# أصابني الجنون
للكاتبة... ديسمبر
ارد الـ يوجعن ،
بـ "الله كريم" تهون ..!
🖤...
..................................................
يلا ماما كعدن راح تتأخرن على المدرسه
ترف.. اباوع ع عمة شون وجهة ذبلان من القهرر والضيم بس مع ذلك تضل تضحك بوجهنة حتى ماننقهر عليهة
تنهدت وكلت صباح الخيرر عمة
آمال... صباح الخيرات بعد عمتج يلا كومي وكعدي هاي التنبل ماتقبل تكوم راح احضرلجن الريوك قبل لايكعد المغضوب عليه
ترف... كامت عمة تمشي ع كيفهة ولو احس جسمهه تعود ع ضرب كامت تتعايش وياة لان تعودت علية
التفتت اكعد ب نور وحصرتني الضحكة ع منظرهة لافة روحهة لف بلغطة واديهه ع اذنهة حتى متسمع الصوت
لج تنبل مالتنه كومي لاسوين روحج نايمة ترة مبينة كاعدة
نورر....اوووف اووووف هوه الينام يمج يعرف النوم كلساع مطيتني دفرة مطيرة الخاصرة والكليتان
ترف.... عيني ام الكليتان بطلي جذب يمتة اتحرك بنومي اني
نور... اييي شمدريج انتي غافية ورجليج شويه وتصير بوجهي على يوم ماتدرين بنفسج تنامين على فطوم وتخنكيها
نوب كعدي لطمي مشهوره بلطم انتي
ترف... فكيتت عيوني عليهة لج شهل اللسان توج كاعده بعدج ممتريكة ونهديتي بية كومي يلا فضينه نبدل وونروح قبل لايكعد عمي
نور .... كمت كمت لااله الاالله
ترف.. محمد رسول الله كفختهة ع راسهة وشفت فطوم متكشفة غطيتة وطلعت اباوع عمي ع نومته مال بارحة متعودين كل مايشرب يجي يسويلنه هوسه وينجطل بلصالة للصبح يلا يكعد
طبيت للحمام وغسلت وطلعت بدلت ورجعت للمطبخ لكيت عمة محظرة الريوك ع الميز صبيت جاي وكعدت اكل
امآل... يلا ماما همن ايدجن تريكن بسرعة قبل لايكعد السيد الوالد
نور... المحترم الشهم البطل ابو الغيرة العراقية
ترف... جانت تحجي بستهزاء وتضحك خزرتهه عمة سكتت
رغم هوه علاقته مرة زين وعشرة لا بس عمة متقبل ع حجيهة ودوم تكلهة ابوج زين لو موزين يبقة ابوج واسمة باقي وياج طول العمر وغصبا عليج تتحترمي .
خلصنه ريوك رحت غسلت وكفت يم السنك اباوع من شباك
المطبخ الجوو مغيم وقطرات مطر دتنزل خفيفة كلت اليوم
يخبل
نور.... تموتين ع هيج جوو يغث ويقبض الكلب
ترف... انتي كلشي بيج عكس العالم اكوو واحد مايحب هيج جو ومايحب المطرر رادت ترد عمه حجت بلا مناكرجن من الصبح يلا امشن كملن تبديل وطلعن لمدرستجن
رحت لبست الشال الاسود ماحب البس ابيض ع رغم الكل يكلي يلوكلج بس اضوج منة
اخذت جنطتي وطلعت لكيت نور مكملة
نور... يلا ماما حنروح باي
آمال... الله وياجن ماما ديربالجن بلطريق
ترف... انشاءللة عمة
طلعنة نمشي بشارعنة اكو واحد شكلة مو راحة دوم اشوفة ومن يشوفني بس يضل يغامزز ويذب حجي دائما احاول اجنبة وماارد علية لان مااريد مشاكل بس نور تضل تحوص تريد ترزله واني مااخليهه من وصلت يمة كال
