مريضي

الحلقه 1

#مريضي

#الحلقه_1  المقدمه❤

احمد: لاااا يا سليم ماديرش هكي حني صحاب مايغركش الشيطان
سليم: توة خلاص ياولد عمي الفلوس ووصلوا ووالورق وعندي هي تشاووو😏😏
احمد: لااا... طاف طاف طاف ......سليم قتل احمد ضربه 3 رصاصات وجاته قاضيه ومات
_________
ماجده: قلبي قبضني ان شاء الله خير عيسى اتصل بولدك احمد شوفه
عيسى:شن ولدك صغير الي بنقعد نتصل بيه وننشد وينك وينك
ماجده: والله قلبي قابضني اتصل بيه انا ماباش يرد عليا بلكي انت يرد عليك
عيسى: الصبر هي اهو نتصل بيه
اتصل مره اثنين ثلاثه ماردش

وبعدها بنص ساعه رن تلفونه ترن ترن ترن
عيسى: الووووو
😨😨😨
طاح اغمي عليه
__________
في مكان تاني كانت أسماء قاعده ع السرير وتشوف في كميه الهدايه الي جايتها
كانت تشوف لروحها في المرايه وتبتسم مع نظره ثقه شموخ وعز ومع شويه غرور
كانت لابسه قفطان اكحل شيفون طويل وماكياج بسيط وشعرها الطويل مفتوح وناعم زي الحرير

كانت فرحانه ومبسوطه لانها كانت مدايره حفله تخرج كبيره وفخمه
كيف لا وهو بوها من اكبر التجار ومن شيوخ القبيله
وزياده ناجحه من الطب بتقدير ومعدل مرتفع
غيرت ملابسها ومسحت مكياجها
هي اسماء عمرها 27 سنه تخرجت من الطب البشري وبتاخد تخصص في الامراض النفسيه والعلاج الطبيعي
اسماء كانت شخصيتها قويه جميله جدا بيضه شقرا كانت ليها نقش حلو شعرها طويل ذهبي وعيونها خضر
طبعا كانت البنت الوحيده في الاحفاد اعمامها كلهم جابو ولاد بس الي هي البنت الوحيده والباقي حتى خوتها ولاد فقط
طبعا ساكنه في حوازه كبيره فيها مجموعه من الفيلات حوش الجد وحوش العمام
___________
احداث متداخله في بعضها تخاريف
( هههههههههه.....مصح وجهك تصدق....باهي زيد شويه باش نصورك ....هههههههه .......لاااااا....اااااه لااااا)
حمزه ناض مخلوع من الحلم :هيييي😨 بعدين بدي يعيط بشكل هستيري
مافيش حد سمعه ليش؟ شن صاير......؟؟؟
بينوض عاجز صوت بينادي مايتكلمش ..... يبي يطلع من الكابوس خوف رعب الم وجع عيط عيط عيط ماسمعه حد لن اغمي عليه💔💔💔

في نفس الحوش الي فيه حمزه كان مقام عزي
عزي احمد خو حمزه
مات غدر
مات في عز شبابه
مات كيف؟ صديق روحه قتله
بس هاذو قبائل بيسكتووووا؟؟؟؟؟؟

__________
يامعلم يامعلم
ناجي: نعم شن في؟؟؟!!! جايني في هالليل
عامر: الحق يا معلم راه ولد خوك سليم قتل صاحبه احمد وهرب
ناجي: لاحول ولا قوة الا بالله يا عليك ورطه حطنا فيها
فتحيه: ياعليك عمله يا ناجي شوف برا دير حل ولادنا بيمشوا فيها كان هذا
اسماء: خيرك يا ماما شن صاير؟
فتحيه : ولد عمك سليم قتل صاحبه احمد
اسماء: هيييي ووينه توة هو؟
فتحيه: هرب ومش معروف وين مشي
اسماء: استغفر الله العظيم 😠ناقصين حني من بلاويه هذا يبيش يعقل بكل

كانت اسماء تكره حاجه اسمها سليم وتوه تعرفوا السبب الحلقات الجايه......
_________
مجموعه من الشباب في سيارات واسلحه ومش ناويين الخير ومتعصبين ويبوا ياخدوا بتار احمد
عيسى كان يبكي مش فاهم شن يدير

جي الشيخ الكبير للعزاء وشاف الولاد
سليمان: شافلهم وبصوت عالي وحازم من امتى حني شبابنا تطلع ودير  الشوشره هذه قبل ماشيوخ القبيله تاخد القرار وتعطي الحكم ؟؟؟؟
مهند اخ احمد الكبير : كيف تبينا يا شيخ نستنوا لن يهرب ويسافر برا البلاد وانا خوي دمه يمشي هدر هكي والله مانرضاها انااا
سليمان: ترفعش صوتك عليا....وكلمتي ماطيحش وطا
مهند والشباب سكتوا
وفي لحظه رفعوا سلاحهم وكانو ناويين الشر ومصوبين في جيهة السيارات ..
كانو سيارات عيله ناجي جايين للعزاء ومعاهم ناجي

نزل بروحه ناجي من الاول وسلم ع شيخ القبيله وخش لعيسى
ناجي: عظم الله اجرك
عيسى : ماباش يرد حتى عليه وكان خاطره بيلزه بس ع خاطر الشيخ سليمان ماقدرش
سليمان: غدوة الصبح مع الساعه 9 في اجتماع للقبيله فاهمين؟
وكل الشيوخ لازم تحضر وتوة كل واحد في حوشه يخلو عيسى يرتاح شويه قبل غدوه
وغدوة تصدر القرارات علي المغضوب عليه الخاين سليم ولد محمد وولد اخ الشيخ ناجي
ناجي بعد ماسمع هكي معاش زاد كلمه وطلع روح
_________
ثاني يوم☉🌥
ماجده: حمزه حمزه ولدي نوض
حمزه: ناض مخلوع قعد يشبح لامه ويشوف للدار خايف
ماجده: شاده دموعها قدام حمزه لانه حتى لو قتله هو في عالم تاني مش معاهم
مايعرفش الا امه وبنت صغيره بس...مع الوقت نعرفوا قصتها البنت هذه💔
ناض وساعداته يوصل للكرسي المتحرك ودخلاته للحمام حشاكم ودوشتله ولبس وقعمزاته لنفس المكان المعتاد وجابلته فطور ووكلاته
كان حمزه سرحان في الروشن يشوف للناس كان مش متقبل اي شخص ويخاف منهم
__________
اسماء تتكلم في التلفون
اسماء: عليك هم ياريت يقتلووه ونفتك منه
حنين: خزي عليه الخايب علي خاطر شن هذا كله بالله عليك
اسماء: والله مانعرف صاحب عمره يقتله خاين
حنين: ايه والله
اسماء: ..... وكملوا هدرزه
حنين تكون صديقه اسماء المقربه وتوة نحكوا عليها في الحلقات التانيه
______
شيخ سليمان: انا حكمت ......
ناجي: لااا ياشيخ مايجيش مافيش قرار تاني؟
عيسى: ولا يمكن نرضى بالشيء هذا ولا تحلموووو
سليمان: وانا حكمت وتمت...........
.
.
.
.
#يتبع