أصابني الجنون
للكاتبةديسمبر
ماكفنة الكح...... اليروحلهن كايم يهدد بوحدة عدهه ٣جهال
وارملة لو تصادقة وتطي اليريدة لو يخطفهة وياخذهه
بلغصب مثل مايكولون شوفت عينج شفتي الزلم شون اجت
هداده علينه من حجيهم مبين عليهم واصلين وكلشي
يكدرون يسون واحد منهم يصيح يكله والله الاخيس بالسجن والثاني يعد ويصف علينه الله يستر شون تاليهة
ترف... ضليت صافنه ع كلام عمة وذكرت تهديده ونظراته شون يتوعدلي مبين علية ماراح يعديهة النه ع خير دعيت الله يخلصنه من هالمصيبه
نور سكتت من سمعت كلام امهه وزادت بلبجي وتناشغ وخايفه ع ابوهة ومنير راحت جابت موبايل عمه ودكت ع منير
نور... منير فدوة طمني شونه بابا شصار
منير...تنهدت لاتخافين مابي شي مجرد رضوض فد ساعه وراجعين للبيت
ترف... عمة تسمع المكالمه وهية ساكتة هواي كلبهة ملجوم منة ومن سوالفة
دورت بعيوني ع فطوم لكيتهة واكفة بلزاوية مبرطمة
وعيونهه كله خوف ودموع رحت شلتهه وبستهه
حجيت وياهه لاتخافين حبيبتي ماكوو شي هسه شويه
ويجي بابا ومنير ياخذج ويجيبلج لعابه ضلت حجي مامفهوم
بس اقنتعت كعدتهه ع جرباية وعلكت التلفيزون على طيور الجنة ندمجت وياهم لحد ماغفت عدلت نومتهه وبدلت ملابسي وطلعت
لكيت عمة كاعدة بلكاع واديهه ع راسي رحت يمهه
كومي عمة كعدتج هنا مراح تسوي وكت صلاة هسه
خل نصلي وندعي رب العالمين يعديهه ع خير
هزت راسهة وكامت تمشي على كيفهة مشيت وراه
شفتهه راحت توضت وطبت للغرفه
سويت نفسهه ورحت اصلي وادعي يارب خلصنة
من هلسالفة يارب اغلاط عمي لطلعهه بينه احنه مالنة ذنب
والله مالنه ذنب ماتقبل بلظلم انت ياالهي سجدت ابجي وطولت بلسجده لحد ماتعبت طلعت بره لكيت عمه ونور كعدت يمهم ننتظرهم يجون
::::::::::::::::::::::::::::؛
اني ازهر كاظم محمد ال..... من سكنه العماره ابا عن جد
مواليد ١٩٨٨ خريج كلية عسكرية رتبتي نقيب عندي٣
اخوان
احمد الجبيرمواليد١٩٧٢
وارشد ١٩٩٣
وخواتي
سارة١٩٩٧
وليان ١٩٩٩
والدي جان صاحب املاك خير من الله توفة ب٢٠٠٣
بسكتة قلبية جان عمري١٦ سنه جان اول كسرة ظهر النة
كلش تأذينه ع فراكة جان مامقصر علينه جان يحب امي
ويحترمهه كلش ومايحب يزعلهة من راح حيل تأذت ع فراكة صارت بليل ماتنام تضل تبجي ووتصلي وتقرالنه قران شكم لكيناهه واكعه بلكاع
وبصفهه صورة ابوي صرنه نضطر نطيهه مهدء حتى حالتهه
تتحسن الحمدلله وي الوكت كدرت تصير احسن شويه شويه
بس ابد مانست ابوي كل خميس نسويله ثواب ع روحه
