#مريضي
#الحلقه_2
الشيخ سليمان: انا حكمت بعد مشاورات وبعد تفكير ح يتم حبس سليم ولد محمد..... وح نزوجوا بنت الشيخ ناجي للولد الشيخ عيسى
ناجي: لاا ياشيخ مايجيش مافيش قرار تاني؟
عيسى:ولايمكن نرضى بالشي هذا ولا تحلمووو
سليمان:انا حكمت وتمت وكلمتي ماطيحش وطا
سليم بينحبس وياخد جازاته وباش يوقف التار لازم واحد من ولادك يا عيسى يتزوج بنت ناجي
ناجي:انا بنتي شن دخلها كان هو مش خوها ؟
سليمان:مافيش في عيلتكم بنت غير بنتك يا ناجي ولا بطيح كلمتي؟
ناجي: سكت
سليمان: الحل الوحيد انها تجيب عيل يحمل دم العيلتين باش يوقف التار هذا والا كل يوم ح ترفعوا من كل عيلة واحد للقبر
العرس والفاتحه الخميس الجاي جهزوا روحكم
عيسى: ناض متعفلق
وروح للحوش خش للمربوعه
التموا العيله ...مهند ومرته صفاء وماجده
ماجده:شن صار؟؟؟!
عيسى: اااااااه💔
عيسى: بيحبسوا سليم توة بيدوروه ووو
ماجده:وششننن تكلم
عيسى: ويبو يزوجوا بنت ناجي لواحد من ولادي
ماجده: ههههيييي يا ولدي😭😭😭💔
صفاء مرت مهند:شن يتزوج من بتتزوج
عيسى: لازم تتزوج ويجيبو عيل يحمل الدمين باش يوقف التار
مهند: مستحيل الشيء هذاااا مستتتحححيييل تي كيف خوي يمشي دمه هكي ولا فوقها بنمشوا ناخدوا منهم
وبعدين
عيسى : هذااا اخر الكلام
صفاء طلعت متعصبه ومهند طلع للرجاله
ماجده تبكي : كيف ياعيسى الشيء هذا كيف؟ كيف بنتقبلوها بيناتنا 😭💔
عيسى حط ايديه ع وجهه :راني بنموت ياماجده الاول حمزه وتوة موتت احمد انا راااه معاااش عندي حيييل معاش عندي حيل😭💔
ماجده: تبكككي
_________
ناجي وصل لحوشه
مسلم: شن يابوي شن صار
ناجي ناديلي امك واختك
قعمزوا مع بعضهم
فتحيه: ان شاء الله خير يا ناجي شن صار معاك
ناجي: بيحبسوا سليم وووو
فتحيه: وشن
ناجي: شاف لاسماء بيزوجوا اسماء لواحد من ولادها
اسماء: شنوووو شن تقول يابابا كيف هكي مني الي بيتزوج
فتحيه: شن الكلام هذا يا ناجي
مسلم: ياااابوي شن ؟؟؟؟
ناجي: لازم تتزوج اسماء لانها البنت الوحيده في العايله و باش يوقف الدم وتجيب عيل يحمل الدمين
اسماء: شفتوا لو تطبق السماء ع الارض ماني متزوجاته
هو القاتل هو الي يتحمل مش ملزمه انا بيه انا شن ذنننبببي بس قولولي شن ذنبي
ناجي: كلمتي ماطيحش يا اسماء
اسماء:نقتل روحي ولا نتزوج ومشت لدارها
سكرت الباب بقوة ومن كثر الغضب بدت تكسر في الحاجات
واتصلت بحنين
اسماء: الووو حنين
حنين:اهلين خيره صوتك
اسماء: اااه بس💔😭😭
حنين: خيرك احكي شن صار ؟؟
اسماء: ........وحكتلها الي صار
حنين:هيييي😱وتوة شن بديري؟
اسماء: مش متزوجاته يقتلوا اونه بعضهم تنحرق الدنيا ماخصنيش
حنين: ربك يستر.......
