#زوجه_ام_جاريه 💔 بنووتة الشيخ((مكتمله))

الحلقه 2

الحلقه طويله 😍❤️

ماكنتش بنزلها تو لكن نزلتها ع خاطر النت هادي@user850030928936 جدايات انزل اكتر من حلقه ع خاطرها و ع خاطر دعمها ❤️

#زوجه_أَمْ_جاريه2
نهاد:ينت ذكرياتي يلي زي السم ع قلبي و سرخاني قاطعني صوته يلي اول مره نسمعه
_انزلي مع خواتي وتو نجيك..... ونزل من السياره
نهاد:صووته🔥مجرد مسمعته دارلي قشعريره في جسمي قبل منشوفه كان صوت رجولي ممزوج بي الشخصيه لحضات ونسمع في اخته تنادي
زهور:نهاد هيا انزلي
نهاد:نزلت معاها وقعدت شاده فيها هيا واختها زمزم خايفه نطيح بي الكعب لين وصلت الحوش
زمزم:قيمي خمارك وشوفي حوشك ياغزاله
نهاد:قامت خمارها وابتسمت لما شفت الحوش يجنن من برا ارضي وبي جناناته
نهاد:مشاءالله ربي يبارك
زمزم:طبعا هاذا يلي جنبه حوشنا ويلي ع اليسار حوش سلفتك
نهاد:ابتسمت وهزيت راسها بمعني فهمت..... وخشت معاهم

خشت للحوش وكان اول شي ع اليمين مربوعه وكبيره وفخمه وقدامها صاله متوسطه الكبر فيها صالون وشاشه كبيره يفتح جناح ع الصاله من جيهة اليمين فيه 3غرف وحمام وعاليسار المطبخ وحمام صغير
زهور:وهااذي دار النوم
نهاد:ابتسمت.... صحيتي
زمزم:هيا زهور خلي العروسه تاخد راحتها..... تصبحي ع خير
نهاد:وانتي من اهله
طلعو زمزم وزهور وقعدت نعاد تتفحص في الدار يلي كان واضح عليها جديده، ❤️
نحت عبايتها ووشاحها وقفت ع المرايا تعدل في شعرها ويبست في مكانها لما سمعت باب دار النوم ينفتح
خش العريي وبدون ميشوفلها قعمز ع كرسي الزيانه يشوف للمرايا وينحي في ساعته
نهاد:تلفتتله وعيونها في الارض نراجي فيه يتكلم والصمت بينهم كان يخوف لين نطق اخيرا

_انا اسمي زين اعتقد تعرفي مواليدي وخدمتي وحتي عمري مفيش داعي لي اللكلك الزايد
نهاد:بدون متقيم عيونها نصدمت.... خيره هاذا خلوقه في حكه من اول يوم؟!
زين:تلفت لي نهاد وهوا متكي ع الحيط.. عرفيني بيك
نهاد:قامت عيونها وتلاقو عيونهم في بعض🔥🔥كانت صدمه لي زين متوقعهاش تكون قنينه وصغيره هكي❤️شعرها الاحمر وبيوضتها وجسمعا كانت تجنن
نهاد:قعدت دقايق عشان نستوعب يلي قدامي.... هاذا هاذا رسمي رح يكون راجلي؟! بلحيته شعره كتافه العراض🔥
زين:بهدوء... شنو مطوله لهدرجه صعب السؤال؟
نهاد:رجعت عيونها ع الارض وبدت تتكلم وتلخبط مره مره في الدوا... انا انا نهاد
زين:نحي جاكيته... تابعي
نهاد:عمري 20
زين:شن سبب طلاقك؟
نهاد:شابكه يديها في بعض... كنت زوجته التانيه ولما عرفت الاولى فرضت عليه يطلقني
زين:يطلع في حوايجه من الدولاب... لاوين قاريه
نهاد:وقفت من تانيه عدادي
زين:حط حوايجه ع السرير وقرب عليها.... فيمي راسك
نهاد:قامت راسها وشافت نضرت الجديه يلي كانت في عيونه
زين:انتي عارفه علاش متزوج؟!
نهاد:متحشمه... ق قق قالو ع هاطر مرتك متجيبش في صغار
زين:ربع يديه... شوفي انا منبيش نتعمق هلبا معاك اليوم معندي نيه في شي بنرقد لا ماسك ولا بنقربك
نهاد:عقدت حواجبها لما حست بي الاهانه بطريقه غير مباشره
زين:طلع شريط حبوب من جيبه... لو في يوم مسيتك فيه بسبب ولا بدون سبب رح تاخدي ها الحبوب وياويلك تحملي
نهاد:مقدرتش تخبي صدمة وجها وطلعو الحروف من فمها بدون ماتحس... علااش؟
زين:تنهد... منبيش صغار والحبوب رح تاخديهم زيك زي يلي واخذها قبلك وقبل قبلك
نهاد:قعدت تشوفله بدون مترمش ولا حتي مره... مم مش فاهمه
زين:دار ضهره بدون اهتمام وياخد في ملابسه... يلي خذيتهم قبلك زوز وكانو بنفس الطريقع يلي رح تمشي عليها انتي توا اكتر شي سنه وتقعديها معاي وبعدين تطلقي لانك متحيبيش في صغار.... وسر الحبوب مفيش خد يعرفه غيري وغيرك
نهاد:😨😨😨😨😨😨😨😨
زين:خش للحمام وسكر الباب بدون ميزيد كلمه
نهاد:عقلها بيتفجر من الاسئله ليش تزوجني؟!!!!! كيف هاذا خيره شن قصته؟