجابلـي وجـع قلبـي معاه 💔 ...

————————

فـاصل شوي خلي نحكيلكم عنـي ...
اسمـي سمـر عمـري 25 سنـة ، مكملـة دراسـة ادارة اعمال ، ومانخدمش لانه فـي قانون عيلتنا ممنوع ..

اغلبية البنات هني مايقروش وموقفين ، لاننا في مدينـة ماشية بعادات وتقاليد قديمـة ...
لحد الان مستمرين بحاجات قديمة وعادات قديمة ، نعتبر اني الوحيده الي متحكمة في حياتي عشان اسباب ...

حنحكيلكم عن عليتـي ...
طبعا عايشين زي زمان ...
حياش في مزرعة كبيره فيها العمام والجد ...
عندي 3 عمام وبوي الرابع ... وعماتي متزوجات ولكن يجونا ديما ...

الجده متوفيه والجد ( زايـد ) كبير وعنده كلمه امشينا بقوانين قديمه ...  كان حنين وقاسي زي اي جد 😁اما اني كان يحبني حب خاص ...

عمي الكبير اسمه محمد مرته منى .
عنده..
ضياء ( خاطب ساره ) ومعاد واصيل متزوج الاء
بناته اسراء ومنتهى

وعمي المتوسط احمد مرته عواطف.
ندى و وصال وساره
وزياد  ، ومهاب 💔

عمي الصغير ( هاشم ) مرته ( فطومه ) ...
عنده ...
ايمان اكبر وحده والباقي صغار ...

امي ( سلوى ) وبوي (فاتح )

واني كنت بنت وحيده ماعنديش لاخوات ولاخو ...

—————————-

من صغري من زمـاان ، كـانو يقولو سمـر لمهاب ومهاب لسمر ...
زرعـولنا افكـار وخيـال ، زييي زي اي بنت فكرة في شاب وربطت احلامها وخيالها بيه...
لحـد ما جـي يوم تخلـى عنـي ... يمكـن مش منـه من القيـود الظالمه...

فـي الاول كان حيحقق احلامه بعيد عن المدينه ، ويـوم. بعـد يـوم اختفـاء وكانـه يقـول مانبيكمش في حياتـي ..
لحـد مااعتـرف انـه يحـب وحده وحيتزوجهـا بعيد عنـا..

مُهاب بكلامـه هذا  طيـح كلمة جـدي ، وكسرنـي ، وخـذل اغلبية العيلـه ...
كـان يقـدر يبرر بطريقة تانيـه ، او يعتـرف ، اكيد كان حد فينـا حيوقف معاه ... بـس لا اكتفـى بالهروب  ...

بالمختصـر ....
كانهـم غاصبينه عليـا 💔....

———————-

سمـر :- كانـت ضامـه روحها على الكرسـي وتتفرج من فوق ..لمحتـه هـو ، كـان مداير شووي عضـلات ولابـس نظارات شمسيـه ...
وكلهم كانو يستنو في الحديـقه ....

سمـر :- ناضـت ومشت بخطواتها ، لعنـد المرايـه ... دقـاايـق تتـأمل فـي نفسهـا ... شـوي وسمعـت صـوت زغاريـط تحـت ... غمـضت عيونهـا 💔 ...

سمر :- قعـدت تشبح في روحها على المرايـه ... وتردد ... مـش سمـر الـي يكسرهـا راجـل ، طـول عمـري تعودت على القوة واليـوم مـش حيتغيـر شـي 🔥... مـشت بخطوات سريعـه طلعت قفطان بسيـط ليها وبـدت تجهز فـي روحهـاا ....

————————-
.... ( قروب روايات كارمن ✨ )......
مُهاب :- خـش ومعاه مرته وقـدم بيسـلمو علـى جده ... باسـله ايـده ولمـا جـي بيبوس راسـه ...
زايـد ( الجد) :- شـارله بإيده بمنعـى حـول ...

كمـل سلم على البقيـة ووصـل لأمـه ....
عواطـف :- كـانت حااضنه مهاب وتبكـي ....

منتهى :- ياكبـدييي شووي وبنطيـح .. شوفوه كيـف ولـه😭...
ايمـان :- ماتحاولـيش 🙂 ..
منتهى :- شوفي مرته ، تو كان مش مهبول يخلي سمر وياخد هادي ؟؟ ....
وصال :-‏ هو صح انتي تقرمي في خوي 🙂 ، بس في هادي حق ...
ايمان :- بنات بطلو افلام ... محلاهاا الهـم ...
منتهى :- تي ارقـدي كلهااا ميك اب ...
وقعدو البنااات يقرمو .. قصدي يهدرزو 😂😂...

خشـو كلهـم للصـاله متع حوش الجد  ...
بدو في حووسة العيلـه ، طبعـا وعواطـف وسلفاتها مجهزه لولدها سفـره مطنطنهه 😂 ، ومايخـلاش من حووسـة الصغار ولعبهم ... كالعاده حوش الجد المسكين 🙂💔..

كـان مُهاب مقعمـز يهدرز مـع بقية الشبـاب ...
امـا عن مرتـه كانت مقعمزه وجـو البنـات يتعرفو عليها ..

مُنتهى :- اهلين ...
سحر (مرت مُهاب ) :- كانت تتكلم بدلع وكسر رقبه ...  هاااي ...
وصال :- اكيد حاكيلك مُهاب علينا ..
سحر :- احم اي اكيد ... بس مانعرفكمش ...
ايمان :- يسـلاام تو تعرفيـناا زين ... وشبحت لوصال ومنتهى 😌...

منتهى :- ايي حقا ماقتيلناش شن اسمك 🙂....
سحر :- اسمي سحر ...
ايمان :- ضحكت ... الاولى سمر وهادي سحر 😂..
سحر :- تغيـر لون وجها وكانها تضايقت ، بس ابتسمت عادي ....
ندى :- جت .. خيركـم علي مرت الغاالي انتي وياها ...
مُنتهى :- نتعرفو عليها ، صـح ؟ ....
سحر :- بضحكة صفره ... هههه اي نتعرفو ..
وصاال :- اسمعي اني وندى خوات مهاب .. طبعا اني وحده بطنـي توجعني لما نبي نقول شي ونسكت .. سوو بنقولك .....
مُنتهى وايمان :- فنصـو فيهاا ...
وصـال :- ايي هش علينا ، خلوني نقول ... اسمعي راه ملاخير خوي كان يحب سمر ، شن درتي بيش قلبتيله مخه ؟ ... في واحد طرف بنطيحه ، نبي ناخد نصائح من الخبره 🙂....
سحر :- تتكلم بصوت رقيق وينرفز  ... معـلش من سمـر ؟...

وهمـا يتكلمـوو ، قاطعهـم حس على الدروج ...
والكـل مصدوميـن وساكتيـن 🔥 ... لحـد ماقطعتهم ... يتبـع >>> ....
نكمل ولا لا ؟؟
———————————-

رايـكم في البداايـه قاايـز 🤭💙...
راكـم تدوخـو في الشخصيات 😂 ...
عالمهم قررو حبيتوها او لا ؟؟