غائم جزئي

البارت الحادي عشر

#غائم_جزئي ⛅

الكاتبه همس القوارير 🌸🌸

البارت الحادي عشر

ومن شباك مطبخنا تفرجت على الليل ونجومه الطالعه توجهت على الشباك واني محتاره بأمري وحياتي كلشي مخربط عندي وما اگدر اعيد قراراتي توجهت  بگلب ولسان لرب العالمين وناجيته باقل الحيله ربي انت اعلم بحالتي والبنيه سمعه وتوفيق هان سمعتي  وطعنوني بشرفي وانت تعرف اني مضلومه  والبنيه اهم شي شرفها واني ما اريد توفيق  ربي ما اريد انضلم انت قادر على كلشي اريدك توگف وياي وتاخذ بيدي الهي حتى اهلي تخلوا عني وانت عزوتي وانت سندي راح ارمي حملي عليك واتوكل عليك واطلع الليله من البيت ربي ساعدني وانجدني لان ما اريد انتحر واموت وتعاقبني واني عندي الموت اهون علي من اتزوج توفيق السكير انت اعلم بالحال يارب

دموعي ما وگفت باوعت لكل شبر بيتنا ودعت كلشي بيه راح اطلع وما اعرف شنو مصيري راح اعيش لو اموت كلشي اهون ولا توفيق يلمس شعره مني قرفت منه ومن ريحته لا تتوقعين شي هين انج تتزوجين شخص متحبيه هذا موت بالنسبه ألي مو زواج واني جنت احلم بيوم عرسي مثل باقي البنات توكلت على الله

شفتهم كلهم نامو وقبل ما يطلع الفجر  طلعت من البيت عفت كلشي وطلعت بطرك روحي لا فلوس ولا موبايل ولا ملابس ولا اي شي اخذت وياي

  ما اعرف وين اروح وين امشي الخوف بيه اكبر من كل هم بالدنيا ضلمه وماكو احد وبنيه لوحدي الي يشوفني يتصورني بنت ليل 
قبل الفجر بعدها الدنيا ضلمه وعلى اطراف اصابيعي طلعت وسديت الباب وركضت وين رايحه وين ماخذتني رجلي ما ادري اركض اركض كل قوتي ودموعي تتطاير وخوفي يتعداني وصل لحنجرتي حسيت بضوه قوي گبال عيوني سياره عاليه واحد گبالي

الشخص الي بالسياره

من يا قفص طايره انتي وهيج حالج

مريم

احترم نفسك الله ياخذك شوف نفسك بعمر ابوية تخيل لو بنتك بمكاني .. وواحد مثلك يوكفها ويحاجيها حجيك هذا شسوي ..

باوع عليه وصارت عيونه حمر

الشخص

وين رايحه

مريم

ارض الله واسعه وين ما اروح اروح

الشخص

صعدي اوصلج

مريم

ما اريد توصلني شكراً بس عوفني بحالي

الشخص

قسماً بالله ما أذيج او المسج بس اوصلج

مريم

گتلك ما اريد افهم

عفته وركضت ركضت ويه طرت الفجر وبينت الدنيا شوي  حرت بنفسي بلحضة ضعف مني وكرهي لتوفيق طلعت من البيت اي اعرف راح تگولولي غلطتي اني اعرف اني غلطت بس ما جان بيدي شي اسويه محد وگف وياي بس نفسي الموت اهون الي من اتزوح توفيق