:::أصابني الجنون:::
للكاتبة ديسمبر
- إِنها تَشبهَ تَفاصيل
" بَغـــــداد "
حُسنهُا گالمنصُـــــورِ
وعيناهَـــا گـ جَمال الاعظَميةَ
" شَعرُها گ نهر دِجلـــةَ "
وعِظمتهُا گـ شارِع المتنبي ♥️
/////////////////////////////////////////////
!رجع منير وساند عمي وجهه مورم ويمشي ع كيف
كمنة اني ونور تلكيناهم تحمدتله ع السلامة مارد
اخذه نور ومنير فوتو للغرفة
نور.. من شفت ابوي شون تعبان ووجه مجرح كلبي وجعني
مهما كان يبقى ابوي مااكدر ماانقهر علية دخلنا للغرفة
منير سنده حتى يمدد عدل نومته وخلة العلاج يمة وعلمني علية من شفناة نام طلعنة كعدنة يم ماما وترف بلصالة
منيرر شصار ع السالفة شون راح تنحل
منير... والله مااعرف السالفة جبيرة مال اعراض وطعن شرف
ماراح يسكتون عنهه والي عرفتة واحد من عدهم نقيب
يعني كلشي يكدر يسوي ومتاكد راح يسونهه كعدة عشاير
آمال... صخام بوجهج امال نفضحنة من وره ابوك وسوالفه الماصخة
منير... يمة اهدي هسه مو وكت لطم الي صار صار مانكدر نغير شي لازم نلكة حل لهاي السالفة
آمال... حلييش يمة حليش مندك بعرضه هذا وتريدة يسكت عنة والله مايبرد كلبهم الا يعلولنه تعلل يلا
منير...اني طالع بشغلة مااتاخر ربع ساعه واجي
وانتن لاتضلن واكفات تغدن وخل امي تتغده وياجن لاتتخربط علينة
ترف... منير عافنه وراح
عمة كاعدة تدعي ودموعهه ع خدهه ووجههه مصوفر
ونور بس صافنة ووجهه مبين علية الخوف
رحت اسوليهم اكل لان من الصبح لسه مماكلين شي
طلعت دجاجة من المجمدة كطعتها وبديت اتبل بيهه
ودخلتهه بلفرن
بديت اسوي زلاطة لان اعرف نور كلش تحب الزلاطة وتاكلههد
بااي وكت
داكطع بلطماطه ومااحس الا ع صوت بابا هجمو هجم من الدك نخمط كلبي وطلعت لكيت عمة فاكة عيونه ع الباب وخايفة
ونور ترجف من الخوف ولدك ع باب مستمر
واحد صوته يرعد ويصيح ماتفتح الباب موو خاتل يم نسوانك مووو عبالك هلباب يحميك مني كو.......
وبلحظة ماانحس الاالباب نخلع
اني جنت لابسة تراك بنفسجي شوية ضيك وشعري رافعته بااهمال وواكفه وره الباب
من كسر الباب صار كبالي
عيني اجت بعينة
كصني كص بعيونة
حرت وين اضم روحي
وسمعت صوته من كال
ازهر بصياح ....لحدد يفوووووت مكانكم وانتن طبن سترن نفسجن يلاا طبن
ترف.. ركضت ع الغرفه لبست صايه وشال بسرعه وعمة حطت عبايتهه ع راسهه
اما نور ضلت يم فطومه تسكت بيهه لان كعدت ع صوت الصياح
طلعنة لكيتة واكف بلصالة يدخن وعيونة حمرر
من شافنة ذبهه بلكاع وكال
