#مريضي
#الحلقه_3
ماجده قربت من حمزه وتلفت لاسماء : هذا حمزه ولدي ويكون زوجك
اسماء: انصدمت ماتت ماعرفتش شن دير
ماجده: طبعا عاجز ومايقدرش يتكلم
اسماء: صدمه ورا صدمه مشت طلعت تجري للدار وسكرتها بالمفتاح ونهارت بكي
قعدت ساعات تبكي ولا وقفت كانت مقهوره ومنهاره ومش مصدقه الي صاير كله
_______
عند ماجده
زعلت علي اسماء ووجعها حالها كانت مهما كان موقف ماتوده لعدوك
نزلت تحت ولقت عيسى
عيسى: شن صار يا ماجده
ماجده: اول ماشافاته انصدمت وطول هربت للدار وسكرت ع روحها
عيسى: هذا الي كنت خايف منه
ماجده: ان شاء الله خير
________
مهند مقعمز قدام المسبح ويفكر
كان مهموم كان طول عمره يحلم يتزوج بنت الي يحبها ويجيب معاها صغار
بس بسبب العرف والعادات والتقاليد تزوج بنت عمه
مهند عمره ماحب صفاء ولا تقبلها وغصبوه عليها لانها بنت عمه ولازم يتزوجها
ليه متزوج 6 سنين وماجابش صغار
في يوم عطي (عينه) لمرته ورفعتها للدكتور وطلع انه مايجيبش الصغار (عقيم)
صفاء: شن قاعد مقعمز هني بروحك
مهند: الواحد لما يقعمز بروحه علاش
صفاء: يا اما مهموم يا اما يفكر وانت اما واحد فيهم؟
مهند: الزوز
صفاء: وفي شن تفكر
مهند:ناض وكان بيخش وقف جنبها وشبحلها ابتسامه بارده: مادخلكش وكمل طريقه
صفاء: تعصبت وخشت مغلوله
_________
فات اليوم وجي المغرب
اسماء كانت تعبانه حالتها حاله فاقت وناضت شافت لروحها في المرايه
كانت اول مره تبكي هكي اول مره يكون شكلها هكي وجها منفوخ من كثر البكاء عيونها تعبانات حمر بشرتها شاحبه كان ماكياجها سايح ع وجها
تنفست بقوه وخشت الحمام غسلت وجها وقررت تواجه الواقع
طلعت من دارها ومشت لدارها التانيه الي فيها حمزه وكانت خايفه من الموقف
وصلت قدام الدار تنفست بقوة وطقت
طق طق طق وفتحت الباب وخشت
كان حمزة زي العاده يشوف للروشن وسارح
اسماء خشت وسكرت الباب
عم السكوت هدووووء واخيرا تكلمت
اسماء:السلام عليكم
حمزه: سمع الصوت شاف توتر وفجاه راسه صدع
اسماء ركزت عليه
بعدها طق طق طق فتحت اسماء
القتها ماجده كانت جايه خافت من ردت فعل حمزه لا يعيط او مايتقبلش وجود اسماء
حمزه وجهه قضب حواجبه عيونه سكرهم اسماء ركزت عليه
كانه يذكر في شيء (هههههههه.....وقفي خلاص .....ياربي😠..علاش هكي) كان يذكر ويسمع في الاصوات هذه
قربت منه
وماجده تراقب الوضع
اسماء خدت ايده تقيسله في النبض كان نبضه زايد
حمزه فتح عيونه وقعد يشوف لاسماء هدوووء لحمزه قعد يشوفلها ساكت
ماجده: انصدمت كان حمزه مش متقبل حد الا امه وبنت تانيه صغيره
اسماء: كانت تدرس في ردات فعل حمزه نبضه بدي يهدا شوي
شافت لماجده : اااء شن اسمه قلتيلي
ماجده: ااه حمزه
اسماء: شافت لحمزه ...انت تعشيت
حمزه: يشوفلها ساكت
اسماء: ماتعشيتش صح
حمزه.........
