#مريضي
#الحلقه_4
اسماء
تتصل
اسماء:الوووو
حنين: الووو اهلين سومه كيف حالك طمنيني
اسماء: الحمد لله بخير ياحنونه
حنين: باهي طمنتيني
اسماء:حنين بنطلب منك طلب
حنين: اطلبي سومه اكيد
اسماء:نبيك تمشي لحوش اماليا وتجيبي عده شنطة التمريض متعتي
حنين:علاش
اسماء: توة لما تجي نقولك كل شيء تمام
حنين: تمام ساعه بالكثير ونكون عندك
_______
في حوش ناجي
مسلم: يااام هيا جعااان
فتحيه: اصبر ياولدي
مسلم: حتى الصبر فد مني راه
طق طق طق
فتحيه: نوض شوف من ع الباب
مسلم ناض وفتح الباب
مسلم: اوووو حنونه وين مغيبه خزي عليك من لما تزوجت اسماء وحني معاش شفناك
حنين: بعد من وجهي هو 3 ايام بس ماشفتني
مسلم:😂😂
حنين: وين عمتي فتحيه؟
مسلم: في الكوجينه اديرلي حاجه ناكلها جعاااان
حنين: من امتى تشبع انت
مسلم: بري حنييين😒
حنين كانت اصدقاء هي واسماء من الابتدائي وتسكن قريب من اسماء هي بنت وحيده من عمر اسماء طبعا خوت اسماء كانو يعتبروا حنين اختهم الصغيره ومتعودين عليها هلبة وطبعا جو حزاره والي يقربها ياويله زي ماتقولو سند ليها
حنين: توووحه حبي
فتحيه: حنين يامعفنه وينك
سلموا ع بعض
حنين: اسماء كلمتني وتبي حاجات من دارها
فتحيه: خشي بري وخوديلها شن تبي
حنين: تمام
خشت حنين لدار اسماء
واتصلت بيها
ترن ترن ترن
اسماء: الووو حنين
حنين: وين حاطتهم
اسماء:.................
حنين: تمام القيتهم هي شويه وجاياتك لكن استني نعرفش نعتته الحوش
اسماء: غباره حتى انا نعرفش استني نشوفلك حد
طلعت من الدار تشوف حد القت حليمه
اسماء: لو سمحتي تعالي
حليمه: نعم مدام؟
اسماء: شن اسمك قبل كل شيء؟
حليمه: اسمي حليمه
اسماء: ايه بالله هاكي صاحبتي في التلفون نبيها تجيني مش عارفه نعتته الحوش قوليلها وين
حليمه: استغربت وكلمت حنين وعطتها النعته
اسماء: تمام؟
حليمه: تمام
__________
عند ماجده
مقعمزه وشاده صورة ولدها احمد وتبكي
حليمه: مدام ماجده
ماجده: تمسح في دموعها : نعم؟!
حليمه: توة مدام اسماء عطتني نكلم صاحبتها باش تجي هني
ماجده: ياسلام وبدت حتى تعزملي صاحباتها
صفاء كانت خاطمه...شن في؟
ماجده: مافي شيء
صفاء: 😒😒😒
مشت حليمه للمطبخ وجت وراها صفاء
صفاء: حليمه شن صاير؟
حليمه:..... وحكلتها ع اسماء
صفاء : امممممم😈 وبااااهي
_______
وصلت حنين لحوش وخشت ونزلت من سيارتها وتجري وتشوف في الحاجات وبوووم تنخبط في حد
مهند: اوووف
حنين: ااه اسفه وربي ماشفتك
مهند: شاف حنين سرح في جمالها
حنين: توترت اسفه
مهند: ولايهمك ...بس من انتي؟ انا ولا مره شفتك
حنين: ااء ء انا.نكون صديقة اسماء
مهند: اااه اسماء مرت خوي تفضلي خشي
حنين: شكرا وخشت
مهند: قعد يتبع فيها لن خشت
حنين طق طق طق
حليمه: فتحت الباب : من حضرتك
حنين: انا صديقه اسماء
حليمه: استني هني
حنين: انصدمت كيف مادخلوهاش: ااء ء تمام
حليمه: مدام مدام وصلت صديقه اسماء
ماجده: بر......
اسماء: كنتي عارفه انها صاحبتي علاش مخليتها تستنى؟!
حليمه وماجده مصدومين😨
اسماء: تصرف زي هذا معاش نبيه وحليمه الحقيني نبيك
حليمه : ااء ت تتمام
ومشت لجيهة الباب
اسماء: حضنت حنين وكان في غصه في قلبها💔
حنين: ستاحشتك حبيبتي
اسماء: اعطيني الحاجات وعطتهم لحليمه وقتلها توصلهم لدار
وقعمزوا البرا
حنين: خير ان شاء الله خيرك هكي حبي
اسماء: بدت تبكي😭💔
حنين: اسم الله عليك حبيبتي ومشت حضنتها وقعدت تبكي في حضنها وبعدين هدت وتمسح في دموعها
اسماء: تعرفي
صفاء: السلام عليكم كيف حالكم
اسماء: بصوت واطي استغفر الله
حنين: بابتسامه مجامله وعليكم السلام
صفاء سلمت ع حنين وانا نكون سلفت اسماء وانتي؟
حنين: انا صاحبتها
صفاء: كيف بتقعمز
اسماء: لو سمحتي خلينا بروحنا في موضوع لازم نحكي فيه
صفاء: انصدمت ااء تمام
ومشت متعصبه
حنين: عيب عليك
اسماء: هذه يكون في علمك جايه تقصقص بس وللعلم تستاهل الاسلوب هذا لانها اسلوبها منحط
حنين: فكيني منها المزيته هذه وقوليلي شن صار
اسماء..... اااه💔 وحكتلها كل شيء يخص حمزه
_______
عند مهند
خش للقهوة وشاف مسلم مقعمز يشرب في القهوة
مهند: السلام عليكم
مسلم: عليكم السلام كيف حالك مهند
مهند: تمام نقدروا نحكوا؟
مسلم: تمام تفضل
مهند: الموضوع يخص اختك
مسلم: ان شاء الله خير شن صاير؟
مهند:خير خير... انت عارف انها تزوجت خوي حمزه وعارف وضع حمزه
مسلم: اكيد انا الي عارف حمزه😔
مهند: اختك شن قاريه؟؟!
مسلم: قاريه طب واظني تبي تتخصص في امراض نفسيه والعلاج الطبيعي
مهند: كويس يعني ممكن تساعد خوي؟!
مسلم: ايه ان شاء الله تقدر لكن اختي ممتبدئه يعني كيف تخرجت
مهند: بس اختك ع طول عرفت بحالة خوي وشن صار معاه وشن يبي
مسلم: لو تقدر تساعده اسماء مش ح تقصر صدقني وهي طيبه مستحيل تأذيه
مهند:وهذا الكلام الي نبي نسمعه
مسلم: علي خير ان شاء الله
_________
حمزه كان يشوف لاسماء من الروشن بس لما شافها تبكي قضب حواجه وزعله منظرها
خشت ماجده لحمزه تشوف فيه
ماجده: حمزه ولدي
حمزه: ساكت
ماجده: ركزت ع الروشن القاته يتفرج ع اسماء ويتامل فيها
ماجده: مسحت ع شعره وبدت تبكي وهو ولا كانه معاها
أنت تقرأ
مريضي
Romanceبنت تتزوج بسبب تأثر وتزوجت رجل معاق هل البنت هذه تقدر ترجع الولد لوضعه الطبيعي تعالو نشوفو في سلسلة حلقات مريضي