_________
جي الليل
صفاء: ترن ترن
مهند: نعم خيرك ياصفاء
صفاء: تعالى نبيك اركب لدارنا
مهند: تمام
وصل مهند لداره ...مهند:نعم صفاء
صفاء: شن قصة الزواج هذا
مهند قعمز ع السرير والله ماني عارف يا صفاء
صفاء: خوك هذاكا مهبول وانت متزوج وانا علي جثتي ماك متزوجها
مهند تعصب: خوي مش مهبول فاهمه وكلمة بوي ماطيحش وطا وكان قالي بناخدها لا انتي ولا غيرك يوقفني اهم شيء كلمه بوي ومكانته في المجلس فاهمه
وكيف بيطلع وقفه صوت صفاء
صفاء:بهزوه وباااه ناسي الشرط😏😏
مهند تلفت : شرط شن
صفاء: ههههه ضحكت بهزوه
مهند:تكلمي
صفاء: لازم تجيب عيل يحمل الدمين بس انت عقيم 😏
مهند:نزل الكلام عليه زي السم ...نزل راسه وسكت
صفاء: تخيل انا وعيلتك سترنا عليك وسكتنا وقلنا نستنوا في رحمة ربي
تخيل البنت هذه تسمع ...فضيحتك ع البلاد كلها مهند ولد عيسى عقيم
مهند: ساكت وخاطره مكسور من كلام صفاء
صفاء قربت منه: عندي ليك حل حلوووو
مهند: يشوفلها
صفاء: زوجوها لحمزه
مهند: وحمزه تشوفي فيه عاجز
صفاء : هكي ولا هكي مش ح تقدر تجيب صغار تتزوج وبعدها تتطلق وتقعد بنت احسن
مهند: اقنعه كلام صفاء
صفاء: ايه غدوة كلم بوك وامك وقوللهم ع فكرتك
مهند: تمام
وطلع
_____________
اسماء طالعه من دارها وتسمع بوها
ناجي يبكي: طول عمري يا فتحيه انا نربي في بنتي وقريتها ونبيها دكتوره قد الدنيا وفرحان وفخور بيها وفي الاخير يجي واحد عيل يكسرني ويكسر بنتي
فتحيه: باهي مافيش حل تاني😭
ناجي: مافيش يافتحيه ولادنا كلهم يمشوا عيسى مش ساهل بكل💔 كان هذا ولادنا كلهم يمشوا فيها
فتحيه تبكي: يأاااارب رحمتك ياااارب😭💔
اسماء رجعت لدارها وبدت تبكي كسرها بوها وكلامه
بعد فتره هدت خشت الحمام وغسلت وجها ووقفت قدام المرايه
تكلم في روحها: انا اسماء بنت ناجي الي مستحيل تكسرها حاجه انا ح نكون قويه بس وربي يا سليم كان ماوريتكش الويل وانتقمت منك حتى وانت في الحبس نتسماش اسماء وبينا الايام
ثاني يوم☀️🌤
ناضت اسماء ونظمت امورها وتنفست بقوة وطلعت
القتهم ع سفره الفطور قربت من بوها وحضناته : انا مستحيل نكسر كلمتك ولا نطيح من قدرك انت ربيتني ع القوه وباذن الله ح نكون قدها
ناجي: عيونه دمعوا : طول عمرك رافعتيلي راسي يابنتي 😭💔
اسماء باست راس بوها: طوول عمرك راسك مرفوع يا بوي
ناجي: ربي يرضى عليك يابنتي
________
عند مهند
مهند نادى امه وبوه
مهند: بوي امي انا مش ح نقدر نتزوج
عيسى: علااش ياولدي كيف هكي
مهند:يابوي اسمعني للاخير ......وحكاله شن صار بينه وبين صفاء
عيسى: بسسس
ماجده: كلام مهند صح تتزوج حمزه ومهند لا
عيسى: نزل راسه تمام
______
حمزه كان زي العاده قاعد يشوف للروشن وهايم في مكان تاني
خشتله ماجده اتفطر فيه
ماجده: حمزه حمزه ولدي تسمع فيا كلمني ياولدي
حمزه: ولا كانه يسمع فيها في عااالم تاني
ماجده: ااااه ياكسرتي انا😭😭💔
______
فاتت ايام العزاء وفات اسبوع وشدو سليم وحبسوه
وجي الخميس يوم عرس اسماء
اسماء لابسه فيلو بسيط تسريحه بسيطه وماكياج ناعم كانت تههههببل😍😍😍
قاعده في الكوشه كئيبه حزينه تستنى في مصير تاني ماتعرفش شن هو حوش غريب عليها راجل عمرها ماشافاته
عيله ماتعرفهاش وين بتعيش كيف بتعيش كانت التساؤلات هذه كلها في راسها لن قطع
فتحيه: هيا نوضي يابنتي البسي كابك العويله جت
لبست وركبوها للسياره القت مهند يسوق ومرته صفاء من القدام استغربت كيف مش راجلها الي موصلها
وصلت للعيله دوب ما استقبلوها وكانو مش عازمين حد ولا مدايرين شيء
وصلوها لدار ودخلوا شناطيها وقعدت تستنى
اسماء: وينه هذا؟؟؟!
فاتت الليل وقرب الفجر قررت تنحي الفيلو وتمسح الماكياج
غيرت ومسحت ولبست بيجاما ورقدت
______
ماجده: يا حليمه
حليمه: نعم مدام
ماجده: هاك نوضي العروسه واعطيها الفطور
حليمه :تمام
ركبت حليمه لدار اسماء
طق طق طق
اسماء فاقت وكان قلبها بيطلع :ادخل
حليمه بابتسامه : صباح الخير
اسماء: اهدت شويه صباح النور
حليمه: تفضلي فطورك حطت السفره وطلعت
اسماء: خشت غسلت وغيرت حوايجها
وبعد شويه طقت ماجده
طق طق طق
اسماء: ادخل
ماجده : صباح الخير
اسماء: صباح النور
ماجده: تشوفلها ...تعالي معاي
اسماء: استغربت تت تمام
مشت اسماء ورا ماجده
وقفت قدام دار ماجده فتحت الباب
ماجده: تفضلي
خشت اسماء وراها وشبحت شخص قاعد ع كرسي ويتفرج من الروشن استغربت شافت الدار القت سرير متع مرضى وسرير زوجي
ماجده قربت من حمزه وتلفت لاسماء : هذا حمزه ولدي ويكون زوجك
اسماء: انصدمت ماتت ماعرفتش شن دير
ماجده: طبعا عاجز ومايقدرش يتكلم
اسماء: صدمه ورا صدمه مشت طلعت تجري للدار وسكرتها بالمفتاح ونهارت بكي ووووووو
.
.
.
.
#يتبع
أنت تقرأ
مريضي
Roman d'amourبنت تتزوج بسبب تأثر وتزوجت رجل معاق هل البنت هذه تقدر ترجع الولد لوضعه الطبيعي تعالو نشوفو في سلسلة حلقات مريضي