اسماء: معلش عمتي نبي عشاه
ماجده: تمام هي توة نبعتهولك
بعدت اسماء من حمزه وقعمزت ع طرف السرير وقعدت تشوفله
اسماء: وجهه مش غريب عليا ياربي وين شفته وييين وييين
وبعدين شن صار معاه ياترى من اول ما نجاب هكي او عامل صدمه او حادث صار معاه
انا لازم نعرف كل شيء
طق طق
جابت ماجده العشاء واسماء قربت من حمزه
وبدت توكل فيه وكانت ماجده تراقب في الوضع
اسماء ركزت ع ماجده : ااء اطمني ع حمزه تقدري تتفضلي انا ح نقعد معاه
ماجده:انصدمت من كلام اسماء كانت شخصيتها قويه وصريحه وماتهابش بكل
________
مهند وصفاء وعيسى ع سفره العشاء
ماجده:مساء الخير
كلهم:مساء النور
عيسى:خيرك عطلتي وين كنتي
ماجده: كنت عند حمزه
عيسى: تعشى
ماجده:توكل فيه اسماء
مهند وعيسى وصفاء:😨😨😨
مهند:كيف صار هو حني اهله مش متقبلنا كيف هكي
ماجده:نعرفش من اول ماخشت وهو يشوفلها ولما قربت منه سكت وهدي وتعشي فيه توة ياكل ولا اي رده فعل
عيسى: سبحان الله
ماجده: الحمد لله ع كل حال
صفاء: كانت تشوف بنظرات خبيثه وناويه ع الشر
_______
في مكان مظلم مقرف مليان مجرمين
سليم قاعد يدخن بشراهة وسارح يفكر
وجدي: السلام عليكم يا اخ
سليم: عليكم السلام
وجدي: شن يابرو شن تهمتك
سليم:قتل
وجدي: قتل حتى انا
سليم:من قتلت
وجدي:مرتي حرقتها بالناااار
سليم: علاش؟
وجدي: كنت نحب وحده وخوها اتغصب حبيبتي وخشت في حالة نفسيه
فا انتقمت لحبيبتي وقتلتلهم اختهم بطريقه شنيعه
وانت؟
سليم: صاحبي ...ع خاطر اوراق ومصلحه
وجدي: طلع دخان ونفخ بيني وبينك ناوي نهرب
سليم: معاك😈
وجدي: بس يبي راه
سليم:اي مبلغ تبيه انا حاضر
وجدي: تم ياعم
__________
صفاء وصلت لدار حمزه
طق طق طق
كانت اسماء كيف مدوشه لابسه بيجاما كحله وشعرها قاعد مبلول
فتحت الباب
شافتها صفاء ونار الغيره بدت تولع عندها شافتها احلى منها
اسماء: تفضلي من حضرتك
صفاء قدمت وحضنت اسماء مبروك عليك ياسلفتي
اسماء: حولت من عليها واكتفت بالابتسام
صفاء:تفكرتينيش انا امس وصلتك مع راجلي زي ما تعرفي تزوجتي واحد معاق لا يهش لا ينش بختك ياوخيتي
اسماء: شافت لحمزه وبعدين شافتلها وابتسامه بارده: شكله في الحوش هذا مش حمزه بس المعاق
صفاء: شن قصدك
اسماء: الي سمعتيه
صفاء: خشت ع اساس تطمن ع حمزه وهي كانت تبي توتره ودخله في نوبه خوف
قربت من حمزه
صفاء: حمممززه حمزه وشدت ايده
حمزه شاف لصفاء وتوتر وخااف فتح عيونه علي وسعهم بدي يتسنج ويطلع في اصوات غريبه
صفاء ابتسمت بشر :حمزه حمزه خيرك
اسماء:مشتله تجري وتشوفله في النبض بس هو شد ايد اسماء بقووووه وكانه يستنجد بيها
اسماء:اططلعي برا بسرعه توة نتفاهم معاه
صفاء:ع اساس متوتره وخايفه عليه وطلعت تجري
اسماء:قعدت تهدي فيه وديرله في مساج باش يخف التسنج لن هدي تممااما
حركت الكرسي متعه وقرباته لسريره وساعداته باش يركب لسريره وغطاته وشويه وخداه النوم
اسماء: ردة فعله مش طبيعيه علاش خاف منها هي ؟؟ مع انه نفس الحوش وتقبلني انا
وشن خلاه هكي انا لازم نكتشف كل شيء من غدوه
