أصابني الجنون
::لديسمبر::
لم أحدق بك عمداً وجهك تعمد اغوائي.
.................
ترف... ارتاحينة من طلع عمي من السجن وعمتي ونور رد الدم
بوجهن بس منير جان مبين علية متوتر وقلق كلش ومن
تسألة عمة يكلهة مابية شي بس تعبان من الشغل .
من احط راسي على المخدة رأسا تجي بالي عيونة ونظراتة
الكلهن تهديد واكول شعجب تنازل عن عمي بهل سهولة
معقولة اقتنع وسد السالفة وخلصنة منة
مرن يومين هدوء منير جان نايم بلغرفة جانت الساعة ب٣ ظهر
ونور كاعدة تقرة ويمهة فطوم اما عمة جوه بلغرفة
يم عمي الي احسه هليوميين صاير هادىء يمكن لان
جسمة يوجعة من الضرب لو بلكي صارله درس من هسالفة
وتغير . رحت كعدت يم نور وجبت كتبي اشوف شنو
الواجبات الي فاتتني
نور ... اجه افلاطون
ترف... مايعجبج الشاطرين انتي مو من مستواج موو
نور... اي مستواي اني مكيب ارتست وفنانات يعيني
ترف.. اكلج اقري واسكتي قبل لايسمعج واحد ويسويج تصنيف
نور... تغارون مني اكيد
ترف... ضليت اقرة ومندمجة لحد ماندك الباب
نور... كومي فتحي الباب هذا ماكو غير عبودي
ابن جيرانة جاي يلعب وي فطوم
ترف... اني حاطة شال احتياط يم باب المطبخ
حطيته ع راسي ورحت افتح الباب كل ضني
هذا عبدالله فتحت الباب بسرعه
عبووود ااأا فكيت عينني
من شفتة هوه واكف بلباب مااعرف شسوي من المستحة
ضليت صافنة عليه فززني صوته من كال راح تضلين
صافنة بوجهي خجلت كلشش من حجة هيج عزا بعينج ترف
صرت وره الباب وحجيت بتعلثم ها ا ا تت فضل شررايد
ازهر....كل مااشوفهة حقدي يزيد عليهة وعلى ابوهة
من اشوف خجلهة وارتباكهة مااصدك اكول هذا
كلة تمثيل هية تربية ابوهة اكيد هية نفسة من شفتهة
شون ضمت نفسهة وره الباب حجيت بكلبي هه
شريفة على ابوهة جليت صوتي وكلت
شنو ماكوو زلم هنا حتى انتي فاتحة الباب وتللكيني
ترف... هذا شبي كل مايشوفني يخربط بلحجي
