مريضي

الحلقه 5

#مريضي

#الحلقه_5

مهند كان قاعد في الجنان ويدخن
اسماء: صباح الخير
مهند: صباح النور
اسماء: ممكن نحكوا مع بعض
مهند: ياريت والله عندي مانحكي حتى انا
اسماء قعمزت
مهند: جايه ع خاطر حمزه صح؟
اسماء: صحح ونبي نعرف شن صار معاه
مهند: توة نحكيلك
قبل 5 سنين حمزه كان مذيع في قناة بس كان مايحبش يطلع للتلفزيون هلبة كان يحب يجيب الاخبار
وينك ياحروب غاطس فيها وينقل في الحدث مباشر هو وصاحبه ندير

#عوده_من_الزمن

حمزه: ضرب ندير ع رقبته: وين تفكر
ندير: محلاه المنظر والورد
حمزه: شاف قدامه: هانت اليوم اخر يوم ونرجعوا
ندير: اممممم
حمزه: ستاحشت المدام ولا الصغار😜😜
ندير:حتى في تفكيري خاش فيه الصبر
حمزه: هههههههه وبعدين سكت وقعد يتامل
ندير: وين تفكر امممم شكلك عند.....
حمزه: حتى في تفكيري خاش فيه؟
ندير: ههههههه تبردش فيك ياكلب
حمزه: اكيد😌
ندير: باذن الله البرنامج الي درناه ح يكسر الدنيا لانه عرفنا معلومات هلبه
حمزه: تي اكيد مالا شن 😌😌
ندير: حمزه انا بنقدم جيهة الورد صورني
حمزه: فكنا ياراجل الاراضي هذه ملغمه
ندير: تي بيلغموا جيهة الورد هيا هيا
حمزه: يا ندير
ندير: بنوريها للمراه 😉😉هيااا
حمزه: ههههههه لا في هذه عندك حق
جهز حمزه الكاميرا وحطها علي عينه
ندير بدي يوخر يوخر باش يجيب الوضع المزبوط وفجاه عفس علي حاجه
ندير: شاف تحت بس قعد ثابت وبعدين شاف لحمزه
ندير: حمممممززززه
حمزه: نعم
ندير: نوصيكش علي بنتي الي جايه اعتبرها بنتك من اليوم
حمزه: نزل الكاميرا ويشوف لندير
وبووووووووم (لغم)
حمزه لانه كان قريب تنطر بعييد
#عوده

اسماء: تبكي
مهند: انتي تخيلي يصير انفجار وتشوفي جنبك تلقي اعضاء صاحبك جنبك رجله وايده كان منظرررر مستحيل شخص يتحمله
حمزه اغمي عليه بعد ماشاف المنظر رفعناه للمستشفى كان وضعه حرج شويه والشظايا جو فيه وقعد اسبوع في العنايه
ولما فاق هذا حاله
اسماء: تبكي وتتكلم ماكنتش نتوقع الوضع لهدرجه وصح شفت مكان العمليات بس توقعت انه ع خاطر رجليه مش شظايا
مهند: تنهد.... اسماء شفاء خوي بعد ربي انتي
انتي بعتك ربي مخصوص لحمزه بعد السنين هذه كلها
اسماء: باذن الله ح ندير جهدي بس نبيكم تساعدوني امك مش موافقه عليا يكل
مهند: انا كلمت بوي وبوي موافق وامي ماتقدرش كلمه مع بوي
اسماء: تمام ... بس بنسالك
مهند: تفضلي
اسماء: عندك فيديوات لي حمزه وصاحبه؟
مهند: ايه عندي محتفظ بيهم
اسماء: تمام نبيك تعطيهملي كلهم وايه ياريت تعطيني رقمك
مهند: ايه تمام سجلي عندك
اسماء: تم
مهند: امتى تبيهم؟
اسماء: توة تقدر؟
مهند: تمام هي
اسماء: تمام
وناضت
صفاء: شن ديري هني مع راجلي بروحكم
اسماء: نقرت حاجبها وبعدين شافت لمهند : صدقني حمزه مش مريض نفسي في ناس تانيه مرضى غيره
صفاء: احترمي نفسك انتي الي قاعده مع راجلي....
مهند: صفااااااااء تكلمي باااهي والزمي حدودك شن الكلام الي تقولي فيه هذا
صفاء : خافت من مهند ومشت
مهند: نعتذر بدال عنها
اسماء: لا ولايهمك بس مابعدك منها من الاخير باينه المراه مش علي حالها
مهند: خليها في سرك يا اسماء
اسماء: تمام جيبلي الحاجات لو سمحت
وركبت اسماء لدارها