كانت اسماء تفكر في موضوع حمزه بجد كانت ناويه تساعده وبالاخص هي ممتازه في شغلها وزياده حمزه متقبلها وكانت تشوف في شيء ايجابي من جيهته
اسماء كانت تشوف حمزه حالة مريض عندها ولازم يتعالج ماليشي دخل بزواجه بيها او شيء كل همها توة تساعده فقط وتثبت نفسها
_________
تاني يوم☀️🌤
ناضت اسماء توضت وصلت وكان حمزه قاعد راقد
طق طق طق
فتحت الباب القت ماجده قدامها
ماجده:صباح الخير
اسماء:صباح النور
ماجده: بنوض حمزه يفطر وياخد دواه
اسماء:خليه الموضوع عليا
ماجده: ااء ء تمام
اسماء: بعدين فاضيه؟ نبي نحكي معاك في موضوع؟
ماجده: اكيد بعدين انزلي نشربوا قهوة ونحكوا
اسماء:تمام
اسماء فيقت حمزه ودخلاته الحمام حشاكم ونظمت اموره وطلعت من الحمام فطروا وخدي حبوبه وقعمزاته قدام الروشن زي العاده
اسماء غيرت ملابسها ونزلت لتحت القت ماجده تستنى فيها
اسماء: السلام عليكم
ماجده:عليكم السلام
قعدوا يسالو على حال بعض وهكي
اسماء: عمتي بنخشلك في الموضوع طول .... حالة حمزه واضحه صدمه نفسيه وخلاته هكي وحسب خبرتي انه لازم يتعالج نفسي وبعدها علاج طبيعي لرجليه
الصدمه النفسيه خلاته لا يتكلم لا يقدر يتحرك وعايش في عالم تاني
ومش متقبل حد
امس جتني صفاء واول ماقربت منه جاته نوبه خوف وتسنج
ماجده:كانت مصدومه من كلام اسماء وكيف عرفت حالته
اسماء: ياريت نبي منك تحكيلي شن صار مع حمزه بالزبط باش نقدر كيف نتعامل معاه وممكن علاجه علي ايديا
ماجده: بغرور واضح واستخفاف من كلام اسماء: رفعناه لاكبر دكاتره في اي بلد يخطر في بالك ومافيش فايده بتجي انتي كيف متخرجه بتعالج ولدي
ياريت تخليك في حالك ماتبيش تهتمي بيه انا نهتم بيه وقصه مرضه مادخلكش فيه لو سمحتي
اسماء: كانت مصدومه من كلام ماجده بس خلت روحها عاديه وابتسمتلها ...عن اذنك
وناضت ومشت لدارها
وكانت متعصبه من كلام ماجده
اسماء: صار انا كيف متخرجه ومافيش مني فايده بااااهي والايام بينا وتوة تشوفو حمزه كيف بعدين
_________
مهند نزل وشاف امه وجها ابصر كيف
مهند: يام خيرك؟
ماجده: مرت خوك
مهند:خيرها
ماجده: عرفت طول بوضع حمزه لانها دكتوره وخايفه تكشف سره
مهند: مرته هذه يام حتى كان عرفت شن فيها
ماجده:تي كيف تعرف هذه تمشي تقول للناس كلها
مهند: تي علاش بتقول
ماجده:باش تنتقم
مهند: يااام بالله فكيني من دوه النسون
ماجده:ومرتك السوسه هذه
مهند:خيرها شن دارت
ماجده:امس بعد العشاء ركبت لمرت خوك تشوف فيه وقربت منه وبدت حاله الخوف متعه وعارف شن يصير لحمزه قدام اسماء
مهند: تعصصصببب وطلع للجنان
_______
اسماء
تتصل
اسماء:الوووو
حنين: الووو اهلين سومه كيف حالك طمنيني
اسماء: الحمد لله بخير ياحنونه
حنين: باهي طمنتيني
اسماء:حنين بنطلب منك طلب
حنين: اطلبي سومه اكيد
اسماء:نبيك تمشي لحوش اماليا وتجيبي عده شنطة التكريض متعتي
حنين:علاش
اسماء.....
.
.
.
#يتبع
أنت تقرأ
مريضي
عاطفيةبنت تتزوج بسبب تأثر وتزوجت رجل معاق هل البنت هذه تقدر ترجع الولد لوضعه الطبيعي تعالو نشوفو في سلسلة حلقات مريضي
