#زوجه_ام_جاريه 💔 بنووتة الشيخ((مكتمله))

الحلقه 12

#زوجه_أَمْ_جاريه 12

نهاد:تفضل
زين:خدي منها القهوا بدون ميشكرها
نهاد:تشرب في قهوتها شوي شوي والصمت بينهم
زين:يقلب في القنوات
نهاد:زين
زين:عيونه في التلفزيون... ها
نهاد:حبيتها؟
زين:شبحلها وقام حاجبه... مني؟
نهاد:ام ليث
زين:شافلها بنضره مستفزه ورجع يشوف لتلفزيون ويشرب في قهوته
نهاد:سألتك
زين:حاجه متخصكش هادي ومش كان عرفتي عليا شوي ححات يعني خلاص ليك الحق تدخلي وتعرفي كل شي
نهاد:مش ندخل... لاكن خاطري نفهم قصتك زين حبيتها البنت؟
ليش مش راضي تجيب صغار؟ خايف يجوك كلهم متلزمة دوان ولا تبي ادير بالك علي ليث بس؟
زين:مزدش عليها
نهاد:حطت القهوا متنرفزه وناضت لي دارها
زين:سمع باب دار النوَ تسكر قعد يفكر في داخله... شن يعني نحبها؟ شن معني الحب!!!
طول حياتي عامبتها عادي نجيب يلي تطلب فيه وبس لين ماتت!!.... لاكن شنو يعني نحبها؟ اصلا في حياتي مفيش حد قالي نحبك باش نفهم الحب شنو

زياد:ابتسم لما خشت صقاء لدار وفتح يديه ليها
صفاء:رقدت في حضنه وواضح عليها الحزن... مبكري زهور قالتلي خبر بس العيله قاعدين ميعلموش
زياد:يمسح علي شعرها... خبر شنو ياروحي
صفاء:نهاد حامل
زياد:تفاجئ... الله😍به اخيرااا حملت الحمدالله قداش ليه زين يتزوج ويطلق عشان الحمل
صفاء:قامت عيونها وكانو معبيات دموع.. وانت؟
زياد:يمسح في دموعها ويبتسم... انا عندي احلا واجمل بنت في الدنيا كلها هيا مرتي وبنتي وحبيبتي وكل شي
صفاء:ناضت قعمزت وتتكلم بتردد... زياد في شي بنقوله
زياد:مسك يدها... شنو
صفاء:بما ان انا خلاص مستحيله نحمل اءءء ليش لييش متاخدش مريم و...
زياد:قاطعها... متكمللللليش صفاء
صفاء:سكتت
زياد:قعمز جنبها... اخر مره نسمع منك الكلام هاذاااا مستحيل نضيع حب سنين عشته معاك بسبب موضوع الصغار هاذاااا نحي من راسك مريم ونحي من راسك كللل شي يبعدني عليك فاهمه؟ خلاص فديت منه الموضوع هاذا معش نبي نسمعه
صفا:بدت تبكي ومسكت يده.. خايفه بعد وقت تسيبني
زياد:حضنها... انتي مكانك بين ضلوعي وكان نسيتك نضيع خلاص بطلي الكلام وخلينا نعيشو حياتنا
صفاء:حضناته بقوه❤️

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

ثاني يوم🌤️🌤️

زين:شاف نهاد لابسه وموتيه صاكو صغير... وين
نهاد:تلبس في ليث... نبي حوش خوي قداش ليا ممشيتش بنغير جوي شوي
زين:اشر بعيونه علي ليث.. وهاذا؟
نهاد:بيمشي معاي طبعا
زين:لا مفيش مشي حطيه عند امي وانتي بري
نهاد:بجديه... لااا مستحيل نخليهولهم انت مش شايف كيف امك متقززه منه
زين:اذكر نضرات امه💔
نهاد:تترجي فيه بعيونها.. زين بالله عليك وراسك خليه معاي نخاف نخليه بروحه منعرفش كيف بيعاملوه
زين:في لحضه انصدم كيف نهاد خايفه علي ليث كأنه ولدها.... كملي واطلعي السياره
نهاد:بفرح.. امممبه☺️☺️