#زوجه_أَمْ_جاريه 17 و الاخيره
نهاد: غفت جنب بنتها شوي وناضت ع صوت بكاها خذت الشيشه وطلعت من الغرفه وصلت لصاله وهني كانت صدمتها... كان زين واقف ونجاح مقربه منه هلبا وتحكي معاه وزادت قربت اكتر لين لصقت فيه
نهاد:قلبها متحملش ورجعت غرفتها بسرعه قبل ميحسو بيها تبكي من وسط خاطرها💔معقوله يكون زين متع نساوين ويستر ع روحه بشخصيته القويه؟!
نقرت من يلي شفاته تحملت هلبا عشان حبها اي زين وبنتها و ليث بس لحد هنايا وخلاص معش قادره اكتر من هكي
______________
نجاح:غير خليني نفهمك الله يربحك زين
زين:دفها بلقوه لين طاحت و هددها بصوت وااطي عشان نهاد متنوضش من النوم... اقسم بعزة جلالة الله تعاودي الحركات هيا تلومي الا نفسك
نجاح:بدت تبكي وتحاول توقف
زين:عندك من هني لعند يوم الثلاث ومعش نبي نشوف خليقتك في الحوش اقلبي وجهك وخليني نعيش مع مرتي و صغاري بهدوء
نجاح:تبلع في ريقها... لاكن!!!
زين:قاطعها... ملاكنش ولو حاولتي حتي شوووي حتا نص محاوله بس تخربيلي حياتي صدقيني رح تموتي بين يديا
نجاح:سيباته ورجعت لي غرفة الضيوف وسكرت ع روحها
زين:خذي نفس عميق ومحسش غير عند نهاد في غرفة ليث❤️
نهاد:اول مسمعت خطواته جايه من بعيد سكرت عيونها بسرعه
زين:شاف بنته وليث ورجع لي نهاد غطاها وباسها ع خدها وطلع
فاتت ليله صعبببه ع نهاد قلبها محروق والف سؤال في بالها مش لاقيتله جواب غير ان زين خاين ومش مزبوط
اما نجاح ع طول حكت مع امها عشان يشوفو حل تاني يخلي زين يتزوجها ويصرف عليها هيا و امها وتعيش في مكان نهاد
صفاء:طول الليل بالها مشغول علي زياد حاسه ان في شي وزي اي وحده تحب راجلها خافت يكون الموضوع متعلق بوحده تانيه
زياد:كانت في غصه في قلبه مش عارف كيف بيحكيها بس ضروري لين يطلع الصبح💔
قعد طووول الليل نايض بس مسكر عيونه قدام صفاء ع اساس انه راقد وهوا في الحقيقه يعد في الثواني عشان تطلع الشمس
زين:رقداحلا نومه❤️ وهوا حاس بشعور حلوو مع نهاد مش حايه من قبل ولا جربه اصلا مش عارف شنو بس يلي متأكد منه ان يبيها جنبه طول العمر وبس
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم🌤️🌤️🌤️
ناضت نهاد الساعه 10 الصبح خشت غرفة نومها خذت حوايج ليها وشوية حجات تبيهم وهيا طالعه جت عينها علي زين كيف راقد❤️قلبها تقطع الف مره لانها وهمت روحها بي شي و في النهايه اكتشفت شي تاني دمرها من داخل💔
طلعت نهاد من الغرفه للحمام ع طول خذت دوش خفيف يمكن يهون عليها حرقت قلبها شويه وطلعت... كانت لابسه سروال اسود قظني ❤️مع فنيليا صوف واسعه شوي لونها بيج فاتح وقامت شعرها بدون اي شي في وجها ✨
طلعت لي بنتها يلي كانت قاعده راقده غسلتها وبدلتلها ورضعتها ع طول استسلمت لنوم من جديد😍❤️اما ليث خلاته راقد
أنت تقرأ
#زوجه_ام_جاريه 💔 بنووتة الشيخ((مكتمله))
General Fictionالروايه منقوله (أروي الطاهر_بنووتة الشيخ)
