#زوجه_ام_جاريه 💔 بنووتة الشيخ((مكتمله))

الحلقه 10

#زوجه_أَمْ_جاريه 10

زين:في شي؟!
نهاد:اءءء اء ها؟!
زين:مقعمزه هنايا تبي شي؟!
نهاد:زين ففف في شي لازم تعرفه
زين:شبحلها بي استغراب
نهاد:دموعها ينزلو بشكل مش طبيعي لدرجة خلت زين يبي يعرف سر دموعها؟!
زين:شن فيه
نهاد:زز ز زين انا حامل💔
زين:رمش بعيونه اكتر من مره بصدمه... شششني؟! كيف كيف
نهاد:تبكي وخايفه... منعرفش كيف صار هكي
زين:حافض علي هدوئه... كيف عرفتي؟
نهاد:تمسح في دموعها... اختبار منزلي مبكري خذيته من صفاء شكيت في روحي لاني حاسه بوحم
زين:رفض انه يصدق.... نوضي البسي تحركي
نهاد:بخوف... وو وين😨
زين:بعياط... وووين يعني بلا استعباط نوضي البسي نمشو المختبر
نهاد:بلعت ريقها... تتمام
زين:مسح وجعا بيديه ويحاول يتمالك اعصابه بعد ما خش الخوف لقلبه

_______________

طق طق طق
صفاء:جااااايه... اهلا مريومه
مريم:كيف الحال
صفاء:الحمدالل تفضلي
مريم:لا والله مستعجله جايني خوي عندي موعد في عيادة الاسنان ونبيك في خدمه
صفاء:ادللي
مريم:نبي نخلي عندك حمودي مابين جيت غير زمزم وزهور طالعين
صفاء:اكيد هاتيه حمودي جبتي حجاته؟!
مريم:اي شيشته واتيه مرات يقعد راقد لين نجي وكان فاق وقعد يعيط عطيه الشيشه
صفاء:خذاته... تمام متشغليش بالك
مريم:صحيتي هي بسلامه
صفاء:سلمك.... وسكرت الباب

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

في المصحه نهاد وزين مقعمزين يستنو في النتيجه وزين متوتر ومره مره يفتح في تالفونه ويسكر
نهاد:تدعي في داخلها يطلع مفيش حمل
الدكتوره:نهاد عبد الفتاح
زين:ناض خدي منها  التحاليل
نهاد:طمنيني دكتوره
الدكتوره:تمام امورك كويسه رح نكتبلك فيتامين عشان صحة البيبي لانه قاعد في الشهر الاول
نهاد:شافتلها بخوف.... يي يعني حامل؟
الدكتوره:بي استغراب.... اي ليش مش زوجك هاذا؟!
نهاد:اي اي راجلي
الدكتوره:تفصلي... مدتلها ورقة الروشيتا
زين:طلع قبل نهاد بدون ميتكلم ولا يقول اي شي
نهاد:راجعه لسياره بخطوات مهزوزه والخوف كان كبير بشكل لا يوصف... ركبت السياره
وزين:قعد مقعمز بدون ميحكي فتره بعدين ولع السياره وطلع
نهاد:زز ز زين انا م.....
زين:يشوف لطريق ويعيط بغضب... صووووووتك
معش نبي نسمممعه... تضحكي علي اناااااا متاخديش الحبوب باش تحملي ونقعد معاك بسيف؟ زاااااابط امها الحركات هيا مش عليا
نهاد:تبكي بدون صوت
زين:يخبط ع دومان السياره.... مش عييييييل انااااا ميفوتش عليا الجو هاااااااذا لاكن حسااابي معاك ساهل

______________

زياد:واقف قدام باب دار النوم يتأمل بدون صوت
صفاء:كانت نقعمزه ترضع في حمودي وعيونها كلها حب❤️تمسح عليه وتبوس فيه بهدوء ودايره بالها عليه بشكل مش طبيعي
زياد:باس صفاء ع راسها
صفاء:ااه حبيبي امتي جيت؟!
زياد:يبتسم ويلعب في حمودي...ملياش هلبا مشاءالله انتي مش لاهيا بشي الا بيه لين غرت
صفاء:هههههههه
زياد:شن جيبه الصايع هاذا عندنا
صفاء:تمسح علي شعر حمودي... امه عندها موعد في العياد ه خلاته عندي لين تجي
زياد:امممم به ياسرك معش تبوسيه
صفاء:هههههههه محلاه لايقاوم
زياد:وانااااا😡
صفاء:بساته ع لحيته😍... انت غزالي انا
زياد:ياحليلي 😌
صفاء:هيا حبيبي نوض ولع ع الغدي يسخن مابين كملت لحمودي ونجي نسقي
زياد:ناض بيطلع بس رجع... قتلك
صفاء:قامت عيونها.... ها حبيبي
زياد:رح تكوني احلا ام في الدنيا
صفاء:ابتسمت.. لانك بوهم🙊❤️