#زوجه_أَمْ_جاريه 6
خذي صونيه يلي فيها الميه وخش لدار عصر الفوطه وحطها علي راسها وطبعا كله تعليمات قوقل بعدين بعد عليها وقعد يشوفلها حس ان في شي غلط؟!!!
اذكر ان حط الفوطه علي العبايه يلي لابستها علي راسها😂
بعد الفوطه ونحا العبايات يلي لافهم بيها زي البراك ورجع حطلها الفوطه
قعمز زين جنب نهاد يلي كانت رااااقده ومتعلم بشي ويقلب في الفوطه علي راسها تقول لحم همبورقه😂
ويشوف لي الدواء يحفض في مواعيد تقول جدول ضرب
ترن ترن ترن
زين:ايوا
مجهول:وينك نستني من بكري مش بتجيب باقي الفلوس؟
زين:صارت عندي شوي مشاكل هكي
مجهول:نستنوك تجي اليوم؟!
زين:شاف لي نهاد
مجهول:الوووو
زين:هااا.... لا لا منقدرش
مجهول: تمام موعدنا بكرا
زين:تم
مجهول:سكر الخط
__________________
عياده(خالة زين) :غبااااااره علي فاطمه امتى صار هاذا كله
امنه:امس والله قريب حطيت مصاريني من الرعايش
عياد:والله يا امنه كان زين ولدي معاد نزوجه ياسر خلاص معقوله يعامل بنات الناس هككي
زمزم:كل يوم نقول فيه الكلام هاذا ياخالتي لاكن هاتي من يفهم
امنه:صالح مسكر راسه يبي يشوف صغار زين
عياده:وزين ميبيش صغار الله اعلم السبب والله اعلم علاش نساوينه ميحملوش
امنه:اااااه وخلاص
عياده:لاكن الاخيره صغيره يناري حرام عليه
زهور:تهبل ياخالتي تو تجي بكرا وتشوفيها محلاها
عياده:مسكينه
زين:كط يده علي وجها والحراره نخفضت غطاها وطلع من الدار رجع صونية الكمادات ع المطبخ وتوضئ... صلي العشاء بعدين قعمز قدام الصالون منه روحه يحكي في موضوع نهاد بس عقله مقدرش يصيطر عليه
زين:ممكن تصرفي هاذا بسبب صغر سنها.... ممكن لانها يتيمه ومعندها حد... يالله يلي فات مات وفي الجديد منبيش نرحم حد
مهما كان الغلط متاعها بسيط بنوريها شي عمره مشفاته عشان تعرف امي منو وتبطل الحركات التافها يلي ادير فيها
مريم:رقدت ولدها ومقعمزه مع العيله... وصلها مسج ع الماسنحر وقلبها فرررح لما شافت اسم زياد
زياد:اهلين مريم
مريم:اهلا بيك
زياد:شنو وصلتو حوش خالتي؟!
مريم:اي من بكري
زياد:تمام ترا اطلعي من بحداهم شوي نبيك في موضوع
مريم:تمام... طلعت برا وردت ع المكالمه
مريم:ايوا
زياد:اها شن جو
مريم:تمام بخير
زياد:اءء مش عاوف كيف بنخشلك في الموضوع
مريم:بخوف... شن في؟!
زياد:بوي اصر اني نكتب كتابي عليك عشان حمودي
مريم:قلبها فرررررح... اها؟!
زياد:وافقت عشان يخليني ناخذ البنت يلي نبيها بس رح يكون زواجنا ع الورق بس رح تكوني في حوشك
مريم:اءء اي اي💔💔
زياد:انتي نشو رايك؟!
مريم:والله اي شي في مصلحة ولدي منرفضاش
زياد:تمام امالا متفاهمين
مريم:ت تت تمام
زياد:تصبحي ع خير
مريم:وانت من اهل الخير
سكرت مريم الخط وشعورها مختلط بين فرحه يعني ع الاقل جزء بسسسيط من حلمها رح يتحقق بس حزنها علي مشاعر الحب يلي حاملهم لي وحده غيرها
أنت تقرأ
#زوجه_ام_جاريه 💔 بنووتة الشيخ((مكتمله))
Fiksi Umumالروايه منقوله (أروي الطاهر_بنووتة الشيخ)
